我本以為狗比人幸福,不用工作亦唔需要談戀愛,主人返到屋企,仲第一時間抱住佢。

但19號晚,呀武生日,我地約好係坑頭燒野食,果度隻狗bb,一d都唔幸福。

佢係一隻黑黑既唐狗,但有好長好厚既毛,個樣勁cute~但佢出世到而家除左落大雨

果幾日之外,都無沖過涼亦無人會幫佢梳毛,有病更加無人同佢睇醫生,

莫講話抱住佢,就連摸下都嫌污糟。我地燒野食既時候,好多朋友都唔小心踏到佢,

佢就只能夠低住頭尖叫幾聲,好悽涼呀。佢既待遇同我隻狗既待遇相差得太遠喇~

我真係唔明點解名種狗就萬千寵愛,但唐狗就要係爛地生存~?

其實起初我諗住買唐狗返黎養架,因為唐狗聽話,又無咁容易病,

但可惜我屋企實在無地方養大狗。

所以而家開始唔再盲目咁去寵我隻狗喇,因為佢已經咁幸福,唔應該咁巴閉,

唐狗食冷飯菜汁,我隻狗食高價糧...芝士...乳酪...生果,仲要咬我添~

真係令我好感慨,同人一樣,有d人生活得好好,但有d人生活好艱苦,

雖然由細到大我屋企都唔算窮,但如果要我自己養自己,我怕...

我會好似唐狗一樣每日都無啖好食~有d朋友嫁左人之後,

個老公勁錫佢又養得起佢,但我覺得呢種運氣點都輪唔到我,

所以我要努力靠自己雙手生存。無人養...唔緊要~

靠自己都可以有另一片天既...^^

　　好男人必須要有信用,因為一個愛你的女人,會將你所說的一切,

牢牢的記在心上。不守信用的男人就等於狠狠地將一個又一個美夢劃破,

非常殘忍,久而久之當女人無法再忍受時,不論再說什麼,也再沒有說服力。

　　好男人必須要有志氣,沒有志氣的男人等同於女人的墳墓,被他蹉跎一生,

永無翻生之日。

　　好男人必須要有解決問題的辦法，一個能夠解決所有問題的男人，

就等於一個有安全感既男人，可讓女人得到完完全全的安心，

足以令女人會心微笑。

　　好男人不能來者不拒，即使有多少女生迎面而來，也要視若無睹，

這才真真正正能夠令女人感到驕傲。

　　好女人必須懂得欣賞男人的優點，欣賞的目光和說話千萬不要吝嗇，

你欣賞的目光可令他得到自信和滿足。

　　好女人可以在私下蠻不講理，但在他的朋友跟前要小鳥依人，

因為男人把面子看得比銀包裡的錢更為重要。

　　好女人要懂得在男人失意時給予支持，女人的支持是男人的動力，

一個有動力的男人，才能邁向成功。

　　好女人可以不懂得做飯，卻要懂得煲粥。在他生病時的一碗粥，

是他最大的安慰，味道如何他們並不是太在意。

　　好女人必須在他煩惱時給他一個寧靜的環境，千萬不要追問他，

你只須要俏俏的坐在身旁。

日日對住自己隻狗,開始覺得狗雖然得10幾年命,但每一日好過得好幸福~

人普遍有80年命,但有大部份時間都係辛苦同唔開心~

有時同隻狗傾計時,我會同佢講"不如我地調轉丫" haha~

我自己有病都唔捨得睇醫生,但同佢睇醫生,我仲嫌排期排得耐~

起初諗住等到佢6個月大就同佢做結紮手術,但而家諗諗下~

佢試都未試過就無左,好似好悽涼,帶佢出街連女都溝唔到~

不如買多隻女仔返黎做佢老婆啦...但如果佢唔鍾意佢老婆~

要佢地兩隻對住成世咪好慘囉...唉...咁又唔係咁又唔係~

不嬲屋企最惡果個係我,但自從佢黎左我地屋企之後,變左最惡係佢......

不過唔緊要,我會努力啲教佢,等佢成為一隻一見一愛既狗BB~

如果唔係比佢搶左我"LONG黎"掌門人個位咪死~

今日又同爹哋鬧交,真係好煩好討厭...一要佢做家務就鬼晒咁嘈~

我休息左一日姐,又話呢樣又話果樣...頂...屋企你無份架咩~

見佢嘈怨巴閉咪我做囉~又一路做一路娥,我最憎人不停講同一樣野好似鬼死泥咁~

而呢個亦都係我死穴,一有人不停娥我,我就會發顛...

洗碗又話我嘈,洗碗梗係有聲架啦~係屋企裝滅聲器丫笨...

平時成日都有鬧交,但好快就無事~今次我真係好嬲~

我好唔鍾意啲男人為左少少事嘈怨己閉,我覺得男人應該不拘小節~

今次爹哋為左揼垃圾同洗碗呢啲小事嘈,啖氣到而家我都谷住谷住...

呀...........我就黎痴線喇~~

之後抱抱下bb,佢無啦啦郁~我唔小心鬆一鬆手~

佢成隻趺左落地~嚇死我呀,佢成隻登到行晒,隻眼又半開合~

果一刻我好驚佢會死,我又唔知我可以做啲乜,我真係好驚呀~

我本身無諗過同返呀爸講野,但呢個時候,我即刻抱佢出廳同呀爸求救~

呀爸摸完bb之後仲話"佢無事呀,你抱佢出黎做咩姐"

一聽到佢話bb無事~我就即刻衝入房喊......好彩bb無事姐!!

因為我真係好驚佢會好似我以前隻狗咁離開我~其實我決定養返狗,

真係付出左好大勇氣,就好似一個離過婚既女人要再結婚咁...

我之前隻狗,未夠一歲就離開左我,我好記得佢仲係我面前嘔血...

呢種心酸,真係令人好難忘記,果次之後我晚晚都喊...喊足3個月~

之後成年都無開心過...而且條屍仲比爹哋媽咪襯我訓左覺~

就咁搵膠袋揼左落垃圾堆,我知道之後即刻衝去垃圾堆搵,但都已經搵唔返...

唔能夠將佢養到老,係我最大既遺憾。

所以我而家將我成副精神心機都放晒落bb度,

我睇寵物書話而家既松鼠狗,長命既可以去到20歲,

如果我可以將bb養到15年以上,相信"你是我一生中最大的驕傲"...

呀武同呀met約左我3:30...haha~我又遲到喇~

4:00比佢地吹我落去~(同靚女去街梗係要等下架啦)

之後去元朗接埋小如~就一齊去屯門碌齡...我地打比賽~

岩岩果局差唔多打贏呀met就夠鐘激死喇~

呀武同小如都唔係成日打~但佢地學野學得超快~

我諗下次再去打可能已經可以贏到我喇不過多啲人一齊玩先開既~

之後我地諗住睇戲,但無乜戲岩睇~低清老翻王我地又睇左~

咩斯柏王子我又無興趣睇~於是就去左neway喇~

順使食埋晚飯...但我係屋企間房都整左卡拉ok~~

唔緊要啦~咪唱d自己無d/l到既歌囉~~

唱k無酒飲又點得架呢~於是就叫左百威喇~

m到都唔理呀~照飲...死就死啦~haha~咁先係我丫麻~