離開左馬會禁耐, 依然冇被朋友忘記

雖然我而家日日都要返工, 但佢地都間唔中有打黎問我幾時有假

大家date 埋出黎聚一聚~

縱然而家見面0既時間唔多

不過......  有heart 咪得囉~~

唔使成日對住先keep 得住0既~!!

不過之前馬會果段開心0既日子...   我點都唔會忘記0既~!!

-------------------------------------------------------------------------------------------------

今日十二點幾先起身......  冇人約~~

咪date 阿姨一齊去食lunch 囉^^    (冇人約先date 佢, 都覺得自己幾冇良心下 ^^" )

之後上左佢屋企坐左陣, hei 時間.....   (waste 左~~  其實我應該返屋企執房先0岩0既......  )

直到3點半.....   都仲date 唔到人陪我去行街街....

咪自己一個去蕩下囉~~   (但行行下......   我都係打左比阿如, 捉左佢出黎陪我買野^^" )

咁又比我好成功咁佔據左佢0既食飯時間喇~~   kaka!!

試左好多對......  之後都有買到~~

但都仲未夠鐘同 kiki 佢地去食飯......

咪自己一個去左 "東角" 同 "地帶" 道逛下囉~~

0係 "東角" 見到有件衫都幾鐘意, 但可惜冇我想要0既size 丫~~

搵日要再去睇下先得~!!

之後同kiki 佢地join......   又去食 "峰sushi"

大家傾得好開心~  係咁講阿mill d 野~!!

笑到癲哂~~  好似飲醉一樣^^"

之後一齊打左陣機就散lu~~   都算係開心0既一日~!!

總算冇浪費哩日假期啦^^

原以為大家都唔記得我0既生日.....  (其實可能係因為我唔會周圍話比人知我今日生日^^" )

但發覺原來身邊0既朋友都記得0既~!

只係原來自己手機冇電....  所以delay 左0者.....   (真係on 9仔呀..... )

多謝第一個打黎同我講生日快樂0既人, 真係幾 surprise~

anyway, 我慶幸身邊有禁多好友

今日生日好開心, 希望以後年年都禁開心啦^^

今日媽媽請全家睇詹瑞文0既 "萬世歌王",

好搞笑, 佢真係好有才華......

無論演戲, 跳舞, 以至到唱歌.....  都一樣禁掂~!

全場都係得佢一個演出, 但都一樣禁好睇

多謝媽媽~!!  因為d 飛真係好貴下......

哩份......  都算係一樣好好0既生日禮物~

但點解細佬佢地都有份0既??  咁咪即係唔算生日禮物囉?!

唔得....  而鑿多份禮物先得 ^^

睇完之後, 發生左d 唔太開心0既事

無論點都好啦......   唔太想0係人面前發火, 所以強忍落黎

但似乎唔係個個人都鐘意人忍耐......    不過點都好啦~

事情都告一段落喇....    唔開心0既事, 唔會再諗.....

生日係應該開心家嘛~  係咪??

過多兩日, 又係快樂0既一日~~   好期待呀~!!

返左工兩日, 工作環境同D 同事都幾好~

係個老細寸D 0者~

幾個同事都想打鑊佢禁滯.....

成日走入黎蛭頭蛭勢, 真係好能黑人憎.....

似乎d 野都仲未上手....  真係失禮哂...

睇黎我真係要比d 心機至得喇~~

希望哩個星期可以學哂冷盤 同 甜品d 野啦~!!

今日爸爸整親隻腳, 痛到行都行唔到

同佢去左急症室睇, 個醫生都幾癈下....

問佢咩事, 以後應該點做好

夠薑講話 "冇架喇~ 冇咩可以做架喇 !!"

"個膝頭衰退左, 唔好期望可以好似以前咁行得走得呀...."

冇咩可以做....?  咁我地黎做咩呀??  你都忽0既!!

之後轉介左去東區醫院, 留院觀察

話哂都係專科, 應該好d 0既~

希望真係可以冇事啦...... ^^"