今曰放假下午出左尖咀影相,帶左GF1同2支手動鏡,海運超多人呀,影左陣之後6点幾去左尖東影燈飾,岩好著燈,影到7点幾,去左M記食野,之後再去星星大道,差不多8点有幻彩詠香江,去咁多次尖咀影相都末睇過,今次决定睇埋先走,哈都OK la,之後去碼頭影左陣燈籠公仔,最後去番海運影夜景,影左陣點知部機冇晒電,掃興我未影夠架麻,激死人我唔制呀,聽日放工再去過先得,今次帶大機大炮去

今日放左工一個人去左大快活打邊爐,又OK好食喎,不過好少見有人好似我咁一個人食,睇新閒尖咀海運聖誕燈飾亮左燈,搞到我心郁郁又想去影相啦,塭日放工出去影下相先,好想買5CM條吊脚褲,不過499都係等佢有折先買,必入因為超型,岩用超平既價錢54折入左件X large 綠色MA1,星期六轉冷又可以著扮下機師哈~~

今日返工好黑仔,無端端比隻黑蜂針到,搞到隻手又紅又痛,我最終親手搞掂左佢太可惡啦,嗚~~~好痛呀,打住咁多先

今日放假中午一個人去左馬灣影相,帶左女友一號去,2點去到柏麗灣食左個優閒午餐,肉漿意粉忌廉湯,去左舊村影相,之後就去馬灣公園影到5點幾就坐船走,跟住去左旺角,想買個對波鞋冇左,試左另一隻色但感覺麻麻,都係算慳番,終於忍唔住買左panasonic白色耳筒,d聲真係好正,强烈推介,盛惠$325真係好抵,行過唱片鋪忍唔住買左呀sa隻新碟,隻放得低真係好好聲我呢排不停聽,行到＋點幾就返屋企,係樓下老麥買左個餐食,咁就冇左個假期la

今曰放工去左迎接女友一號回家,個sales都唔pro既,問佢d功能佢都要問人,好心就操熟部機la,絕白女友真係好正,係美食廣場食左個冬陰公海鮮拉麵,好正呀28蚊又ok wo,之後行左陣吉島睇左陣衫,好想買對波鞋同褲,但都忍手冇買,之後就返屋企幫女友試衫,哈~影左好多相