同老闆傾到同事嘅坐位編排，由於現時公司已經再冇supervisor，所以兩位就丟空咗。喺冇人會升職坐上supervisor個position次前，絕對唔可以有人坐嗰個位，否則佢會以為自己升硬。
同一道理，屋企亦有兩個位只有老豆大人坐 - 食飯枱嘅「主席」位，同梳化對正電視個位。嗰個喺我哋屋企係權力位置嘅象徵，等同皇帝張龍椅。所以人人都唔係好敢坐老豆個位。
至於我喺公司個位，就喺老闆隔離，因為我係佢個妹仔；喺屋企食飯時要離枱(因為我個位要俾工人餵我呀媽)，睇電視就要坐地下(因為我有近視同散光)，而最主要原因 - 我喺屋企都仲係妹仔 - 不過係「妹仔頭」。
