今日放假6點半起身一個人去左西貢行山,去到西貢市中心8點50分,係超市買完野飲就去麵包店買三文治,之後去麥記買左個早餐外賣食住等車,食完岩有車去到西灣亭9點9,之後行到吹風坳,下過天氣真係好熱比我上一個月去時熱好多,原本唸住去蚺蛇尖/浪茄,最後都係决定去浪茄,條路其實唔難行,不過天氣實在太熱,途中好多行山人仕都要行一陣停一陣,好彩我有帶遮唔係實中暑,行到中途終於有個亭,時間岩岩11点9所有人都係度休息,我都停左差不多半個鐘先可再行,得一對夫婦同我差不多時間行,其他人都唔見跟上黎,一路影相一路行,行左半個鐘又有一個亭,岩岩12点半,呢度望到浪茄真係好靚,水清沙幼,望到個海藍綠色好靚,重有幾隻遊艇係度,沙灘有成幾十人係度玩,,係度休息食左半份三文治,1點鐘就行落沙灘,d沙比太陽晒到好熱,之後行到沙灘石邊影下相,順便浸下腳,呢度只岩坐遊艇黎遊水,因為冇水沖身的,重有好多人係度露營了添,之後影到2點倒就上山去東壩,呢個鐘數真係好熱上山好辛苦,速度好慢終於上到山見到個亭,我停左係度半個鐘個人先cool down到,d水都差不多飲晒,之後我就行去東壩,去到時好多人,重有人影婚沙相添,真係佩服佢地咁熱重著到咁影相,我係度影下相又停下休息,見到好多女仔影相有d重用單反添,天氣好熱我影完相休息左成個鐘先有番力,d水又飲晒,原本唸住放棄坐的士走但又好似好衰仔咁,唔行晒原定條路,最終都係行啦,10公里石屎路路牌寫住3個鐘,我5點3先走,天氣唔熱對我呢講冇難度,但都好彩行到一半太陽落山已冇咁熱,中途終於有山水水源洗下毛巾抹下面,個人即刻精神晒,之後係大霸又影左陣相,重有d野狗係度,不過就好友善既,影到7點就走,夏天曰長夜短7點半先開始入黑,行到北潭涌岩7點8,都唔洗3個鐘就出到去,去到巴士站好好彩岩岩有車,出番西貢一落車就沖去便利店買野飲,飲完就坐小巴出彩虹,可能真係好耐冇搭,揾唔到個站,搞到又要行餐死去上一個站,9点半番到屯門係大興落車食飯,食完就行番屋企睇波
分類: 未分類 |
