尋日...去左大角咀唱k~起初,我話唔飲架~

點知...一見到Black呢保就忍唔住~haha~

仲隊冧左呀sa 添~haha~之後又同miki玩~

痴線架~輸到我丫~之後又唱歌~但......

就係我岩岩玩到興起既時候...佢地貓晒~

話要返屋企....=.=" 玩野呀~10幾個人~

不停分批走~之後我堅持少人都要繼續~

點知...仲cut埋我歌~激氣呀......

今日約左呀耀...陣間同呀耀影埋d相~

先將尋日同今日d相past出黎相簿比你地睇啦~

呢兩日有好多朋友打黎...thx 呀...你地既問候同祝福~我收到晒喇~

今個聖誕...係由細到大最唔開心既聖誕~係人既心目中~

都有一片美麗既景域...但係~就係因為我心入面既景域太遼闊~太美麗~

所以...亦都需要承受相當既挫敗同失望~但我絕對唔係愈戰愈勇既人~

我只係一個小小既女人仔~再硬頸...再執著...又可以點丫~??

有好多野都唔係自己既掌握之中...呀Met 話我最近變左~

無錯...我自己都承認~待人處事...講野態度...價值觀...

好多都已經變左~但咁樣都唔錯丫~正正就代表住思維不斷成長~

每個人見我咁鍾意小朋友都覺得我好恨生...以前我的確好恨~

見到呢個世界實在好美麗...所以好希望可以帶一個新生命去感受世界~

但而家~我覺得做人係好艱難,要經歷無窮既失敗,無窮既錯折~

而家既感覺就好似企係個十字路咁~進退失據...

我相信而家既我係需要時間去調教自己既心靈~改變自己~

尋晚...去左沙田諗住睇戲...點知...花鼠明星尋晚無得睇~

之後諗住睇蜜蜂果套啦~點知...又無~之後出左旺角~

同小良同呀cat去打邊爐~果度有得保煙....正~~

之後去左尖沙咀O2搵呀耀~嘩~呀耀真係超型呀~

d橙色燈射落去~堅似甄子丹......仲忍唔住幫佢影左幅相添~

之後我坐吧台度~仲有人撩添~仲有市場~掂呀...不過~~~

但無so佢....飲到4點令就返去lu....

之前訂左個LV~陣間飲見茶就去拎....我送比自己既聖誕禮物~

yeah ~~ yeah ~~

早兩日...譚姑娘送左份聖誕禮物比我~嘩...好驚喜呀...

無諗到咁快有禮物收囉~所以今日放工~

就同欣恩去左行街睇下買返d咩比佢做聖誕禮物喇~

haha~有禮物收~我覺得好warm呀...