今日係診所做野既時候,唔小心比把較剪一野插左落大比.....

d血不停咁流...止左好耐先止到血。今日診所好靜呀,

所以我攞左本關於皮膚病既書黎睇。我覺得,就算我讀書好叻都好啦,

我都做唔到醫生,本書好厚,但我睇到第二頁時,我已經不停打冷震。

真係好肉酸,好恐怖...有d成個身既皮膚好似魚鱗咁一格格....

一係成個身都係一個波一個波咁,我最怕就係呢d....又有果d生梅毒既陰部,

嘩....真係......唔知點講。諗起都打冷震,唔知今晚訓唔訓到添~~

尋日...返屋企時搭左隔離部(車立),係6樓行返落樓下返屋企...

之後係樓梯度,我覺得後面有人...但望過去,又乜都無~.~

之後我另返轉面行,覺得直情有野痴住我~果時我淨係想返屋企~

但我去到屋企門口...都覺得後面有野,之後我咪即刻開袋搵鎖匙囉~

點知個鎖匙扣斷左...d鎖匙散開晒~我又心急入屋,咪按門鐘囉~

點知....屋企個門鐘按極都無反應=.=之後拎返條鎖匙開門囉......

我以為我遇到呢d野會好驚,但原來...跟本我就唔驚~由細到大都返教會,

係後尾貪玩唔返之麻~如果當我有日~有個家庭,又有身已...既時侯~

我就會戒煙戒酒戒粗口戒夜浦~再返教會洗禮......如果可以做得到~

我諗......我會覺得我係世上最快樂既人~~

尋晚成晚都訓唔到~12點落床,2點都未訓得著....訓著左之後~

又郁黎郁去,完全無訓林過....一時個頭無啦啦去左床尾,

一時又唔知做乜隻手臂晒...訓左短短5個鐘...發左過10個夢~

返到診所之後我問醫生咁樣有無藥醫...但原來~呢e係心理病~

如果要醫,除非食鎮定劑....=.=" 佢又問我有乜心結解唔開~

都講明係心結啦..又點會解得開呀,解得開既...就唔會叫做結啦~

攰到隻眼都跌左落黎~但訓極都訓唔到呢種感覺~真係好慘....

今日有個病人買左6包0檬茶比我飲~haha~因為我送左好多奶粉比佢囡囡~

有時做野做得辛苦~見到病人對自己好,其實都好安慰~

今日老人院有個婆婆黎睇病~個婆婆真係好叻架~佢講圍頭話...

好彩我由細到大都有講開,佢成90歲架喇~但佢好開心~思路又好清晰架~

勁呀...我諗我而家明白點解做姑娘做得咁辛苦都繼續,其實除左為兩餐之外,

其實做姑娘見到好多公公婆婆同bb仔~d bb真係好得意....

見到公公婆婆講價又覺得佢地好攪笑~

尋晚放工去左新街市同呀cat食飯...去到原來呀武果d係隔離台...haha~

呢個世界真係好細~雖然尋晚見到個仔,但....係~好唔開心~

一上到去見到呀cat隔離果個唔係呀恆而係jerry~個感覺差好遠~

以前我同呀恆呀cat既關係就好似屋企人咁~過時過節一齊食飯~

又成日柴娃娃一齊去玩~個感覺好親切,完全無介心果種~無論食到幾夜~

玩到幾點,都唔夠喉...但尋日~我食完即刻行開~返上樓攞奶粉尿片比個仔~

本應講好左話食完飯上呀cat度既,但...尋日咁既陣形~我真係唔係幾想去~

咁咪睇下呀武同小如上唔上去囉...如果佢地唔上我都唔會上~

但呀武話上wo~咁咪買左d酒...上去玩囉~一上到去~見到jerry係呀cat間房...

我即刻彈返出黎囉~以前同呀恆訓埋同一張床又或者一齊係廁所傾計~都唔會有避忌,

但而家~唉....都唔係果種感覺~呀武..呀met...我~都覺得尋晚玩得唔太開心~

只係玩左一打~呀cat又話訓~jerry又話聽日返工又剩~遲下都係約呀恆出黎食飯...

不過尋晚同個仔玩又玩得好開心既~~拉上補下拉~~

夜晚訓唔著,日頭恰眼訓...唉~好辛苦呀...做做吓野差d訓著覺~

好彩我唔係揸車搵食架姐,如果唔係就死得人多喇...

lunch又唔知食乜好...好悶呀,成日都食差唔多野~如果人唔洗靠食黎生存,

咁都唔錯,起碼唔洗煩今日食乜,聽日又食乜....haha~食日朝早時無飲可樂,

個人好似周身唔聚財咁,硬係好似差d差d~再係咁落去,老左實有糖尿病都得喇~

尋日...個仔打電話黎話...媽咪sorry~真心果句其實又邊捨得嬲佢丫~

不過~辛苦做野之後又咁辛苦去湊佢,都係諗住帶佢去吓玩具反斗城,

帶佢周圍玩吓等佢開心吓姐姐~但佢打我話嬲我唔要我叫我走,咁咪唔去囉...

仲好~~慳返~