星期六放假約左人影相,影到2點幾,原本唸住出尖咀睇衫,但個fd 又話要夜晚先得,見咁好天於是一個人去左大棠影紅葉但去到己4點,預左唔夠時間都照去,我行左小路搞到耐左,去到行到見到紅葉但都入黑影唔到,走個時都6點,行山d人都走晒,得番我一個摸黑落山,好彩走個條路係石屎路咋行山路就惨要慢慢行,落到山都7點幾,為有下星期睇下有冇時間再去,希望到時d葉重末跌晒落地la,之後返屯門會合個fd睇衫,睇完但冇買野之打食埋飯就散band番屋企

今日放假去左元朗行山,下午2點幾出發去左黃泥潡水塘,去到3點幾上山,去到見到一男一女係道野餐,位置同我同ex野餐個位一樣對上一次己係3年前,唸起唔知點咁,影到6點就走,不過今次冇行番屯門只係原路走

今日徐夕我發覺自己一到呢d節日心情又差,好唔開心成日要避開呢d日子,唔想出街超憎咁多人>,<,2009又過去,唔開心既一年,新一年希望可開心咁過,我都唔記得開心係咩,自己鐘意既人又有男友,做咩都係一個人連朋友都冇乜,又老一歲啦時間過得好快,越黎越樣衰冇乜自信心,成日垂低頭唔望人,我覺得又變番以前咁

放工經過朗屏 izzue ,5件半價忍唔住手買左5件恤衫,買左千幾蚊,哈~~新年都唔洗買衫恤,不過講就得者,到時又忍唔到手ga la,清單~白黑點折左280/紅格仔領黑恤衫折左150/黑色領藍間折左160/紅綠格仔布黑恤衫折左280/冷呔黑恤衫折左250 ,我戒左煙架啦,只係影相會扮食煙,各位小朋友唔好學wo

今日係我一個中學同學結婚既日子,下午去左荃灣教堂觀禮,兩個人由唔相識到決定下半生係埋一齊真係很感動,之後坐古老開蓬巴士去尖咀,途中好多人望不停同路人揮手真係好搞笑,不過真係好凍,去到尖咀之後我走先去食野,之後一個人去左行街,行到咁上下約埋個fd一齊去洒店,又見番以前香港寬頻一班舊同事,＋一點幾食完就返屯門,兩個人一齊真係好開心既事,可惜我冇呀,祝福佢地永結同心