敏冒日...>.<

好辛苦好辛苦好辛苦呀...
都唔知攪乜...晨早一起身就勁打乞嚏...
睇黎...我O既鼻敏感又返黎喇...

今日返到公司...就不停咁打乞嚏同流鼻水...
仲要係不自覺咁流出喇...>.<
我諗...O的天氣又開始轉變喇...

本來今日好似有個幾好O既消息...
就係...Fiona 居然同小雯雯講...
話我都上o左黎好耐...不如下晝小雯雯上返黎...
但係因為我個人太辛苦o既關係...
我都係決定留返o係21樓...
至少唔駛咁多人見到我呢個樣先啦...>.<

夜晚...又決定o左逃學lu...
因為真係實在太辛苦喇...>.<

乖乖女...

今日係星期六...又係返半日工O既日子...
因為覺得個負離子唔太GOOD O既關係...
一放O左工就走返返去香港仔度搵傻B...
連傻B第一眼見到我佢都嚇親呀...
佢都覺得冇可能整O左一個星期就會變成咁...
所以就決定上返SALON 度搵O個個人喇...
上到去...佢O地見到我O地都嚇O左一嚇...
無啦啦做乜又上O左去...

之後先發現...原來唔關事的...
係因為自己懶...洗完頭之後唔吹...>.<
洗完...一吹完...就乜事都冇LU...
我唔會再懶...我會吹頭架喇...=.=

攪掂O左之後...就返屋企LU...
因為傻B約O左人嘛...
再加上...老豆今晚返黎食飯...
點都要做O下乖乖女返屋企O既...^^

古基基呀~~~

等o左好耐喇...終於到今日喇...好開心好開心好開心呀...^^
今晚...就係古巨基The Magic Moment演唱會o既第一場喇...
心情好緊張呀...第一次呀...係第一次睇佢演唱會呀...
唔知今晚佢會唱o的咩歌呢?!唔知今晚佢又會有邊個做嘉賓呢?!
好多謝媽媽借部相機比我去影相相呀...一定會影爆晒佢張卡o者...^^"

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

^o^我掂到佢隻手指呀~~~

今日一放o左工...就落去樓下搵阿仔...
因為約o左佢六點鐘就起程...
想預返o的時間鬆o的嘛...

去到紅磡都會...都只不過係六點九...=.=
可能因為早o既關係...食野o既地方都唔係太多人...
所以一去到小魚滋味就有位了...真係好喇...^^
食埋個飯...七點三...超快...

為o左消磨o下時間...就走o左百佳度買o下野飲同埋去定洗手間...
點知...比我o係洗手間度聽到一把好熟悉o既聲音...
再向o個邊望一望個樣...又好似好熟咁...但係都唔敢叫佢...
出返去商場...見到佢阿媽...我先敢肯定我係識得佢o既...
佢就係我一個o係SSCC o既同學 --- 施俊而 喇...
見到佢就令我諗起5D...好耐冇見佢o地喇...
一問之下...原來佢又係黎睇古巨基演唱會的...
仲要坐第六行...咁咪即係後我一行?!(心裡暗喜...)
再問...原來仲要係o係同一個閘入添...但係唔知坐邊...
之後...就講聲byebye 就走o左lu...

雖然仲係好早...但係我同阿仔已經趕住入場喇...
因為...始終都係我第一次睇古巨基o既演唱會...
心情係特別緊張架...個人未入去...個心早已飛o左入去lu...

發誓...

好唔開心好唔開心好唔開心呀...
媽媽返o左黎已經兩日喇...
小Q都已經開始自己一個人坐counter 啦...
就算有幾唔熟都好...都咁耐啦...
就黎一個月喇...唔好同我講話仲係唔熟囉...

咁既然係咁...點解仲要我日日坐o係21樓?!
仲要完全feel 唔到佢有意欲叫我返落黎...
亦都冇意欲要阿小Q 上21樓...
仲要我坐o係21樓坐到幾時?!
仲話要將我平時做開o既野比佢小雯做...
佢o既意思係咪叫我唔駛再返落去18樓?!
就算我落o左去...佢都要趕我返上去...><
真係咁唔願意見到我嗎?!

今日o既情況都係一樣...
好似唔想同我講多一句野咁...
而家咩事o者...發生咩事喎...>.<
我做錯o的咩喎...點解要咁對我?!

突然發現...每一次落親18樓都會唔開心咁返上黎...
竟然21樓變成o左我o既天堂?!?!?!
突然...愛上呢個地方...

如非必要...我唔會再去o個個唔屬於我o既地方...>.<

最愛魚"身"...

唉~~~唔想再提公司野呀...講起都嬲呀...>.<
都唔明點解o的人可以咁做野架...
做野...又做錯少少...又做漏少少...
我要拎住佢份野黎做下一步o既野架嘛...
佢做錯...做漏...咁我點繼續做落去呀...?!
唔講喇...唔講喇...唔講喇...講返o的值得開心o既野先...

今晚放工之後...約o左珈恩姐個表哥 - 王雄食飯...
冇計啦...之前放工o係屋企附近撞到佢...
仲要無啦啦比佢捉o左我去陪佢等車...
o個次係佢話我生日請我食飯架...
終於都約到今晚出黎食飯喇...

去o左上次同媽媽小雯佢o地係寶勒巷食日本任食o個間...
再一次可以比我回味一o下o個度o既三文魚刺身...好味...^3^

哈哈哈...我同佢兩個人...食o左好多野呀...
四十件三文魚刺身...二十件吞拿魚刺身...
仲有蝦, 赤貝, 立魚, 黃魚, 天婦羅, 蠔, 青口...不能盡錄...
最正係...佢仲要係不限時架...
由七點開始食...食到成十點先走人...跟住就返屋企lu...

哈哈哈哈哈哈~~~~~~
三文魚刺身...始終都係我o既最愛...
日本料理...始終都係我最鍾意o既...^o^

媽媽回歸...

今日媽媽終於都放完假回歸喇...
不過唔知點解...個感覺好奇怪...
佢好似已經錫晒佢o既寵兒咁喇...
朝早o既態度又好似唔係咁好...
都唔知咩事...唔知有咩得罪佢...
落一落去o者...佢好快就趕我返上去喇...

到時下晝...佢突然打上黎同我講...
佢話佢個個都咁錫...一視同仁喎...
又話咩比佢人詐型...話我o地好似咩都唔知...
淨係得一個人清楚...其他兩個都答唔知...
大佬呀...呢樣野唔關我事架喎...
我唔係冇講佢o地似喎...
但係係佢o地自己唔記住...
仲要兩個都唔記得o個度死丫嘛...
攪到媽媽就以為我冇講...
而家唔係我想唔想霸晒上身o既問題囉...
係我講完...兩個小姐都要記住先得架嘛...
唔該唔好乜都賴晒我好冇?!?!?!
有時佢o地同一個問題我答幾次...
咁個問題唔係出o係我度丫嘛...
同一個問題...問幾次...又答幾次...
即係唔記住o既係佢o地啦...唔該...
唔該下次o係賴人之前...
問清楚個問題所在先啦...

講真...如果個情況繼續都係咁的話...
我真係唔知點捱落去...

大忙日...

仲有一日...媽媽就放完假返黎喇...
今曰...係星期一...當然亦都係最忙o既一日...
但係今日係比平日更忙架...
唔知點解...個個都o係呢一日黎問話要呢樣o個樣...
好多人又話要搵媽媽...唉~~~總之就攪到好麻煩啦...

今日好忙好攰呀...>.<
點解係要o係星期一...仲要媽媽唔o係度o既時候先咁忙架...

訓覺日...

本來今日係約好o左同阿媽阿姨過去鑽石山度執野...
不過...可能真係因為太攰喇...一朝早阿媽叫極我我都唔醒...
所以佢o地兩個就決定佢o地自己去就算lu...
不過咁都好...可以有返個星期日比我好好咁訓o下覺...
上個星期日已經冇覺好訓喇...再唔係真係會死人的...>.<

十一點幾十二點度起身...第一件事...梗係醫o左個肚先啦...
跟住就一路食麵一路睇我追緊o既<武十郎>...
哈哈哈...o係入面o既千嬅真係好攪笑呀...
不過呢套戲有o的美中不足o既係...千嬅把聲唔係原聲...
如果千嬅o係拍呢套戲o既時候都係講國語咪好囉...>.<
真係越黎越鍾意呢套電視劇呀...不過就黎大結局lu...

睇o左三四集...差唔多三點幾四點度...
因為再一次覺得眼訓o既關係...
又走去訓過lu...哈哈哈哈~~~
到我再起身o既時候...就已經係老豆返黎lu...
之後做o既野...就梗係食飯,睇電視同訓覺啦...^^"

傻B o既生日禮物呀...

今日返到公司...依然都係好慶呀...
再加上因為我同小雯雯有野要一齊做o既關係...
就叫o左小Q 上樓上坐足住全日喇...

為o左黎緊星期一o既早會...
又要整抽籤...又要整紙條...又要諗個powerpoint...
就咁就攪o左我o地成日...仲攪到兩點鐘先走得添...

因為之前同小儒講過每個星期六都一齊去玩o既關係...
我o地冇相約去邊度玩...不過佢依然都o係赤柱度出o左黎搵我o地...
雖然我約o左傻B...但係佢咁遠出到黎...咪同佢去食個lunch 先走囉...
最後攪到成三點幾四點先過到去香港仔搵傻B...=.=

夜晚...同傻B去o左味千度食飯...
突然好想食返味千個蕃茄飯飯啊...
等緊食飯o既時候...傻B突然送o左兩份禮物比我啊...
原來係生日禮物黎架...係Melody o既月曆同Schedule 呀...^3^
靚靚呀...好鍾意呀...多謝呀傻B...^^

賤人當道...

頂~~~點解...o係工作上...o係私事上...
都會係賤人當道...小人當道架...

o係公司...就有一隻一o的都唔可愛兼有o的乞人憎o既小Q...
乜而家好巴閉咩?!有咩特權呀?!佢憑咩呀?!
而家咩事呀...呢o的野淨係得佢識咩?!
而家淨係教o左佢咩???可能媽媽已經唔記得佢教o左我喇...
唉~~~小人當道啦...小人得寵啦...一o的我都識o既野...點解要搵佢做呀?!
明明我都已經做緊架啦...點解仲話要搵佢呀?!佢做得出色o的咩?!
點解呀...點解要咁呀...我都係問多一兩句...而且係我做而唔係佢做o者?!
駛唔駛即刻就態度唔好呀?!而家發生咩事o者?!
做咩呀...怕o的新人黎到...又話呢度冇野學...
所以好快咁就教晒佢呀?!定係想搵佢做接班人呀?!
接班人?!?!?!佢憑咩呀?!就憑佢細我o地三年?!咁即係年齡歧視啦...

既然媽媽咁想佢做囉...咪比佢囉...仲好呀...可以慳返...
哈哈哈~~~但係o的人真係攪笑囉...居然打電話上黎問我野囉...
叫得佢做...就「梗係」我唔識架啦...媽媽淨係教o左佢之嘛...
佢咁「叻」...識咁多野...學咁多野...佢都唔識...咁我又點會識喎...咪玩啦...

o係私事上...又比個賤人sd email 問我追債...
早兩日已經sd o左一封email 黎架喇...
但係...既然我都還o左比FiFi...又點解要應佢o者...
況且...佢不嬲都係唔鍾意應人o地...回人o地架啦...
我都係覺返佢o個套o者...應該習慣丫...
但係o的人居然賤格到...今日再sd email 黎...
仲要同我講...話再唔還...就採取法律行動而不作通知喎...
仲話已經備案...仲有埋個reference number 添...
頂~~~我真係好好好好好驚囉...咩事呀而家...搵律師黎嚇我呀?!
我而家又唔係冇還錢...一早已經還o左啦...
只不過...係FiFi冇話佢知之嘛...既然係咁...佢憑咩去告我呀?!
況且...仲要冇簽過o的咩借據...冇簽過o的咩名...
佢可以憑咩去告我呀?!為o左七千蚊上法庭...唔好笑死人啦...