好開心呀 ... 今日同小如 ... 呀武 ... 呀met 一齊去 Halloween ...

好開心呀 ... 買左好多戰利品 , 呀met仲擲左隻好得意既公仔比我呀

跟住我地去玩 {大鬧廣昌隆} , 排隊都排左粒幾鐘呀 , 救命 !!

就黎入去時我真係好驚 , 仲有d想喊添 ... 但入左去之後 ~ (得啖笑) 

之後入果d鬼屋我已經完全唔驚喇 , 仲玩得好鬼死開心添 !

回程時個個都已經好攰喇 , 呀武仲要楂車 , 其實都幾辛苦 ,

差唔多到雞嶺迴旋處果陣 , 有架警車叫我地駛埋一邊 ... ... ...

我仲係度諗 ... {我地今日都無楂快車 , 做乜鬼野呀} ????

可能呀武實在太攰喇 , 所以先會楂到左搖加擺 , 個差佬好似死都唔比呀武楂返咁 ,

咪叫呀met楂囉 ...!!   今日我地個個都玩得好開心 ^^

呀老話要補返呀met生日果餐 , 於是我地先到三聖買海鮮 , 再到大排檔煮 ...

嘩 ...  ... 餐飯千幾銀呀 , 多謝呀老  ~ 之後呀武同呀met鬥車 ,

仲過左架 skyline {人地唔同我地玩炸} ,  我坐呀met隔離 , 勁驚呀 ,

呀武無啦啦 cut 埋黎    ... 我嚇到大叫呀 , 怕怕  

再落 PCP ... 我飲到呀MET同呀君嘈我都唔知咩事 ,

行出門口無耐仲不醒人事企都企唔穩訓左係 PCP ,

呀MET乎返我但出到門口又跌低左 ,

如果唔係跌親時整親隻手我都唔知自己跌低過  

D 感覺好可怕 , 都唔知自己做過乜 ...

返到屋企就醒醒地喇 , 但就即刻  ...

3點令仲要比呀B嘈醒 , 個胃頂住 Wing 都訓唔返 ,

眼光光到6點幾先訓到 ... 唉 ... 辛苦呀

今日由 7:30 上堂上到 9:30 ... 再由 9:30 楂出街楂到 11:30 ...

但今日我有奇遇呀  今次個呀SIR 非常GOOD , 我比夠5個叻佢 ,

講野清晰易明不特止 , 仲非常咁有耐性 !

放學走時咁岩一齊搭校巴 , 佢放左工仲教我應該點考牌 ,

仲請埋我去茶餐廳飲野添 , 嘩 ... 我今日真係獲益良多 ,

佢免費教我野不特止仲請飲野 , 勁 ... ...

呢D呀SIR真係世間小有 , ^^

 好慘呀 ... 拗柴之後成晚隻腳痛到訓唔到覺 , 今日仲要落雨濕濕自己一柺一柺咁行落石湖墟睇跌打 ...

醫帥話因為拗柴所以令舊患復發 , 膝頭入面d根發炎 , 腳踝同膝蓋d骨又移左位 , 嘩 ... ... ...

900幾樣野 ~ 跟住又拔罐 ... ... 又針灸 ... ... 又電療 ... ...

大比同腳眼都包到豬蹄咁 , 後尾要媽咪收工過黎乎我返去 , 仲要睇多幾次添呀 ... ... ...

救命 ... ... ... 膝頭哥我都痛左好多年 , 唔整都唔得啦 !!

包完都仲係痛 , 聽日仲要學車 , 學完再落沙田搵 tanlcy 食飯 ... ... ...

都唔知點死 !! ... !! ... !! ...

岩岩上網睇返黎架 , 我一路睇一路笑 , 其實 ... 都幾sweet既 ^^  等我認真d睇下我做左幾多樣先~

拖手
　
　fing 手
　
　fing 甩隻手前再捉返
　
　鬥望唔眨眼
　
　影相
　
　睇相
　
　趁對方唔覺意時影佢相
　
　然後下一次拎已經加工過嘅相俾佢睇
　
　煮飯仔
　
　煮完飯仔再出街食飯
　
　尋找隱世美食
　
　去七十一叮燒賣食
　
　去沙灘同陽光玩遊戲
　
　去海邊唱夕陽無限好
　
　去新樓盤睇樓、但肯定自己唔會買樓
　
　去馬場睇賽馬扮董標或張基『一起起步』
　
　去旅行
　
　去camp
　
　去離島
　
　極之無錢時惟有去遊車河
　
　明明就喺隔離，但用SMS 溝通
　
　又或者煲電話粥
　
　然後輪流講亂咁作嘅故事
　
　或者企喺馬路兩面扮唔識
　
　不停講爛gag
　
　改對方花名
　
　無端端叫對方全名
　
　扮傻
　
　互串
　
　鬥咀
　
　搵交嗌
　
　扮冷戰唔睬對方、等對方出聲先
　
　然後再氹返佢
　
　一個合埋眼、由得另一個用說話帶路
　
　無端端唱合唱歌
　
　將對方個名編成歌詞不停repeat
　
　搣面搣手搣肥肉
　
　打pat pat
　
　咸豬手
　
　講咸嘢
　
　玩唧　
　
　玩手指
　
　玩手指、當對方係ET 外星人
　
　哄埋耳仔邊講人地八卦
　
　然後乘機吹耳仔
　
　我最鍾意...... 咬
　
　唔俾對方咬
　
　唔俾對方錫
　
　玩口水（ｅ...... ）
　
　錫
　
　錫錫下吹d 氣入對方咀度
　
　摸對方肚腩
　
　搞對方肚臍、仲要話『你果個咁得意嘅』
　
　問屈機問題——
　『你做梗咩呀? 』
　『食梗飯囉。』
　『咁即係無掛住我喇? 』
　『有...... 有掛呀！』
　『問到先至識掛，算喇！』
　『...... 』
　
　又或者咁——
　『你做梗咩呀? 』
　『一邊食飯一邊掛住你囉...... 』
　『又掛又食飯，咁即係一心二用、唔係好掛喇? 』
　『唔...... 唔係呀！』
　『你一路食住飯一路掛住我，即係想食左我算鬼數喇！』
　『...... 』
　
　約打羽毛球、網球、壁球
　
　只帶一塊球板去打羽毛球、網球、壁球
　
　唔識踩單車、但去踩單車
　
　搞對方頭髮、用手指卷圓
　
　幫對方（男方）用髮夾橡筋設計髮型
　
　將對方（女方）長髮變做超級撒亞人
　
　同對方茶手指甲
　
　性別互轉一日（通常半個鐘已經玩完）
　
　學對方講野
　
　行下公園、玩下韆鞦
　
　聊下女仔...... 係BB 仔
　
　望靚女——你同佢一齊望
　
　睇靚仔——但通常好少有得你睇
　
　研究行喺你地前面果對男女係咪拍梗拖、定發展梗
　
　企喺好遠好遠嘅地方扮等人、實情係望梗人地街頭冷戰幾耐
　
　喺寵物鋪前幫啲貓狗改名
　
　喺手機鋪前研究邊部手機最好用
　
　一齊去買衫試衫
　
　一齊報讀同一個course
　
　一齊去自修室溫書
　
　一齊去圖書館恰眼睏
　
　落pub ，教對方玩大話骰、『佢唔識』、輸左要罰飲酒
　
　同對方玩包剪揼、輸左要罰飲可樂......
　
　食飯時鬥快食晒對方碟上鍾意食嘅嘢
　
　去機鋪打麻雀機
　
　去SASA 、卓悅、屈臣氏格價
　
　勇闖元朗新天地，然後盪失路
　
　勇闖舊型大屋村，然後再盪失路
　
　唔搭車、由佢屋企開始『散步』直到唔想行
　
　唔搭車、散步行返去佢屋企

原來好多我都已經做過 , 咁我咪好 sweet swet 囉 ~ ^^