今日起身好好天,又去烏蛟滕行山不過趕唔到11點班車,12點去到係美心食完飯就去搭車,點知上錯車,為有改為大美督出發,不過估唔到原來咁甘,係大美督行入去霸尾,點知入口比人鎖左,不過難唔到我,我沿住網邊入去,行到水務署材料倉,突然見到對面海d山好大雨,我已即刻收埋相機幫背包帶防水套,之後d雨已殺到,開遮都周身濕晒,之後行到一個水霸,但見到又鎖左門,好彩問一下隔離地盤d工人,原來側邊有樓梯上水霸,之後就可行過去,停雨之後終於見到一個牌寫住去鹿湖峒行3個鐘,我冇留意之後要行幾耐先去到烏蛟滕,咁就奶左野,因為我行個時都一點幾,之後一路行都係一d碎石路,唔算好難行,一路行一路越黎越斜,不過見到淡水湖風景好靚,由長牌墩行到老虎笏,之後上到山頂位有個標記柱同一個警告牌寫住勁難行,但我冇理到,休息左陣又再行,行到三門山再到虎頭沙,都唔算好斜不過就好猛太陽,之後間中又落下雨,呢道開始越黎越斜全部上山既路多,行得好辛苦,去到鵝髻頂見到d石頭都生滿地衣,証明呢道d空氣極之好,之後開始多樹林位,重勁多大蜘蛛,我為有用行山扙黎開路撥開d蜘蛛網,之後d路根本就係d比水沖出黎既碎路,行呢d路令對腳好攰,終於行到一d石級路,行到好高望番之前d路原來已行左十幾個山,之後終於上到鹿湖峒,風景真係一流,上到去個時5點半,但見到個牌就知死啦,去烏蛟滕要3個鐘,之後為有加快腳步,行左陣又落左陣大雨,之後又行到一d樹林位,又係勁多大蜘蛛,我最怕行呢d位,又要減慢速度,之後我直唔關遮,用把遮開路,行左好耐都係碎石路,行到觀音峒已6點半,個牌寫住重要成2個鐘先行到烏蛟滕,行到大峒見到個牌去上苗田重要個半鐘,d路重要落山先慘,對腳d肌肉好攰,而且已開始入黑,落到山腳d樹林位已黑晒,又冇帶電筒,新個部手提又揾唔到電筒功能,為有用電話LCD個小小光黎照路,呢道d路好多樹勁黑，行到上苗田終於見到d廢屋,心裡都覺得好d應快到,不過就更急步行因為d廢屋夜晚好恐佈,不過行行下又見到d綠點,原來係螢火蟲,佢地見到電話LCD d光會有反應發光,之後終於行到犁頭石個路口位,今次真係快到啦,因為我上次行呢條路走,行左陣有d好恐佈既叫聲,原來有隻牛係我前面一路行一路嘔,我就用手提播音樂等佢知有人係佢後面,原來真係有用,佢行得好快,己唔見左佢,之後行到大片草地,個電話LCD d光又令到幾十隻螢火蟲一齊發光,令到心情都冇咁驚,之後終於見到街燈,不過好遠先有另一枝,條路都係黑漆漆,睇下個錶都8點了,行快兩步終於行到出村口趕得切8點3架車,走左就慘之後係路邊執番d野換左件衫,岩好有車之後出返火車站就坐番火車去上水轉小巴返屯門,係樓下食埋飯就返屋企休息,呢條路我比10粒星,因為真係好甘,唔怪之冇乜人行咁啦,d路佈滿蜘蛛網
分類: 未分類 |
