Don‘t cry because it is over, smile because it happened

岩岩同個朋友傾計,講左好多自己心入面既感受,

講講吓自己仲喊左出黎添,呢個時候,佢送左呢句野比我...

我終於明白~我係唔應該唔開心,相反應該以笑黎面對!!

希望我可以好快咁走出呢個框框,從新過我既新生活,

學習以微笑去迎接我的每一天,總比終日活在痛苦裡來得更有意義!!

今日去屯門行街 ... 睇戲 ... 碌齡 ~ 今日shopping有好多戰利品呀 ~

4套衫+一套泳衣 ~ 件泳衣兩件頭都ok架 ~ 但如果肥左少少就 .....

今日睇"街頭超人" 好好睇呀 ... 仲好搞笑添 ~  ~

之後碌齡 , 都ok喇 ~ 局局都最少過百 , 算係咁啦 ~ 不過最衰打打吓我胃痛啦 ~

可能呢排成日唔食野但又不停飲檸檬茶啦 ...

今日上模擬課程 , 由6:30上到10:30 ,5點幾搭車時先醒起  ...

原來自己未食野 , 但又趕住去上堂wo !! 我都唔明點解駕駛學院啲冷氣咁Q凍 ,

我又餓 , 又凍 ... 好難先捱到10:30 ~ 但呢個時候 , 我已經無晒力 ,

亦餓到無晒感覺 ... 搭276P返黎果陣 , 仲有6個超級大肥婆包圍住我坐 ,

我已經將MP3教到最大聲架啦 , 但佢地傾計把聲仲勁過我個耳筒 ,

嘈到我頭都痛埋 ! 平時我一定會叫佢地收聲 , 但我今日連鬧交既氣力都無 ,

可想而知我幾攰丫 ... 落左車行返屋企既時候 , 好暈呀 ,

原來全日都唔食野係會行都無力行架...我以後盡量都唔會叫人同我遊車河架喇 ,

因為原來楂車係好攰既事黎架 ....... 我已經散晒喇 !!!!!

BB book 左今日睇醫生+打針 , 要去太子 ! 好淒涼呀 ... 呀b入親寵物袋 ,

就不停流口水 , 流到成身都濕晒呀 !! 佢仲要係火車度吠 , 搞到全車人都望住我 ,

超樣衰呀 ... 打針又打到佢超痛wo , 不停大叫呀 , 我肉都赤埋 !

好彩今次唔洗等炸 , 唔係我就慘喇 ~ 之後又返上水放低佢 , 再出元朗 。

276p又無位坐wo , 我攰死喇 ! 落車之後行行下先知 ... 大獲 ...

又蕩失路 , 頂 ... 又搭的士 。 去到之後已經好攰 , 仲要上堂 ~ 呀 ...

係元朗返屋企既時候 , 我先知原來之前我無蕩失路 , 條路係岩既 ~ 唉 ...

正白痴 , 好彩無搵人求救姐 , 唔係比人笑都笑傻我啦 ... 

溫路試啲題目搞到眼都花,啲符號都唔係人睇架...個個都差唔多既~

今日又去清河邨飲,上到去我不人幾嬲~按門鐘無人應,

起初以為呀文訓左啦,點知原來佢掛住打機唔開門,

小如又訓著左聽唔到,好彩我突然醒起打比小如姐,唔係熱死啦...

呀武返到黎又唔飲wo,呀文之後又訓左,得返我地4個猜皇...

呀豪之後又話wing,點知我地一話走佢即刻醒晒~haha~

次次都係咁,都慣喇~哎呀...又留左個電話係呀武度,頂...訓覺無歌聽添~

次次飲完酒訓, 2.3個鐘酒氣過左就訓唔返 ~醒晒~吹漲  ..

而家先8點幾 ,眼訓但又訓唔著,激氣呀 ... 過算啦~ 教返正個生理時鐘啦

之後睇{我的最愛} , 令我覺得好感慨 , 男人對我黎講 ,

就好似一種無法估計既動物 , 但一切 , 都有timing ,

唔係你一句鍾意 , 就可以亂黎 , 而呢個 , 亦都係做人既無奈 !!