今日真係好唔開心呀.......比醫生激到我好嬲~~

嬲到我乜都唔想打,如果聽日都係咁~~~~~~一定辭職.....就算要訓街都要辭~~

好過攪到自己人唔似人,鬼唔似鬼~~

今日...醫生出去香港食飯,11點就走左..4點先返..我又唔記得帶NDS~攪到我鬼死咁悶。

之後咪開另一部電腦一路聽歌一路玩彈珠台囉,唔係點呀....

之後係上水行左陣...我發覺唔知幾時開始,自己都唔知自己去左邊~一路行就一路諗野,

都唔知自己行左去邊...又乜都無買到,其實我自己都唔知自己諗緊乜~

可能我緊在太攰喇,所以個腦一得閒,就遊雲太虛.....我真係好想休息下~

想喊...但喊唔出...好辛苦...

診所有個病人~7:40分打黎叫我等埋佢~本應都諗住等既~但...點知......

一睇佢排版就知佢睇性病...睬佢都有味,即刻拉閘添呀~我都唔明~

果d男人有老婆仔女~點解要咁做~?有d就個老婆大左肚......

做女人其實都幾慘,好似家庭煮婦咁...日日煮好飯等生等死等個老公返黎,

個老公返到黎一句攰呀....無胃口呀....飽喇.....咁就走左去~

捱肚餓等佢返黎食,但結果得自己食.....如果出去做野既仲慘,

係出面做完成日野,辛苦到想死咁返到屋企~一返到屋企~

見到間屋亂七八糟,又要拾屋,又要洗衫,又要吸塵拖地...如果之前果日~

佢d兄弟上左黎玩仲大獲~~哈哈~~好彩我到而家都未試過~

不過...做女人既,為左自己鍾意果個,做乜都開心架啦~

不過.....如果女人做左咁多野之後~先知個男人呃自己.......

哈哈......男人都會幾慘~唉.......見到好多姊妹都係咁既情況,

唔知......我既結局,又會係點呢~~?

 呢排發生左好多事,係診所~盈盈走左......為左呢件事,同醫生傾左好耐,我亦都無心機再做落去~

盈盈唔係度.....我真係好唔開心~星期日同星期一,鄺姑娘黎左幫我手...但....佢幫乜鬼丫~佢係度~

搞到我做多幾個人既野~佢.....唉....我都費事講~講起我就嬲~我叫左欣欣返黎幫我手•唉........

遲d就會知道法國醫院果邊請唔請~如果唔請就去埋屯門博愛醫院睇下點~再唔係去埋仁安醫院睇下~

雖然.......加左人工~但......我做到好唔開心~如果唔係要交咭數,唔係要買煙食飯,我當日辭職~

會決絕d........ 我真係覺得好辛苦.....好似~~唔知點咁.......

今日去左睇魔法小胡蘆,好多小朋友睇,真係.......一個字~~悶~~咁就死得啦~

返工又悶,放工又悶,連睇戲都悶......究竟~~除左飲酒唱k之外,對我黎講~

而家有d咩我係唔會覺得悶同乏味架~~ 唉~~呀met...呀武...呀耀就好啦~

可以話飲就飲,話玩就玩,話嘔就嘔,全無顧慮~~haha~~我好耐無飲到嘔喇~

真係.......dry~~ !!

診所....有一大堆野要做~老細又以為我無野做~不停咁叫~

唉.....麻Q煩呀~盈盈今日請左事假~佢奶奶有事~仲有排請假~

叫老細請個兼職返黎幫我手,佢又話我一個人攪得掂~痴Q線~

鐵人都要休息啦~唔好玩啦~之後我講到明聽日死都唔肯返架喇~

鬼叫我之前想聽日補假佢死都唔比我補呀~而家...哈哈~

得鬼閒睬你喇~   

我真係唔明,男人點解會係咁~真係好心淡.......

講左咁多樣野~樣樣都應承你,樣樣都話好~到頭黎樣樣都無做過~

我真係覺得好攰。雖然,我地一齊經歷左好多開心同唔開心....

一齊去過好多地方,但係......起初之所以令我咁沉迷,

都係因為我講完既野,佢唔會唔記得,仲會靜悄悄咁去做....

但而家~咁樣.....又有咩意思丫~?