我慶幸有一班 , 識左好多年既好朋友 , 無論事無大小 , 只要我有困難 ,

又或者有野睇唔開既時候 , 佢地都會第一時間企出黎幫我 。

直至而家 , 我以為自己頂得順 , 我以為我長期既唔開心只因為太攰 ...

但原來 ... 每當我有壓力又或者唔開心 , 原來只要同佢地傾下計 , 見下面 ,

我已經好開心 。 對住呢一班朋友 , 就好似對住自己既親人一樣 ,

全無介心 。 而我地呢一班傻仔傻婆 ,  當聚埋既時候 , 感覺同10年前跟本無分別 ,

最大既分別只係以前我地諗放學去公園 ... 樓梯口 ... 放假去 BBQ !

但而家我地落吧 ... 唱K ... 海洋公園 ... 長洲宿營 ... 台灣旅行 ... 出海... 澳門之旅  ~ (組織中)

Tommy .. Sam ... 陳銘 ... 肥翕 ... 肥婷 ...蛇蛇 ...肥蘇 ...

每人都各有各際遇 , 亦各有各伴侶 , 但對我黎講 , 除左屋企人之外 ,

最重要就係呢班 ...... "死黨"

呢排覺得好辛苦 , 我諗 ... 所有野都係我自己攞黎 ~

我問反自己 : "Cherry ... 請問如果你唔係執著 , 你會好似而家咁咩 ?"

                       "Cherry ... 請問如果你唔係好勝 , 你又會唔會好似而家咁 ?"

無論結果係點 , 我只能講一句 ... "一切都係我自己揀 , 我無得怨任何人"

Cherry 好細個時就同自己講 "自己揀左 , 就唔可以後悔"

即使我而家好似隻盲頭烏英咁死衝 , 衝到頭崩額裂 , 我都唔會後悔 , 亦唔容許自己有一刻軟弱 !!

呢排跑數跑到人都顛 , 事關上個月有兩張單上唔到版 , 搞到今個月跑兩倍數 ~

唔知係咪因為太忙所以少左理呀b啦 , 呀b又皮膚敏感喇 ... 唉 ...

真係好心痛 ... 陣間同佢去睇醫生 ... ... 

我發覺自己真係好無用 , 好似每一樣野都處理得唔完美咁 ,

楂車又入錯波 , 呀b又皮膚敏感 , 上個月又唔到數 ... 

唉 ... 想死 ~  

救命 ... 6 日廋左 10 磅 , 唔係我特登去減 , 而係每日訓得 2 ... 3 粒鐘 ,

搭搭下火車暈到企都企唔穩 , 搞到要係8龍塘落車坐坐...吹吹風 ... 個人先醒一醒 ~

好辛苦先返到公司 , 想飲啖水都無時間 , 又要開會 ~

由 8:45開到 9:30 , 之後9:30 又要開另一個會開到 10:30 ~

先去食早餐 ... $ 26 一份早餐有沙爹牛肉面~火腿蛋 , 但我食左兩啖面就已經反胃想嘔食唔落 ...

之後又入左經理房傾左兩粒鐘 ... 由於11點食早餐所以lunch跟本就無胃口食 ...

到夜晚 , 煮完飯直情丁點兒胃口都無 ~ 日日如是 ... 而家直情唔想食野 ,

因為食親野後都覺得好悶好想嘔 ... 日日都唔夠訓 , 我一唔夠訓就會嘔 ~

唉 ... 就算放假都無覺好訓 , 一訓夠5粒鐘就自動醒 ...  ... 

近排見返好多老朋友 , 焉然回首 , 從前永遠是最快樂 , 最無憂無慮 !!

中一時朝頭早係士多入面 , 一邊食煙一邊抄功課 , 抄完先施施然行返學校 。

到中三時 , 朝頭早係火車站食飽煙先上巴士 , 上到巴士又係抄功課 ~

落車時買包腸粉 , 上堂慢慢食 ! 中4之後 ... 搭火車去旺角 , 再搭的士返學 ,

第一堂訓覺 , 訓醒就化妝 , 化完妝就買隻糯米雞,一罐可樂 , 一邊食野 ,一邊上堂 , 一邊睇報紙 ~

睇完報紙就聽mp3 , 好快就lunch ! 成班人一齊食飯 , 一齊食煙 ,

miss當睇我地唔到 ... lunch time後果堂又訓 , 訓醒就同同學傾下計 ...

咁又一日lu ... 放學後去 neway city 唱k , 再唔係去唦爹王 high tea ...

再唔係返學校室內泳池游下水 ... 再唔係係學枚出面睇人打交 ,

哈哈 ~ ~ 但而家 , 我發覺自己好渺少  , 我希望可以見多d野 , 學多d野 ,

希望可以幫到身邊既人幫佢地達致理財目標 。每日埋首工作 ,

終於知道而家我所擁有既每樣野都得來不易 , 每一蚊每一毫都係自己既苦心經營 ,

雖然當中有無比心酸 , 但至少 , 我長大了 。