可能我真係開始對份工認真。相對於以前嘅「熱愛」，依家只係比心機做。我諗兩者嘅差別在於有無放個心落去 - 以前嘅「熱愛」就好像戀人熱戀咁瞓晒身，戀愛(返工)係開心嘅，所以你會全心全意對你嘅愛人(公司)。依家就哀莫大於心死，既然唔可以離婚(辭職)，就唯有麻木自己，做囉~如果唔認真做，我真係諗唔到我點樣可以繼續留喺度。

所以就喺呢個喺美國嘅機會，好似衛生巾咁盡量吸，有乜問題都唔怕醜咁問。

食飯大個天，所以今日我回復正常時間食lunch，而且仲係同Compliance啲人一齊食。以為唔食肉就唔會「釣魚」，點知只係湯同沙律都可以釣魚釣死我。下晝同阿婆開會差啲死咁滯... 唉~  喺美國嘅開公時間我真係好難適應。

放公就返酒店 - 呢啲就係我喺美國開工嘅悶炳日子。今日可以唔駛食room service因為發現到公司canteen有三文治賣，就買返酒店，先食個muffin，夜少少再食杯麵。

我好卦住香港啲friend同嘢食呀...