今日萬聖節放假下午約左fd去左尖咀行街,行行下撞到我表妹同佢bf,但佢好以見唔到我,之後落左旺角會合另一個fd,我fd買左對波鞋,我就冇買野因為冇咩折又糧尾,之後返屯門打邊爐,我樓下洒樓真係好平,9點後$58任食任飲全包,食完之後去左我屋企坐打陣機,我fd派左紅色炸彈比我地,早有預謀約晒3個,重扮交接儀式影相,之後玩到12點半就走lu,佢地走左後見到個fd結婚自己又唔開心,得我一個人冇拖拍,不過算la習慣就冇所謂

今日放假心情其實唔多好,心神舫怱咁,覺得不在壯態,最近買左太多野真係要停la冇哂$好窮呀,要食杯麪一排la,最近入左2支電影鏡同2支手動鏡又係段練我手動功力既時間,又冇難道既係慢d者,最近因買鏡識左個影友傾傾下比我d鏡相佢睇嚇親佢,但佢d都唔弱呀打黎雀長鏡都唔平,同佢傾左陣電話講鏡頭真係唔洗停,都係msn好d,佢以為我好大msn比我相佢睇,佢為係我個仔哈~好搞笑我好細咩,佢都係大我d同結左婚者,有老婆真係慘只可影花草風景同仔女,唔係就扭耳仔,我就唔會理我太鐘意影相,影得人靚自己好滿足,不過呢排有心事,停左影人像一排,想影下景中和下好d,我又要自己一個人周圍去影相,冇朋友真係慘

今日放假一早去左剪頭髮之後一個人出左旺角買相機d野,買左電影鏡轉換環,好貴但冇計得佢有,$550講價平左$50,又買左gf1個LCD遮光罩$188叫老細平d $168搞掂,之後去左掃街買魚蛋個d野食當午餐,之後又去左深水埗行,買左尾蓋同遮光罩盛惠$93,之後行左好耐鴨紀睇下d得意野,又見到小食又買左牛什食,之後就返屯門,行左陣吉島,買左電動牙刷同電鬚刨,盛惠七百幾,今個月破晒產,有排冇得買野啦,之後比我見到榴連HI超糖同蜜瓜牛奶糖,哈忍唔住買左,之後就返屋企la,係樓下M記買左個將軍漢寶餐返去做晚餐,隻榴連糖都ok唔算好甜

今日放埋個日紅假,一早起左身,但之後又訓番,訓到成＋二點幾,做下屋企d好之後差不多四點先落街食野,食完野之後就出旺角行,買左2隻game,同攝影書用左六百幾蚊,原本想買對波鞋但今月冇乜錢所以要忍手la,因為前幾日忍唔住訂左部白色女友一號,但要下個月先有得囉,行到＋點幾就返屋企la

今日追月同平時無分別都係返工,其實咩節日對我黎講無咩分別,因為我冇乜朋友佢地都要陪女友,我都係一個人過,我發覺好多時無野講令我覺得自己好煩人,我真係覺得好悶,唉可能都係一個人適合我,我的快樂會回來嗎,我受夠傷了,我真係好差咩,我對自己真係好無信心,只有攝影可以比到我一點自信