今日學車 , 呀met係坑頭食完飯順便車埋我,

點知行入學校時拗柴 , 唉呀 ... 死火喇 , 容乜易聽日去唔到拜山架 ,

年年去親拜山都會太公分豬肉每人一封大利是架 , 咁就小左日收入喇 ~

唉 ... 所以我覺得整親或者病親都好唔乎合經濟原則架 ...

 學車時 ...頂 ~ 呀sir話我楂得太快wo , 上次個呀sir明明話我手車楂得又快又定 ,

今次個呀sir我楂到50都話我太快 ~ 仲要比呀met跟住我 ,

跟跟下仲com左我架車一巴 , {頂你個肺丫} , 又後又有架拖頭想com埋黎 ,

咪即刻比油過線頂住佢囉 , {你老板真係當我lulu} , 諗住無事啦 ,

點知回程又見到呀met架車 , 又比佢com多巴 ... 呀 ... 我就黎發顛喇 !!!

我知道佢已經好攰 , 而且又岩岩飲完酒 , 我問佢做乜咁攰都車我 ,

佢話 "老婆仔舒服咪得囉" 嘩 ... ... ... 啞晒 ... ... ... 無野講 !!!

呢排好似樣樣都唔係幾對路咁 , 學車又唔記得上堂搞到罰錢 ,

電話又神神地 , x唔到電唔特止 , 仲聽唔到歌 , 激死人喇 !!!

想換部 N95 , 又鬼死咁貴 , 呀 ... 唔制呀 ~

呢排又作病wo , 個頭又赤 , d 牙又痛 , 個鼻又敏感 ,

都唔知搞乜鬼 ~

其實人病左會唔會傳染比隻狗架呢 ?

或者佢病左又會唔會傳染比我架呢 ?

呀Met岩岩問我去唔去哈佬喂 , 呀 ... 我都唔知去唔去好 ,

我上次比隻鬼嚇到我痴左線 , 但我又貪玩wo ~

人真係好矛盾 , 都唔知自己想點 , 定還是係我特別麻煩呢 ~ haha

婆婆有左白內障呀 , 不過岩岩做完手術 , 休息下就會好返 ! ^^

今日開始婆婆會係我屋企訓 , 我之前比左錢佢整假牙 ,

佢今日同我講 : 我好開心呀 , 而家棚牙食到野喇 。

無左幾千蚊 , 當時我個心真係有啲赤 , 但婆婆呢份快樂 ,

用錢都買唔到 , 更何況自從嫲嫲過身之後 , 我明白到能夠係佢地身邊服侍佢 ,

孝順佢 , 已經係幾生修到既福氣 , 我應該慶幸仲有比錢婆婆既能力 ,

雖然其實而家我已經負債纍纍 , 但唔緊要 , 我相信只要我比心機 ,

咩問題都可以解決得到既 ^^

中秋節既時候上唔到黎打日記呀 ... 但唔緊要 , 而家打返 !

因為我今個中秋節超開心 , 超高興 !!

小如 .. 呀 met .. 呀武 ~ 一齊去左清水灣過中秋 , 我地去到時已經 3 點喇 ,

但我玩得好開心呀 , 仲以高价買入一個本身平价既沙灘用具 ...

到第日追月我地又去左新娘潭追月 , 坐車時 , 好搞笑呀 ...

我一將呀b放去媽咪度 , 就即刻嘔到媽咪成身都係 ...

狗我見得多 , 但經常性暈車浪既我都係第一次見~ haha

岩岩睇寵物書見到 "動物傳心師" 呢樣野 , 究竟係咪真係work架呢 ~?

我相信係有呢樣野存在 , 但 ... 人都係動物 , 如果對方唔話比你知佢內心感受 ,

係咪又可以用個心黎感覺得到呢 ?

我今日真係好唔開心 , 我覺得好無助 , 唔知點算好 ,

唔知下一步應該點做 , 亦都唔知有邊個可以幫到我 ,

其實究竟係咪我有問題 ? 我真係好想喊出黎等自己舒服d ,

但無奈喊極都喊唔出 , 可能自己一早已經預計到有咁既結果 !

如果而家有人肯打我一巴既 , 我會好樂意比佢打 , 打完之後 ,

至少我可以喊得出丫 ! 就係因為有咁既諗法 , 令我愈黎愈睇自己唔起 ,

當日勁瀟洒既敏敏去左邊度 , 而家我究竟點算好 , 我個心好痛 ,

好似心口有舊野頂住透唔到氣咁 ...