HotCha 的簽唱會...

今日傻B陪我去HotCha o既簽唱會...
不過勁早囉唔知咩事...12:30...=.=
所以今朝早要10點鐘就要起身喇...>.<

約O左傻B十二點就O係油麻地度等lu...
因為佢地要去到一個完全未去過o既商場...
就係新開o既MK1喇...要搵囉...
去到o既時候...都差唔多十二點半lu...
o係個場度...都好似ok多人囉...以新人黎講...

一開始佢地就唱o左佢o地三隻歌...
之後就開始佢o地o既簽名會lu...
見咁多人...我都唔係好想去排隊...
咁o岩見到佢媽媽o係度...
就走o左埋去同佢媽媽傾幾句...
仲咪諗住比份禮物佢媽媽囉...
點知佢媽媽又話不如叫我比佢簽啦...
又話叫我親自比份禮物佢啦...
又話咁樣佢會開心o的喎...
咁耐冇見又可以見下面咁...
連傻B都話叫我去...
比佢知道我有黎喎...

既然佢地都係咁講...就去排隊啦...
點知...一排就排o左成個鐘囉...=.=
差唔多成兩點先到我簽到囉...

o係台上...有個小小小插曲...
就係無啦啦Regen o係我隻碟度寫名囉...
仲要寫「靚仔」囉...真係多謝晒...
佢以為我隻碟係前面條仔架囉...
我即刻O晒啦...同埋梗係即刻講啦...
Crystal 仲要話唔係囉...=.=
我明明望實我自己隻碟架嘛...
仲要同我講話唔係...咪玩啦...\./

哈哈~~~當Winkie 見到我o既時候...
佢即刻大叫o左出黎呀...hehe^^
真係好耐冇見喇...估唔到佢仲認得我...
仲不停咁同佢身邊o既人講我係佢契家姐...
仲話搵人出黎食飯添...你講架...記住call 我呀...

完o左之後...就同傻B去食野...
兩點幾都未食野...餓死了...>.<
本來諗住去味千架...但係要比現金囉...
所以就轉O左去食PIZZA HUT 喇...
有TEA食呀...GOOD GOOD~~~
之前話O左請傻B食返餐架嘛... 3同傻b
就今日個TEA 我架啦...^^

為O左要儲夠錢O既關係...
再一次LOOK CARD...
點知...比我發現O左MANHATTAN卡o係Pizza Hut...
原來...食tea係有半價架...超平呀...

食飽飽之後...就同傻B去行信和...
行完...就做一樣上次已經想做O既野...
就係...去影貼紙相喇...五年冇影過了...
哈哈...不過都算係幾滿意啦...^^

而呢兩張...就係我最鍾意架喇...^^

影完貼紙相之後就去O左行新之城同旺中了...
仲同傻B一齊買衫同買BOOT/鞋...
我買O左兩件衫...兩對BOOT...一對高跟鞋...
其中一件衫同BOOT仲係同傻B同款唔同色架添...
佢話搵日又一齊著住去影貼紙相喎...傻了...=.=

呼~~~今日真係好攰攰呀...
係時候要休息O下喇...
聽日又要返工喇...救命呀...>.<

千嬅出新歌歌喇...<All About Love>

All About Love ~ 楊千嬅


一出生 純潔得天真
醫院裡得母親送上初吻
明白愛是結合耐性與犧牲
一初戀　只顧愛得狠
捉得太緊然後強烈抖震
明白愛未似當初母親一個吻

話我知 每個愛人教我愛情學會麼
只可證實彼此傷心過
旁人著緊不停將感情傳授我
相戀的理論重要麼
話我知 抱過愛人吻過愛人有幾多
方可以換來朋友到賀
難道一百歲至會找到他愛我
婚姻的 紅線怎麼穿
焦急兩手會將線也拉斷
明白愛別要為了償還心願
一生中 兜了幾多圈
兜一輩子尋求幸福樂園
明白愛為了開心再不可以怨

話我知 每個愛人教我愛情學會麼
只可證實彼此傷心過
旁人著緊不停將感情傳授我
相戀的理論重要麼
話我知 抱過愛人吻過愛人有幾多
方可以換來朋友到賀
如若一百歲我會找到他已不錯

如何如願 過去愛人每個愛人愛我麼
多少結實關係都摔破
如何認清生平的感情存在過
得到安慰又有幾多
話我知 抱過愛人吻過愛人有幾多
方可以換來朋友到賀
全部方法試過都不果
但母親的偏執會留給我
頑強地投入便沒有錯

make sense?!

哈哈~~~今日發生o左o的會笑大人地個口o既事情...

成件事係咁o既...
今朝早...大老闆就同一大班人開會...
全部都係大粒野...咁梗係要招呼佢地飲咖啡啦...
咁話晒係大粒野...冇理由全部都比紙杯佢地飲架嘛...
但係...我o地出面又得兩隻咖啡杯...梗係唔夠用啦...
o係冇辦法之下...就只好要搵大老闆個私人秘書借啦...
人地見有咁多人...我地出面部咖啡機咁慢...
仲幫我地整埋咖啡...只係要我地拎出去就ok喇...

佢o地差唔多要12點半1點度先開完會...
咁就梗係要等我食完飯返黎...先至執啦...
我食完...就到MM食喇喎...咁又點可以去洗呢?!

所以...O係MM食飽飽返黎之後...
MM就要坐O係出面COUNTER...
我就上樓上...而條女O係房喎...
咁即係要負責COUNTER以外O既野架啦...
咪叫條女去洗O左O的杯杯碟碟佢囉...

點知...條女問O左個好攪笑O既問題...
問話大細闆個秘書有冇叫我o地洗埋先比佢喎...
佢言下之意...即係覺得得應該要比返佢自己洗啦...
我咪即刻話...係人地借比你架喎...好應該洗返先丫...
但係佢仍然都係覺得係比返佢自己洗囉...
then...我就同MM 講...佢咪試下比返個秘書自己洗囉...
以我地兩個了解o既佢...條女咁同佢講...條女一定會比鬧...
哈哈~~~呢o的咁o既野...咪比佢去試下囉...
講完之後...我就返上樓上lu...理得佢死...

跟住...因為我要去訂蛋糕...要再一次落樓下...
但係見到o的杯都仲未洗囉...咪問MM 啦...
哈哈~~~條女話...唔係洗唔洗o既問題...
呢個係make 唔make sense o既事...
你話係唔係笑死人丫...好明顯...
而家唔make sense o既係佢囉...
人地借o的咩比你...好應該還返o的咩比人...
借比你o既時候...係乾淨o既...就要還返乾淨o既比人...
就算人地借比你o既時候...係污糟o既...
你都要用完...洗返乾淨比人啦...
呢o的先係真正做人應該要做o既人囉...
尤其是人地仲要係大老闆個私人秘書...
佢都仲要咁玩...真係冇人可以救到佢...
早知真係由得佢...唔鬼教精佢呀...

不過可笑o既係...
到到放工o既一刻...佢都仲未洗囉...
仲要扮唔記得囉...真係多謝晒...
仲要人地講到出聲叫你洗返比人...
哈~~~自己都冇癮啦...係咪先?!

不過...我係最驚一樣野...
驚o的人打小報告...
萬一同人地講係我同MM叫佢唔駛洗o既...
我地兩個咪大獲...\./

好美味o既tea...

哈哈~~~
越黎越覺得樓上真係我o既天堂...
尤其是係呢幾日呀...
因為...o係樓下...對面寫字樓裝修...
對面o的天拿水...松節水...全部攻晒過黎...
o係入面...直情望到最後都有少少矇矇地架...
o的空氣質素真係差到想死呀...
對住我呢o的超級嚴重鼻敏感o既人黎講...
簡直完全係有想死o既感覺呀...>.<
所以呢幾日都好期待上樓上...
有得走梗係走啦...仲等咩=.=

除o左可以脫離呢o的咁差o既空氣之外...
今日仲好期待一樣野...就係...
上到樓上有人萬歲請食tea...
仲要真係坐o係counter 拎住碗麵o係度食o個隻...
嘩哈哈哈~~~食晏專登食少o的...等佢呢餐...
可能肚餓啦...好好味呀...仲要有人請喎...更加好味呀...^^

自費tea...

救命呀...救命呀...救命呀...
o係樓下好嘈呀...對面裝修呀...>.<
走呀走呀走呀...快o的走上樓上避一避先得喇...

唔知係唔係見呢兩日我同MM好少同佢講野...
所以阿HEAD今日無啦啦問我O地飲O的咩...
話佢去許留山度買返黎比我O地飲...
無啦啦做乜咁好死...好少呵喎...
呢O的咁O既事已經冇發生兩個幾月喇...=.=

本來以為今日O係樓上有得TEA架嘛...
話晒星期一都問阿周老闆拎O左200蚊架喎...
點知...佢O地話好多人都唔O係公司...
聽日先喎...今日都叫...真係自費囉...=.=

自費唔緊要...因為比我發現O左一間都OK平O既TEA...
20蚊...可以有四樣野食...
餐肉公仔麵...真係有成個麵架...
雞蛋三文治...都有半份...
司華力腸腸...好似都有1/3架...切片的...
加熱好立克...呢四樣野都係20蚊咋...
平平平~~~抵抵抵~~~
我呢個格價專家又要出手喇...哈哈~~~

再加埋杯芒椰蘆薈爽...
真係飽到唔想郁呀...=.=

好彩...今晚返學...
飽晒...唔駛再食...
應該都一定可以頂到今晚...^^

順帶一提...返學改O左O係雅蘭...
唔再O係太子lu...
咁老實講...雅蘭o個度靚好多...
成間college都大好多...

好歌送給你...<<永遠保護你>>

好喜愛o既一隻歌...
由佢一出o既時候已經超鍾意...
好窩心o既歌詞...

<<永遠保護你>> ~ 孫耀威

陪著你即使擠身過山車裡　亦讓你安安穩穩毫無憂慮
像保鑣捍衛你　活於堡壘　期望你未領會空虛         <---還記得嘉年華嘛?!
承受你的身驅只怪你飲醉　亦讓你奔波之中仍能安睡
甚麼敢嚇壞你　將它踏碎　並未懼犯殺身罪　由我面對

＊一直會保護你不要怕　要你的每秒鐘也可生活在月雪風花
　就交給我　去代你應付世上瘡疤
　一直會保佑你不要怕　為你遮雨擋風維持不卻步的優雅
　巴不得一世　在你眼前　不必你牽掛＊

寧願買堆水果不送花給你　是為了一傷風使你有準備
甚麼都教導你　甚麼都理　如像你父母別生氣
如若上班花光心計委屈你　就讓我辛苦一點也撐得起
若不想再受氣　專心做你　現實就讓我擋住　忠於自己      <---會真的擋住嘛?!

Repeat＊

誰也知這世界早已給污染　願我天地可使你清新點
共處溫室之中就由他膚淺　願我焦慮不必你擔風險
我可以有甚麼貢獻　會使你笑臉天真點　每晚就看著你的呵欠

一直會保護你不要怕　要你的每秒鐘也可生活在月雪風花
就交給我　去代你應付世上瘡疤
一直會保祐你似朵花　要你相信世間仍然優美如童話
只需捉緊我　別要計時　不需要心掛

一面天堂...一面地獄...

越黎越感覺到有天堂地獄o既感覺喇...
點算呀...>.<

又要返工喇...受氣...

又要返工喇...>.<
自從上星期五發生o既事之後...
攪到我對呢間公司都好似冇乜歸屬感...
開始有o的唔係好願意返工o既感覺...
有o的咁o既阿head...叫我點做落去...>.<

今日仲要因為少少o既事...
而無啦啦發我同MM脾氣...
仲要講講o下就cup電話...
而家咩事呀...我係黎打工架...
唔係黎受氣架囉...
一個係咁...兩個係咁...想點呀...
就係因為咁...攪到我同MM都唔敢同佢講野...
或者可以咁講...因為上星期五件事...
已經好似唔係好識得點面對佢咁...
攪到我o地唔係好敢入房...
費事又比人拎黎出氣呀...>.<

好彩...今日都有o的開心o既野發生...
就係...我o個兩張Eason演唱會飛終於都放o左喇...
嘩哈哈哈~~~終於都唔駛hold住o左我成千蚊...
鬼叫Eason 今次個演唱會咁奇奇怪怪咩...
我就真係冇興趣睇佢除衫囉...
就算做呢o的野o既係基仔...
我都唔想見到...好似奇奇怪怪咁>.<

好忟好忟o既一日...小人當道...

真係超級超級唔知o的人想點囉...
而家發生咩事呀...

見我入房換衫就專登開大聲o的部電話黎聽歌...
但係我覺得...o的人開到咁大聲黎聽...
呢o的唔係叫做享受音樂...係侮辱呀...

仲有呀...無啦啦發乜鬼野脾氣呀...
閂埋門o者...唔駛咁大力呀?!
咩事呀而家...發脾四呀?!

對住我地兩個就o係度口黑面黑...
但係對住其他人呢...就四萬咁口...
改o左名做「陳四萬」呀?!

同埋o的人呀...真係超級「勁有禮貌」囉...
連講句唔該...都寧舍「客氣」過人架...
真係寧願佢咪鬼講呀...

放工先係最激氣o既時間...
無啦啦比阿head話我地攪攪陣...
仲話出面已經有好多人傳我地喎...
唔該啦...而家咩事呀...了解清楚件事先啦...
而家好似明明係佢o係度攪攪陣...
但係居然最後比人話o既係我地囉...
我真係唔知可以再講o的咩囉...
仲有呀...佢仲話喎...如果我地再攪攪陣...
就會同老細講...是但炒我地其中一個...
既然o個個係佢心腹...咁即係一定唔會係佢啦...
再加上...而家擺明好似係條女對我有問題...
咁最後會炒邊個...都已經唔駛再講啦...
講真...如果佢真係因為o的咁o既野而炒人...
因為自己冇了解清楚成件事而炒人...
完全都好似不分青紅皂白o既...
我真係會覺得...o係度都好似冇乜意思囉...
福利又唔係好...病假又要扣錢...
大假都話要做滿一年先有...
成年都唔比人放一日假...
大佬呀...真係鐵人咩...
o係度咩都要做...成間公司事無大小都關我地事...
電腦要識...剪片要識...執相要識...連苦力都要做埋...
就黎...真係連維修工人都做埋架喇...
但係出o個雞碎咁多o既糧...抵到爛啦...

心灰意泠...

 唔知點解...突然感覺到有o的心灰意泠...
好似都冇乜人諒解我...了解我咁...
我做o既一齊...係為o左咩?!
點解會冇人知?冇人了解?
定係...明白點解...但係唔做...

既然冇人了解...冇人諒解...
咁樣同生存o係一個只有自己o既地方又有咩分別?!
你關心人咩?!人地唔理你...
你想為o左佢好咩?!佢就覺得你阻住佢...
你擔心人咩?!佢又覺得你多餘...
你同佢講o的咩...佢都當係廢話...
你想同佢分享咩?!佢就變o左係說教...
真係sorry...我唔係想要呢o的野...>.<
成日都話要我體諒人...
但係...又有o的咩人體諒我?!
既然...原來都一直生存o係一個人o既世界...
咁樣...留o係度...仲有o的咩意思?!?!?!