阿ken 都走左一段時間喇

我似乎都能適應而家0既工作......

過左試用期....  其實都唔代表d 咩0者

都唔知係我0既工作能力受到認同,

定還是人地根本冇得揀.... 所以局住要用我呢?

說盡好聽0既說話, 我開始都有d 心動想留低繼續做....

睇下之後0既情況係點再算~

但似乎哩道都真係冇咩可以再比我學......  

我係咪應該放棄哩d 安逸0既生活, 去其他唔同0既地方再闖下呢??

原本聽日我同事放假, 今日臨放工仲plan 緊聽日有d 咩要做

點知到左收工果陣, 先知我同事以後都唔使再返工......

話就話 warn 過......   先得果一次~

至今都未夠一個week......  咁就比人炒左 =.="

真係唔知幾時會輪到我~~

算啦^0^   都係唔諗太多喇......

都係做好自己本份, 一面比心機搵工把啦~~

其實都冇咩0既......     只係有d 覺得見到 "今日0既佢" , 就好似見到 "不久將來0既我" 咁~~

一種好差0既感覺~!

日日返工放工咁.....

唔係話悶, 唔係話厭, 亦都唔係話倦

但真係好似冇哂私人時間...... 

想學d 野都唔得......

唔知呢~~  可能會襯而家仲抽到身,

轉行都未定0既 ^^"

而家返工都唔係話咩0既......

不過....  唔知係我未見過世面定咩呢....

由於唔係太醒目0既關係, 所以比人屌已經係家常便飯喇

但聽講做廚房, 比人屌係必經0既階段

雖然聽落都好有道理, 但一時間真係好難適應呀

我都有諗過做多排就另謀高就....  但講真...  

如果哩個場都做唔掂0既話, 就真係邊個場都唔使去喇.....

所以我最後都係決定做落去, 起碼....  過左3個月, 人地唔要我先算啦嘛~

我真係唔想衰比人睇, 過唔到自己果關呢....   

希望可以用未來哩2個月時間令人對我改觀啦^^"

又切親手手 lu~~

唉.....  真係失禮哂...

太渣喇......   原來實戰同出餐係同完全唔一樣架.....

速度同技術係唯一要追求0既野,

有一種完全未見過世面0既感覺,

睇黎距離我0既目標......  仲有一條好漫長0既路~

真係要再比心機d 先得喇....  >.<"