今次M到勁辛苦,痛左我3日,脾氣勁大勁火燥..

又無胃口食野,又無情食野~平時休息一日就無問題

但我應承左婆婆同佢睇牙,所以5點幾就出左去喇~

牙醫話要整9千幾蚊WO...嚇到婆婆即暈呀,我幾驚呀~

好彩後己話淨係整上面就$5000~唉...都要整架啦~

今日淨係幫婆婆脫牙連埋X光...用左$500~

另外又比左$500婆婆買野食~結果今日無左$1000呀...

痛呀,但婆婆咁錫我,又湊大我,又邊計得咁多丫~

送左婆婆返去之後,痴起條根想煮飯,所以叫左呀MET同呀武上黎食飯...

食完之後佢地去游車河唔預我WO...不過算啦~坑頭咁圬糟,

留係屋企同BB玩仲好~但過幾日呀武生日話係坑頭攪...

我會記住著黑色波鞋架喇~ HAHA

上個禮拜幫狗狗book左今日打防疫針...

好辛苦呀~佢又唔濕得身,我地出去時係最大雨果時~

我又唔想去上水墟咁近打的wo,於是就將佢放落gucci袋度,

再擔埋傘...我成身都濕晒~

但獸醫話佢好健康,好活潑...姑娘話佢好勇敢,打針都唔喊~

聽到呢d說話,之前幾辛苦都唔再重要...

打完針,我又買左一大袋零食比佢~

點知...返到黎見到呀爸唔覺意食緊狗餅...hahahahaha~~

佢話幾好味架啵~~~~梗係啦~我買親比狗狗果d都係貴野黎架~

梗係好味啦~~hahaha

尋晚心情認真麻麻,面對住自己隻狗,覺得自己好無用...

我唔明點解連隻狗都咁對我,我覺得自己好失敗~~

之後無啦啦望住自己隻狗係度喊~(正傻婆)

但訓著左之後,發左個好sweet既夢...

所以今日心情又好似過山車咁升返上去~

仲突然好想飲蘇皮忌廉湯,所以叫埋呀met一齊去紅樹林喇~

正呀...我仲食埋炸軟殼蟹沙律添~食完之後我覺得好滿足呀...

我隻狗已經咬爛左我4對鞋...2條電線...一條耳筒~~

都唔緊要喇~佢而家出牙仔~但......佢一到夜晚好似顛左咁~

衝出黎大力筮落我隻腳度~筮完仲要吠我...

打佢就跑入梳化低~我一行開佢又衝出黎筮我~

真係好嬲好無奈~

佢食既生果係貴到飛起既盤桃~肉係豬骨入面最嫩果d~

仲要起肉搣絲~飲礦泉水~一日梳3次毛~用暖水抺身一次~

我咁鍚佢對佢咁好,佢都咁對我~

咁其實狗同男人又有乜分別呀...火滾...

起初帶佢返屋企,我都已經諗過度過~我都知我會辛苦d~

但我從來都無諗過自己隻狗會咁樣咬我~

我真係好傷~

今日上網見到銅鑼灣有間狗狗餐廳,仲有狗狗做侍應~

間餐廳可以主人同狗狗一食...一定會好開心架姐~

但我驚我隻狗狗會食埋我果份...=.=" ~

好想同狗狗一齊去呀~但無理由專登山長水又遠為左食一餐飯架...

唉...真係好想去呀~