星期六晚同台灣朋友上MSN傾到差唔多顛咗。我唔知佢哋兩個點，但我就笑到差咁斷氣。

事源係復活節之後我要去台灣出差，就諗住話比台灣啲friend知，約埋食飯。就係咁Claire話比我知，佢有個男同事會喺同一日到台灣。點知講吓講吓，原來果個人同我同一班機。Alice就問唔知會唔會係一個romance story。就係咁，Claire就開始形容佢呢個好好人嘅男同事，仲話要介紹比我，不過要先查吓佢咗結婚未，又話要搵張相比我睇。一時又講到點先係好男人，又講到有乜計劃可以拉埋我哋 - 講都好似真咁。

其實，成唔成事唔係重點- 大家都係吹吓水啫。重要嘅係一啲遠在他方嘅人，都關心你嘅將來同幸福，真係好warm~ 我就唔會因為朋友對我嘅關心左諗右諗，咁樣我會死得好快~！

不過我都想見吓果條友係乜水~

<3月27日: 琴晚Claire話我知條友結咗婚喇~ 都話啦，好男人通常都比人mark咗架啦~>