用左好多好多心機 , 終於都整到喇 ... 一路焗個月餅 ,

一路聞到好香既蛋味 , 雖然個皮比較硬 , 但對於狗黎講 ,

濕濕碎啦 , D狗餅仲硬過我個月餅啦 .. ! 我真係好開心呀 ,

原來我都得架 ... YEAH ~ !!!!

好多人都話 , 主人就係狗既全部 , 我同意 , 但另一方面 ,

佢亦都係我既全部 ! 每次唔開心返到屋企呢埋房喊果陣 ,

呀b都堅持係我身邊 , 即使我趕佢出房 , 佢都唔會放棄不停挖我度門 !

有次屋企人去晒旅行 , 我留係屋企陪佢 , 但之後我又去澳門 ,

有11個鐘屋企無人 , 呀b有糧都唔食 , 急都唔去小便 ,

到媽咪返屋企時 , 佢先肯食野去廁所 , 我無返屋企果兩日 ,

呀b不停坐係我房門口 ""哼 ... 哼 "" 聲 ! 係佢身上 , 我開始覺得自己好重要 ,

而且仲好有成功感 。養左佢之後 , 我睇左好多松鼠狗攻略既書 ,

我發覺原來養狗好大責任 , 所以我每日都同佢玩 , 只要見到佢開心 ,

我就開心 ! 佢而家仲識聽人講野添 , 我一問佢做咩唔笑呀 ,

佢就會笑架喇 , 有次我同佢玩21點 , 問佢要唔要牌 , 佢令頭呀 ,

我仲輸左比佢添 , 超搞野 ! 以前我一同佢梳毛佢就咬我 ,

又唔肯比我洗耳仔同枺眼仔 , 而家好乖呀 , 坐定定比我搞 ,

仲識比野食佢既時候 , 等到我話食得佢先食 !

但係吹毛佢都仲係好反感 , 吹親毛都發顛 , 我都無晒辦法 。

以前我仲話人地隻狗吠個主人個主人仲笑 , 我終於明喇 ...

以前我又話人地養狗養到買bb車巴Q閉 , 但而家我自己都想買架比佢坐 ,

天氣咁熱仲要佢行好辛苦既 , 本身我想買多隻陪佢架 ,

但太大責任喇 , 我驚照顧唔到 , 所以一直都唔敢買呀 ~

尋晚出左旺角睇死亡直播 , 成套戲由頭到尾個鏡頭都左搖右擺 ,

睇到我好暈 ... 起初真係悶到我想訓 , 但睇左 30 分鐘之後

救命呀 ... 我成個心都跳左出黎呀 !! 之後雖然有個笑位 ,

但我已經笑唔出喇 , 仲愈睇愈恐怖添 , 我已經驚到手都震埋 ,

不停咁望住隻錶 , 睇下幾時先完 , 點知 ... 仲有 10 分鐘呀 ,

到臨尾果5分鐘 , 好彩我合埋左隻眼炸 , 唔係仲驚 ...

行出戲院之後 , 我勁想嘔呀 , 好辛苦 ~

返到屋企 , 呀爸同呀媽都估到我嚇到痴左線 ,

仲不停幫我心理輔導 , 呀 ... 但開場無耐個呀婆個樣我成日都諗返起 ,

起初我真係以為呢套片係真架 , 但後尾諗諗下我覺得有太多巧合喇 ,

第一個出現個呀婆佢實在唔似喪屍 , 佢好被動 ,

但到個個都知道事件既嚴重性之後 , 每個喪屍都好主動 。

加上知到左隻狗染病時 , 個女就即刻咬呀媽 , 有無咁橋呀 ...

後尾幾10隻喪屍追住個主持同攝影師果陣 , 幾廿秋鎖匙咁都比佢開到度門 ...

不過呢套戲真係唔差既 , 真係好驚 ...

呢兩日沖涼沖得勁快呀 , 早知唔鬼睇啦 ... 怕怕 ... 

去完旅行返黎係屋企休息左陣 , 沖埋個涼 , 就去沙田唱k ,

我地不停咁玩呀均 , 超搞笑 ! 玩到今朝7點幾先返到屋企 ,

攰到痴肺呀 , 係 48 小時入面 , 我只係訓左4粒鐘 ,

所以返到屋企就即刻訓著左lu ~!~

   哭泣聲絕無意義

　它不會扭轉分開的心意

　夢似是失去了收結一首詩

　彷彿聽別人故事

　今天我豈可關心多一次

　又再讓這刺痛一再開始



　到底得幾分傷心幾分痴

　舊事藏夢裡也不再有意思

　誰要你再說那溫馨的句子

　到底得幾分傷心幾分痴

　睡夢如欠缺了你都不可以

　而這晚卻說我跟你不可再試



　呀　分離從來不易

　這個你我早已知

　但到這夜方發覺

　情與愛何幼稚

　若是熱烈地愛多一次

　放棄原來更易

　就算以後失去你

　仍笑說不介意

8月21號 , 去左澳門威尼斯人賭場 玩左2個鐘.. 唉 ..

之後行左陣 , 買左d手信 , 索性去珠海 ,因為奧運既原故 ,

所以過關check得好緊 , 花左成粒鐘先到珠海 ,

之後就去左地下商場行街買野 ! 跟住去中山富都酒店浸飄雪溫泉 ,

玩得好開心呀 , 玩人造浪時我企唔穩跌左落水 , 個鼻即時變左吸濕大笨豬 ,

好辛苦呀 ... 玩完返酒店食荷葉雞+可樂 ~ 嘩 ... 正到不得了呀 !!

第日食早餐時睇電視見到香港掛8號風球 , 唉 ...

食完野就搭車 , 打唔到返屋企 , 呀媽緊擔心死 !

跟住就去左賽車場玩賽車 , 但認真麻麻 , 都唔係我想像中咁既

之後去左機鋪打機 , 但麻麻姐 , 大陸係咁上下喇 ~

打完機去食有菠蘿既菠蘿包 , 呢個菠蘿包唔洗錢 ,

係同腦力換返黎既 ,所以零舍好味 !

到夜晚就去左聚龍度睇show , ok啦 ... 但我d煙已經食晒 ,

周圍都搵唔到沙龍或者萬寶路 , 之後終於係間吧度搵到 ,

但 ...... $30 一包紅萬呀 ! 無計啦 , $30 就$30啦 ,

鬼叫你無煙食咩 !

第日就去左龍井坊食乳鴿同豆腐花 , 果度d豆腐花真係一流 ,

之後食晏時 , 仲撞到肥婷同呀sam ... 嘩 ... 我幾開心呀 ,

去旅行都撞到佢 , 我地大家都太忙 , 太耐無見喇 ,

係我地大家都掛住大家既時候 , 就撞到 , 實在太翹喇 !!

之後返香港 ... 唉 , 我得返幾10蚊炸 ... 但呢幾日我玩得好開心 ,

將之前唔開心既野 , 都忘記得一乾二淨lu !