我條k金腳鍊唔知係邊度斷左呀~我不停咁去我行過既地方~

都係搵唔到呀......>.< ~ 今日放工之後~諗住買飛睇黃子華~

點知full晒...得返d單人位~算數...之後呀武車左我地去元朗睇車~

我睇親果d都貴到死~有d我鍾意但個車身又鬼死咁長~我點泊位呀~

之後去左聯和墟岡金魚~仲買左隻士迪仔添~跟住接埋小如就去(咸樂軒)食飯~

叫左條石班食添~~好眼訓呀~~早抖

嘩...今日既溫度好正好舒服呀...好似開大左個冷氣咁呀~

但d風~就吹到我個頭暈暈地囉=.="7:40分~救命呀...突然好多病人入黎呀~

今日得我一個姑娘炸...但~好彩我都有d料子~係7:58分攪掂晒~準時收工~

之後~同呀武..呀met食飯~本身話去(咸樂軒)度食架~但佢9:00先入得~加上好多人等緊~

所以就去左(元6)喇...好抵呀~3個人食先至2百令...都ok丫~

星期2就去買黃子華show飛再拎報名表讀書~其實...自己都鼓起左好大勇氣~

始終...都係因為唔想讀書先出黎做野~

反而而家又自己走去讀~不過~~諗真d讀完對自己好有用~但....

返學返7個半鐘架~成日假期都比晒佢喇~但....要成功就要犧牲架喇~

~敏敏~加油呀~~ yeah !!

旅行...好開心~睇到好多動物~我仲抱住白老虎影相添~

間酒店又好正~出面有個路台...個景好靚~腸到樓下泳池~

好ok..我同媽咪坐係路台度一邊望住個泳池...一邊食煙..一邊嘆咖啡~

真係人生一大樂事~但如果.....*佢*係度陪我一齊玩既話...我諗......

我會仲開心呀~不過算la~我諗都無可能架喇~~

本應有好多野講架....但~

我真係好攰呀...你地自己去睇相啦~~ ^^

今日...係診所同醫生鬧大交~搞到我本身諗住出旺角買新制服..

之後都無去到~聽日去旅行...應該都ok好玩既~有樹熊睇!!!

唔知點解今日心情真係唔係幾好,好容易發脾氣...都唔知做乜~

不過...亦都係今日~令我知道原來有d野已經不知不覺咁放低左~

之後打麻雀仲贏$添...haha~~ d 運返黎喇~要打多d先得~

而家唔打3番起糊喇,玩跑馬仔仲好玩~上落仲大~

以前玩3番係貪佢上落無咁大~而家想玩跑馬仔係因為上落大~

仲辛苦搵錢...我都想玩吓~仲......無腳~你地一係返工~一係無$....

都無人陪我打既~~ =.=" ~

星期3就去旅行喇...返工返到個人都散晒喇~

同媽咪去旅行...充下電~真好

呢排...我諗通左好多野~但我發覺~我唔想生日~

我唔想話比自己聽又大一年~我唔想人地知道~ "我咁失敗"

(為何你會離開你)....以前拍拖分開後都會自己呢個問題~

除非係自己要離開啦~而家聽到呢隻歌~先發覺...

其實以前傻...以前既執著~其實....都係一份可愛~~

終於都到左我最愛既秋冬天喇~感覺真好~feeling good ~~正ar~~
為何他會離開你
誰叫你沒火花點起
仍纏在一起
誰亦會怕膩
他找你不找你
有他那苦衷兼道理
男人總輕視你寸步難離
原來擁吻如不放錯在你
熱情冷淡反悔
為何怎么怎會
談情后你我也學會