好勁呀 ... 今日我一個打低4個人, 最高分呀 ~ haha ~

最衰上水無保齡球埸啦 , 如果唔係我日日落去添呀 ...

呢樣係我覺得唯一一樣可以付出幾多收獲幾多 , 人愈大 ~

漸漸發覺努力所得返黎既回報 , 往往比付出既少 !

一分耕耘一分收獲呢句說話 , 我從來都無認同過 。

呢個世界其實有好多野 , 都係講彩數 , 所以有好多野都估計唔到 !

有啲人徙勞無工 , 但有啲人又不勞而獲 ~

"知足常樂" ... 其實只係要黎安慰 "徙勞無工" 既人姐 。

又即係所謂既..... 呀Q精神囉 ~

如果你話到抵你係邊個 , 咁我都好想問究竟我係邊Q個 !

呢排我都忍左好耐 , 有時妥協又或者扮唔知 ,

唔會係一個好既解決辦法囉 ~ 我只可以講 ...

對唔住 ... 我並唔係一個忍耐力強既女人 ~

我帶左bb出去洗白白 , 返黎之後 , 不停吠住講野 ,

好似想話比你聽佢今日好悽涼咁 ~ 寵物店老板娘都話 ,

一同佢涼沖佢就不停咁大叫 , 叫到隔離左右都聽到 !!

但佢返黎之後 , 我睇到bb隻眼又紅又腫 , 好似流血咁 ,

可能佢沖涼時掙扎狀到都唔定 ... 返黎之後比平時仲痴我 ,

我諗佢今日一定係好驚架喇 , 下次都係去第間 ,

搵間可以睇住佢沖涼先得 ~ 唔係我真係唔放心 !!

尋晚凌晨3點幾就訓 , 但一直都唔係訓得幾好 ,

訓下醒下醒下訓下咁 , 到8點又起晒身 , 咪不停搵人傾計囉 ~

男既全部返緊工 , 做緊野 , 女既全部未起身~ haha

岩岩睇完6樓後座之家屬謝禮 , 都幾好睇Wo , 我覺得仲好睇過第一集 ~

我記得第一集係同陳銘一齊係沙田希爾頓 , 我地買左百份百感覺既戲飛 ,

但入錯戲院睇錯戲  而睇完之後 , 咁岩果日既夜晚 , 我同陳銘返粉嶺 ,

之後 ...... 呀平話識左第二個女仔要同我分開 , 果日之後 ...

陳銘就日日係上水圍搭車去坪輋陪我傾計 , 而肥婷 ~ 亦都由掃管埔 ,

山長水又遠咁入黎坪輋陪我飲酒 ... 雖然已經係5年前既事 , 但係我心入面 ,

永遠都唔會忘記係我失意時默默咁橕住我既朋友 。

其實我覺得自己係個好幸運既人 , 細個時無論發生咩事 ,

全家人以及親戚都總動員企出黎橕我 , 到而家大個左之後 ,

無論有咩問題 , 除左屋企人之外 , 亦有好多朋友幫我 。

如果唔係一直以黎有咁多人橕我 , 今日既敏敏 ,

可能心入面既諗法唔會再咁簡單 , 並且已經傷痕累累 !!

有咁多對我好既人 , 我覺得 ... 好滿足 ... 好富有 ^^ 

但為何一畢業才知　一世我也要考試

＊誰也好　即使愛侶都沒有必要待我好
甜或酸苦都一樣當寶　
誰亦會計數犧牲才得到的快樂　亦沒什麼味道
難怪我雙協插了刀　為博他答謝也好
亦沒法開心得這樣早　誰願欠我一世
人間散步　善良人永遠天真到　做好心不信得惡報


一閃一閃小星星　簡簡單單一輩子
就從頭到尾哼一次　忘記智商去做人都願意