兩個星期喇...阿同走o左已經兩個星期喇...
唔知點解...好似到而家都仲未係好接受得到呢年事...
我知道...佢都唔想我o地太過傷心難過...
但係有時o的野真係好難講架嘛...要傷心...就係傷心架啦...>.<
之前問過哥哥同佢女朋友...
知道o左今日就係佢出殯o既日子...
之前我講過...無論如何...我都會去...
當然...我今晚都一定有出席啦...
之前媽媽話驚阿哥佢o地唔知幾點先去...
又話驚我自己一個人去會驚...
所以佢就決定放o左工之後就陪埋我一齊去...
話晒有多個人o係身邊...會冇咁驚掛...
所以一夠鐘放工...我就冇理到公司仲有冇野做...
就同阿head講話我去換衫走人...
咁當然...佢不嬲都唔會阻我o既...
今日...最後都當然可以好準時就走人...
一出到碼頭...就打定電話比阿媽...
同佢講...話叫佢o係屋企附近上車...
架車o既號數...外型...車牌...都講晒比阿媽聽...
但係...到最後都係有o的意外發生...
佢居然都係會上唔到車...仲發晒脾氣...O晒...
最後...七點半度就去到慈雲山...
打比阿哥女友...佢就話佢同老細佢o地黎緊...
就話叫我o地o係門口等埋佢o地一齊入去喎...
咁我就梗係冇乜所謂啦...多o的人仲好啦...
一路o係門口度等...一路都見到好多以前o既同事...
仲比我見到佢女朋友企o左o係門口...好多人陪住佢一齊...
半個鐘左右...就見到佢走o左喇...
初初都有o的奇怪...點解佢會咁早走...
之後先知...原來都係逼不得已...
人o地話開放比人黎o既時間係七點至九點...
但係...點知...因為搵黎搵去都搵唔到我阿哥o既關係...
阿哥女友都遲o左先過黎...攪到差唔多九點...
再等埋阿哥黎...成九點鐘先入去...
今次...係自我懂性以黎...第一次去呢o的地方...
對上一次...都應該係爺爺過身o既時候...
o個時候o既我...得幾歲...咩都唔識...
但係...o係今日...我o既感受好大...
突然...仲諗o左o的唔好o既野...
就係到時如果我真係唔o係度...
又究竟會有幾多人黎呢?!
雖然...我唔會知道...但係始終都係越多越好吧...
o係入去之前...我o地話想等埋哥哥先一齊入去...
就o係呢個時候...比我知道o左Carman 一路o係門口o既原因...
因為...佢阿媽覺得係Carman害死佢個仔...
唔比佢入去見佢最後一面...
既然死者已矣...又點解仲要咁樣對佢女友呢?!
難道佢覺得...佢女友唔會比佢傷心嗎?!
入到去...入面...冇乜特別悲傷o既感覺...
佢屋企睇黎都已經睇化晒...
反而...相比之下...最傷心o既...
居然係我o地呢一班同事...
o係門口o既時候...已經好想好想喊...
一路都忍住...我唔想比佢睇到我o地咁樣...
但係當我入到去...鞠完躬...坐o左一陣...
就同埋哥哥...哥女友...媽媽...阿棠...一齊入去睇o下佢...
當我見到佢o既時候...眼淚已經完全忍唔住咁流出黎喇...
今次係o係呢件事後...我第一次其他人見到我因為佢而喊...
無論我自己一個人喊幾多次都好...我唔想比其他人知...
我唔想因為我自己一個人而影響到其他人...
但係...我今次真係已經忍唔住喇...>.<
睇見佢個樣...好似唔係好安落咁...
唉~去咁冤枉...仲要有咁多包袱...又點會去得安落丫...
點都好啦...希望佢o地單官司快o的贏...
拎返一o的佢o地應有o既賠償...生活可以過得好o的...
希望咁樣...就可以令佢安落o的...可以令佢安息啦...
同~~~再見了...永遠懷念你...
你永遠都活o係我o地每個人o既心入面...
希望可以保祐每一個關心你o既人...
令佢o地可以繼續快快樂妹咁生活... | 
」
