尋日放假咁岩Kelvin又請左半日假,約左佢去尖咀食Lunch,之後同佢去左灣仔去囉收樓紙,囉完就返返尖咀行左陣,之後落左旺角陪佢買鞋,行左一輪波鞋街都未决定到,之後就陪我上Sony囉新相機,上到去超多人囉機全部都係囉A55,真係利害,囉完再join埋呀江去左朗豪坊行,佢終於買到,之後三個人去左太子個頭打邊爐,打完成11點半就各自散band,番到屋企成點咁制了,今日幫部A55影寫真,初 步試既感覺,機身好輕,膠殼機身唔實淨d制好鬆咁,不過入門機係好難同用開中級機比, 冇左反光鏡用EVF機身真係細好多,輕量化真係有點似G2,令行山時輕鬆好多,電池用番NEX個種抵讚,如果有NEX真係2部都用得,但電量細左好多,建 議帶2粒電,可惜冇左熱靴蓋送,咁平既野都唔跟要人另外買真係要鬧,反MON用LV好方便可惜呢程設計用唔到直度,用FF鏡會有頭重尾輕感覺不過為左輕量 化都可接受既,新對焦系統幾準幾快,EVF有電子格線及水平呎,一秒10連拍真係好爽不過只係影靜物,追焦好似一秒6張不過自己比較少用連拍,HDR同一 掃全景好方便減少後制時間,內置GPS真係唔錯唔洗另買多舊野,自動白平衡比A700準左,高 iso改良左好多iso3200好乾淨就算iso 12800都係可接受水平,手持夜攝功能可將多張相合併一張,就算冇帶腳都可影,拍片自動追焦真係又快又好用,拍片雖然唔可拍太長因為會過熱,但off防 震加腳可拍耐D,一般都夠用,如果可加番720p選擇會更好,用M mode單轉盤轉快門時要按住制切換有點唔方便.GF1個種按制式盤轉設計真係方便好多,可影3D相同一掃3D全景真係好先進可惜我無3D電視,希望會出 3D電子相架,我覺得Sony今次新機真係有好多技術突破,直接令C/N下放更多功能同減價,真係令用家得益

今曰囉左d菲林相,係星期3晚放工一條友夜晚踩單車去左龍鼓灘影夜景d相,個度好難先揾到路去馬路既側面影發電廠,條路要係斜路上先有路落番去,重要抬高單車避過勁多倒下左既樹杆,因為有單車抬起一米幾上石博有困難,其實最快就係橫過馬路,後來走先知有d位高左,可以方便走人,影影下重有架警車見到我單車尾燈所以停落黎,比2個警察查身份証,佢地因為呢道附近係特別地帶我唸佢講係走私偷渡黑點,同其中一個警察又傾影相經,佢問我做咩唔影數碼相,我答佢2樣都有玩不過菲林正好多,其實我都有帶GF1不過冇帶SD咭,查完佢地叫我慢慢影,不過其實個時已11點半而且我都差不多影完,之後就踩番屋企了,不過冇帶黑咭d相好多位太過曝了,有機會再影先得

今曰放假冇野做去左尖咀,食完野經過訊號山公園,上左去影左幾張相,但已經熱到濕晒,之後經過1881發現多左好多卡通公仔,影左一陣就坐小輪過左上環唸住晒埋筒正片,點知間野掛左Lunch牌,但打去又冇人聽,行左陣等佢成個鐘後上去都係冇人,放棄走人之後行過香港醫學博物館,影左幾張相就走人,番去旺角見到克勤隻碟出左就比$買左,之後去花墟買左d植物,之後係太子食埋飯,食完8點就返屋企

今日冇落雨但個太陽比d霞遮到朦查查,陰陰天咁,正好試下新買既單車,中午點幾鍾一個人踩單車由屋企踩到去流浮山先去尖鼻咀,再番轉頭踩去下白泥,不過太攰冇再揾路去龍鼓灘,折返返屋企去到樓下已5點幾食完下午茶就返屋企,帶左相機不過冇咩影,太耐冇踩單車都幾攰下,個單車座唔太舒服要買張好D先得,睇完季選係床訓著左,但3點幾又起左身,之後玩左陣電腦,4點再訓過但訓唔著好耐先訓到好慘>,<

呢排5CM同2%都減價,買左好多衫同袋,襯下衫自拍下先,UNI QLO d米奇Tee