今日無啦啦比病人鬧到隻狗咁~堅唔開心...

即刻衝返屋企喊......仲會喊~即係仲未大個~

可以~~繼續玩...聽日會早收工~本身好鬼開心架~

星期2又放半日...不過算啦~點都無咩所謂喇~

因為其實就算今日有冇比人無理取鬧都好啦~

我本身都唔係開心架啦...都無咩分別...

諗返起...原來同我一齊既男仔個個都唔同姓架~

*一個冷漠一個決絕不多不少不相百仲你我再也不拖不欠*

*一句說話一個決定清清楚楚乾乾脆脆你我再也不拖不欠*

今日去左元朗食壽司....我叫左好多野呀~~不過~食唔晒=.="

之後去左大欖...果度可以睇晒成個元朗架...但~唔知係我副con唔夠度數定係咩~

我淨係睇到前面有一粒粒光咁囉~之後去左b仔~嘩嘩...做糖水鋪做到咁大間鋪..

有d難度~我開始發覺有車真好...去咁遠地方~唔洗一陣就到~仲快過去羅湖過關~

haha~有人話我諗野好簡單~但呢個世界~就係咁簡單架啦~複雜既~

係人自己將事情複雜化姐...係屋企時我見到細佬個msn有個同學同佢講想自殺~

又話日日扮開心做人~又話做人好辛苦....小姐呀~你得13歲炸~仲有排捱呀~

讀書都話好辛苦好慘好想死~咁一出黎做野點算呀~唉......我暈喇~~

我真係唔係好明白而家新一代既學生世界~~

(死喇~講到自己好似好老添...=.=" 我仲好細個炸~)

呢幾日診所好多人呀~痴線~成朝坐低都唔夠半粒鐘~攰死我喇~

攰到同個病人洗傷口時個病人話痛~我都無反應~邊有咁多野做架~

d野好似做極都做唔完咁~我又食極藥都好唔返~日日都食緊抗生素~

痴線...諗住今日夜半日假唔出街都唔緊要啦~係屋企仲好~

但~~乜d時間咁快過架......我真係好想好想放個悠長假期......

要捱到3月先有大假~放完大假就辭工......一獲Q起醫生....

haha~~ 諗起都開心~!!

玩左3支black呢保~嘩~我發燒上陣呀~我真係覺得自己好勁~

發燒都掛住玩~~haha~~同埋d fd為我而黎~無理由唔招呼下姐~

但好快我就唔得喇~~後尾休息左一陣~見呀sam黎到~即刻起身又飲過~

但呢個時候~我出唔到聲.....救命呀~我講唔到野呀~~ help !!!

haha~之後又貓到食蛋糕......又玩過~~haha~~起初好嬲呀耀架~

打比佢又唔覆~黎唔黎又唔講....呀武我就預左架啦~但呀耀~嬲到爆~

但...竟然佢4點令收工飛的過黎wo~haha~咁先係丫麻~果然係好朋友~

尋日~飲到貓貓死同肥婷..呀sam講左好多真心話~我先發覺~

其實...我係一個幸福既人~有對我咁好既朋友~~ 勁呀 ~~

我愛死你地呀.........

星期日同星期一都發燒~好辛苦先可以係診所捱足成日~

一行出診所就不停咁震...不過唔緊要~而家捱完喇~連放3日假~

真happy !! 今日...約晒fd去唱k~但.....盈盈尋晚打比我話請唔到假~

蛇蛇又要返工~佢地話下次同我食飯...=.=" 今日去唱k~本身期待左好耐架喇~

但~我又喉嚨發炎~又大傷風~我已經不停咁食藥架喇~唉~玩埋今晚~

聽日實出唔到聲都得喇~但開心就得啦~~