成日見到喺朝早返學嘅時間，有媽咪或者外籍傭工幫啲細路揹書包去車站。我已經好不齒呢啲細路 - 又唔係冇手冇腳，做乜要人幫佢哋揹？今日我見到一個駝晒背嘅阿婆，幫一個肥獅大隻嘅死仔飽揹書包，我望住佢佢仲眼超超，我見到真係火都嚟埋。

我知可能係阿婆錫個細路，唔想佢咁辛苦揹一個又大又重嘅書包，但咁樣真係愛佢變成害佢。點解唔俾佢自己揹？咪當做運動囉，而條死肥仔仲眼超超咁，好似「老憑」咁。阿婆養大佢老豆老母已經夠晒，仲要揍呢啲咁嘅死仔飽，阿婆，你真係苦命囉~