呢排差唔多日日都去玩 ... 長洲 ... 大陸 ... 澳門 ~

係長洲又買野又租單車又食糖水...海鮮 + 飲 BEAR ~

又落銅鑼灣飲酒 ~

仲要係大陸買野時比人換左D假錢返黎 ~ 唉 ~

呢排天氣咁熱 , 呀B又要去剪毛 ~

去到澳門又埋低左D ~ 26號公司去迪士尼 ~ 唉 ~

都唔知仲夠唔夠錢買多D史迪仔返屋企添 ~ 

有錢唔等於擁有快樂 , 但對我黎講無錢就等於無左快樂 。

如果我連shopping既錢都無 , 我實在無辦法提起精神 。有人會話 "淨係行街唔買野咪得囉"

但如果明知自己無錢買野仲去行街 , 咁同白行有咩分別 ??

如果我連飯錢都無 , 我連笑都無力量。人地又會話"食平D咪得囉"

食老麥都要30雞啦 , 點平呀 ??

如果我連買衫既錢都無 , 我連街都唔想出。人地會話 "買衫同出街有咩關係呀"

無錢買衫即係無得著靚靚出街 , 如果連去街都唔靚 , 又邊會有心機出街 ??

好多時唔係自己想現實 , 亦唔希望自己凡事向錢看 , 但無奈 ...

呢個世界 , 就係咁現實 !!

今日係公司無啦啦比對面 Branch 個師兄捉左我入 meeting room 捐血 ... 訓得3粒鐘捐乜鬼呀 =.="

之後個姑娘話我隻手損左唔捐得 , 但我好鍾意佢個毛巾小禮物呀 ...

雖然捐唔到但最後師兄幫我爭取左 (^v^) v YEAH !!

呢個世界上 , 永遠都有得必有失 ,我唔知道值唔值得 , 但至少 ... 我嘗試過。

岩岩睇返08年10月既日記 , 好大感觸 , 短短既大半年時間 , 我有一個前所未有既改變 !

原來係08年既時候 , 敏敏係一個無憂無慮 , 低低能能既女仔 ,

但而家 ... 已經變左一個多憂多患 ... 一臉倦容 ... 強顏歡笑 既女仔 。

雖然讀緊EQ+心理 , 但連自己既情緒都控制唔到 ~

但另一方面 , 我確實比以前成熟左好多 , 諗野亦比以前全面 ,

談吐方面 , 如果睇唔到我樣淨係聽聲 , 人地話似同緊一個30幾歲既女人講野。

改變係好定唔好 , 就要睇自己點諗 , 觀點與角度 , 好多時候都只係一線之差 ~

嘩 ... 好睇到不得了 , 差唔多成晚我都無坐過 , 感覺好 high .......

呢半年黎最開心既一日 ~ 雖然 $ 680 一張飛 , 但一d都唔覺得貴 ,

而且仲值回票價 ~ 最衰買唔到飛啦 , 如果唔係睇埋 21 .. 22 號添呀 ~

YEAH ~ 正AR ~ ^^