考試前一日 , 落左pcp ... 飲完呀妹再飲呀伯 , 頭痛到今朝 8:00 先訓 ~

為左溫書 , 11:45 分起身 ... 搞呢搞路又夠鐘出門口 ~ {無溫過書}

運輸處張紙寫住 "2:50" 考試 , 請早 15 分鐘到達 ...

1:25 分正式步出屋企門口 , 上車後到坑頭搵呀武 ..再入油 ~

2:10 分正式由上水高速公路出發 ... 沿途道路極不暢通  

2:35 分到太子 ~ 好驚 ..好驚 .. 遲到會肥佬 ~

haha ~ 岩岩好2:50分 到長沙灣政府合署樓下 ...

驚雲未散之下 , 傻更更入左試場考試 ~ 又傻更更咁出返黎 。

直至去左西九龍中心shopping , 先醒返啲 , 再去食任食壽司 ...

諗住拎住張 $200 既收據可以免費泊車 , 盡慶而歸去停車場攞車時 ...

個女人話 ... " 小姐 ... 夜晚 6:00後先有免費泊車呀 " Oh Shit !!

5:30 打去駕駛學院 , 個小姐話 "pass 左喇 , 下次book 埋期啦 "

haha ~ 好野 , pass左 , 我發達喇 ,有禮物收lu ~ 超高興超興奮 !!

到夜晚 , 呀武請食 {竹地} ...  ... 3點幾先食完 , 而家又食 ...

見到壽司都想  決定兩個月唔食壽司呀 ...

好運既野 , 永遠都唔會輪到我 , 每次當我覺得最快樂既時候 ,

我就知道我唔開心得幾耐 。 我知道人係會變 ,

但如果一個人一下子變成咁 , 就算我幾努力 , 都唔知道應該點橕落去 。

我亦覺得自己好傻 , 3返4次咁離開又3返4次咁回頭 ,

到頭黎就係得到咁既下場 ... 今朝早 , 因為呀MeT既一段說話 ,

我覺得個心好傷好痛 。原來殺傷力最強既唔係感情 .. 時間 .. 而係說話 !

呀met呢段對話 , 比我以前任何一個男人講既更具殺傷力 ... 更hunt

原來真心真意咁去愛一個人 , 去對一個人好 , 會令人覺得好恐怖 。

咁大個女 , 無論發生咩事我都無諗過死 , 但今次 ...

我終於明白呀Cat既感受 , 我終於明白當我hunt人地既時候 ,

有幾傷 。 3月份之後 , 我做左好多野去令自己相信愛情 , 信任自己既枕邊人 ,

到而家我真真正正做到既時候 , 事實又再一次證明比我睇 ,

世界上只有自己可以真正信任 , 只有玩弄感情先唔會令自己燒傷 ,

只有虛偽先可以令自己係社會上站得穩 ...

期待過我們似細水 　可惜蒸發出眼淚
明白你最近有些暫時伴侶 偷一刻午睡
彷彿專一使你極空虛 　懷疑被你抱著我念著誰
無論你再好 亦捨得失去

難過亦過難道我 　嫌損失未夠多
早放手可減輕痛楚
不等泡沫給吹破 　不想去知誰填補我
無悔在我還是我 　任你多麼差錯
無謂去追問為何 　深知告別損失非我
讓情人離別 　似水清洗我

原諒你對著我說謊
出於好意的作狀
明白你最近已經避談近況
早不敢寄望
心中早把相愛如觀光
情如瀑布瀉下也未驚慌
心境已 隨著那水花得到釋放

心中有漣漪吹過 又回到最初 平靜去做我

今日我地一家人同埋BB一齊去左新娘潭BBQ , 呀B坐私家車都嘔

搞到我一褲都係 ...  ... 果度好靚架 , 對住個湖 , 真係超正 , 勁正 , 爆正

呀B係草地度跑得好開心呀 , 一家人傾吓計 , 食支煙 , 真係好好FEEL !!

但之後呀B比野咬到佢個身好痕呀 , 所以返黎即刻同佢洗白白 ,

同佢吹毛時佢又發顛 , 幾鬼惡呀 , 好似顛左咁咬人 , " 變態 "

之後我地仲打左4圈 , 又係我羸呀 , HA ,呀爸話我朱得佢好行Wo ~

問你怕未

到最後當然係無去到長州啦 , 但我地幾個夜晚就去左聯和墟東京拉麵醫肚 。

真係好鬼正 , 我一個人可以食晒成碗 ... 仲去埋海聯錨金魚 ^^

但 ... 我錨得3條細魚仔炸 , 但都有安慰獎 ... 貼紙一張

食完野之後我地即刻飛車落屯門玩具反斗城買生命之旅玩 ,

其實人地已經封左個入口架喇 , 不過我地靜雞雞娟晒入去 ^^

上到清河邨 , 玩完生命之旅再玩大富翁 , 笑鬼死我 ,

呀武不停押晒自己啲地 , 玩完先知原來佢跌左15000蚊落地 ,

所以先輸 ~ haha

呀武約左我地聽日去長州行山 , 之後再去沙灘游水 ^^

好驚呀 , 咁Q熱 , 仲要行山 , 平時行街就得姐 , 行山WO ...

起初我以為淨係去長州玩吓 , 點知應承左話去次後 ,

先知 ... ... ... " 行山 "  不過都唔知去唔去得成啦 ,

又或者最後會去第度呢 !! ^^