今日放早, 月尾.......  都冇咩錢剩喇
想去玩都唔得 ^^"
又返左home 柒柒下~~
果時真係發覺自己做人真係冇咩目標咁
個腦成日都一片空白
就好似我0既人生一樣~~
好彩我0既 工作 同 朋友 都為我幫佢加上左唔少色彩~

哩個時間, 一個朋友打黎請我去佢生日 party
我又點會唔到禁唔比面呢~?
聽日我一定到 ^^
之後同佢傾左好耐電話
講左好多野....... 不其然有D 感慨
朋友可以一世, 亦可以一迅間變成敵人.....
甚至可以變成見到都好似陌路人一樣
友誼真係一樣經唔起考驗0既野?
但當你睇住一個原本你以為好了解佢0既人
慢慢咁變得好似另一個人咁果陣
你真係會覺得....    哩個仲係我所認識0既好朋友嘛?

0岩0岩睇完人地0既日記板
雖然唔識佢, 但都依然覺得好 touching
有一種真係可以了解佢多d 0既感覺

唔知點解......  我硬係打唔到哩種感覺0既呢~?
可能係我從來唔會講自己 d 野比人知
亦冇人知我心入面係點諗  (好兄弟除外 )

又可能係我從來都冇咩心事
隨遇而安, 知足, 樂天知命0既性格
令我從來都唔會有咩不快樂0既感覺

定或者......  係我從來都唔會去留意同關心身邊0既所有野
家人, 朋友, 伴侶..  身邊0既一切一切
都從未0係我心中活過??

如果係後者0既話......   我覺得原來自己....  都真係幾可悲~~
一顆木頭一樣0既心, 又點可能寫得出有感情0既字句呢~?

唔使返工......
一早同左 takumi  去食lunch
wow~~   世伯都黎啵
唔使問阿貴, 都知邊個做老細啦~~   wakakaka!!!!
好似好奸咁添^^"

之後所有節目都係   錢!!  錢!!  錢!!  錢!! 
打機, 買衫, 食飯, 飲野...
wow~~    仲有一個 week 先出糧......
我諗 今個week 唔玩, 應該都冇咩0既~~
wakakaka!!    我都唔知自己算係有plan 定 冇 plan 呀~~
禁大個人都仲係禁冇自制能力, 真係有d 擔心呀 >.<"
希望過多排會好d 啦......

to  my friend:
如果你睇到0既話, 我希望你明白
作為你好朋友, 唔會害你, 想整死你
想你死0既, 同你講多句都嫌嘥尻氣啦
諗下你身邊, 邊個先係對你最好0既人
邊個禁耐以黎都對住你d 死人粗口都係不離不棄~?
煩就係煩左d, 但對住自己愛0既人
我覺得唔應該係咁囉~

你真係覺得你0既朋友會因為錢而同你計較咩??
計較0既, 只係想你學會照顧自己
禁大個人, 做野應該有責任, 有承擔
連自己都照顧唔到, 點去照顧你身邊0既人
唔係話要你都要去睇錢睇得好重
只係錢係生活中最基本0既
身為男人, 係要求你可以照顧自己, 唔使靠人0者~
又唔係要養家, 係咪?
其實你唔想比你阿媽睇死0既, 睇你阿媽d死人面口做人0既~
更加好應該做返場好戲比你阿媽睇丫
有時間0既, 要諗下自己0既將來喇
都成 22 歲喇, 你估我地仲細咩??
你明唔明呀......??
希望你睇完哩段日記, 會明白啦 ^^

因為學琴0既關係, 今日又早左起身~
真係好攰呀~~
好多人都問我點解而家先學
我只覺得....    有心唔怕遲,
正因為遲左, 我更加要去追返我失去左0既時間!!

返左半日好 hei 0既工.......     打sorbet, 整福食~
咁又半日喇~~ 
今日try 左整 "雪菜火鴨絲炆米" ^^ 
處男下海....   好采都有返禁上下~~
清哂~~  差在未舔埋碟底 XDD
真係好鬼有成功感0既0者!!!!!

跟住幫安安搞埋 d 野, 我就閃 lu~~
真係好鬼閒, 但真係有少少攰
一返到去幫完媽媽煮飯
好耐都冇 try 過喇
真係好 warm 下~
之後食埋一餐都幾丰富下0既 dinner
周公即刻又黎搵我傾計~~
睇黎我都好快變豬架喇 XDD

BIRTHDAY PARTY

尋日同D 朋友落左BAR 慶祝,

真係玩得好開心......  每個朋友都好比面

比面到........  係咁同我乾杯~!!
(真係唔得佢死^^")

好耐都冇試過禁開心喇.....

個個好朋友都有黎, 多謝你地帶比我一個快樂0既晚上 ^^

我D 同事仲比左兩杯勁野我飲~

飲左之後, 唔使半粒鐘就KO 左喇....... ( 真係含笑半步釘呀^^" )

多得D 好朋友......   我個貓樣比你地拍低, 係咁比人睇~~

到最後我D 朋友都有送到我返HOME~~     (成村人.....   真係有面呀我^^")

FAMILY DAY

今日一起身都仲WING WING 地 ,不過都一定要彈起身

因為我仲要為我0既家人煮返餐好0既^^

我都好耐冇同我屋企人齊齊整整咁食一餐飯喇~

所以我今日就煮左幾道拿手菜比佢地食~!

包括有:

1). 泡菜年糕炒蟹

2). 三文魚墨魚面

3). 雜菜煲

4). 白切雞

原本仲有條石斑架~~  但.....驚食唔哂呀^^"

見佢地禁鐘意食, 我都好開心

哩個.....  亦都係我做廚師0既原因^^