尋日..放工之後上左呀cat度湊仔~帶左呀b去老麥,

之後再出大埔~嘩...呀b開心到丫~平時TRENDYLAND係我既天堂,

點知而家變左佢既皇國。我買左頂史迪仔帽比佢,佢鍾意到唔捨得除~

之後去到吉之島玩具部~嘩~玩到傻左...跟住諗住帶佢去波波池,

點知果度波波池關左話要清潔...本身我想買單車比個仔架~

但呀met話玩唔到幾多年wo...之後咪買左幾架玩具車比佢玩囉~

到我地行返太和搭火車~佢就開始訓~抱佢抱到手震,好彩~

火車有人讓坐炸...之後抱佢返屋企~辛苦到我丫~去到屋企樓下~

佢就醒.........返到去喂左兩婉飯,佢又開始玩過~之後同佢沖完涼,

開左枝奶諗住佢會訓啦~點知又唔肯訓~死喊...氹左好耐先訓得著炸~

~今日又放假~陣間同呀b出9龍灣新開個商場度玩~做小朋友真開心~~

今日好多病人呀...做到無停手~但...就係5點令6點~

有個保安呀姐走入黎同我講話出面有個女仔割脈~叫我幫手止血~

咁梗係乜都唔理即刻走出去啦~個女仔係咁喊~問佢乜都唔答...

之後我真係忍唔住鬧左佢幾句...咁係丫麻~我幫佢係義務,唔係應份架~

但我幫佢,佢自己都唔幫佢自己...為乜呀~?佢自己都唔幫佢自己,

邊個幫到佢呀~後尾佢同我講~同介刀介出黎既~我真係唔係好明~

咁後生~仲讀緊書...有咩問題咁大大到解決唔到呀~~

好彩佢個傷口唔算深,好快就止到血...希望佢以後唔好咁傻~

生活得開開心心啦~~今日幫到人~我真係覺得好開心...

呢種開心,係用錢都買唔到~而家...我個心~~真憬好滿足~~

今日...係我第一次同病人打針~其實....我好驚~驚到隻手都振埋~

但...竟然,我幫個個小朋友打肺炎鏈球菌針,佢話一d都唔痛~

其實...當時我好開心架~ haha~但點知...後尾同個女人打~

個女人痛到面燶燶~都唔知佢係咪心理作用覺得姑娘打針比唔上醫生~

星期3仲要特登返一返去開門幫另一個病人打針~~

其實...做姑娘都可以好有滿足感架~~

差唔多放工時...有個好得意既bb黎左呀~haha~

佢得5個月大~但好大份好得意架~仲要我抱添~haha~好可愛~

但可能我太耐無湊仔喇~~我抱佢一陣我隻手就無晒力~

老喇老喇~~

業住加租,加到$5500......點住呀~?平身個膊頭已經好重~

但而家,我覺得直情好似千斤聚...我知道好多fd都有睇我日記,

我其實真係好開心,至少...我知道你地重視我先啦~

但其實我從來無諗過我打既日記會令其他人唔開心~

sorry cat ....一切都唔係我掌握之內~ ^^ ~

有時,人為左愛情而受傷...但對方只係當你係傻婆,

呢種感覺我明白既~~順其自然啦....

尋晚放工之後,就同呀met出左旺角行街。但出奇地乜野都無買到~

乜野都睇唔岩~之後就去唱k~尋晚都玩得好開心。

我同呀met同文傑一齊去左酒鋪買支black(呢保)先,

之後再係加州紅叫個black(呢保)餐~我地飲左兩枝都唔夠,

仲飲埋芝華士同V.S.O.V添...尋晚呀恆黎左,仲帶埋女朋友添,

唉...望到呢個女人,其實我自己個心好嬲,因為佢破壞左人地家庭,

不過算啦...開開心心出黎玩,不好攪咁多野~

我都有同佢點頭同笑下既~~呀恆走時,捉住我同我講

"大個女架喇"唉...而家都大個女啦~~手臂大,屎忽大..HAHA~

食完蛋糕之後我都無飲過~因為食蛋糕時同呀恆一齊吹左杯香檳...

嘩...D氣多到丫...明明無到位,但D氣攪到我頂住頂住,想嘔~

唉...咁清醒都費是飲啦。之後我同呀耀都無玩,係度聽歌~

呀耀唱歌真係好正,我唱歌又好聽...(第樣唔敢講,不過呢方面攞過多好獎)

so我地特登點左好多合唱歌黎唱...但~小良唱左~haha~之後呀耀自己點比我囉~

呀met就貓左...唉......又係咁,之後果日邊度都唔洗去。

之後係條街度...呀met都係一個唔清醒既狀態,唉...又搵著我黎攪~

好彩我拎定膠袋比佢姐,佢一上車就..... 其實我已經攰到pk~

24小時無訓過...仲要睇住佢,真係有d燥~so返到去我乜都唔理就訓喇~