岩岩上網時睇到既 , 我自己就做唔到咁多喇 , 你地又點呢~??

1 在大庭廣眾下來一個擁抱，或者一個KISS   
　  
2 兩個人在一張床上睡一晚，但除了抱抱、親親什麼都不干   
　  
3 選一天為彼此做一頓飯，然後面對面看著對方吃完   
　  
4 為他寫日記，不管會不會，哪怕就幾個字也好   
　  
5 難過或開心的時候抱著他大哭一場，但只讓他看到你的淚   
　  
6 跟他做一次短暫的分離，品嚐一下相思的味道   
　  
7 看一部兩人都覺得無聊的電影，然後一起走神，將來談起來都覺得好笑   
　  
8 一定要親口說一句「我愛你！」   
　  
9 有機會的話，要在山頂上擁抱，背靠著背看星星   

10 把他的聲音做成自己手機的鈴聲   
　  
11 不要忘了「炫耀幸福」??隨時做一對能讓所有人羨慕的情侶，而且不能良心不安哦   

12 在有錢有時間的時候一起去旅遊，讓目的地成為你們愛的見證   

13 心血來潮的時候叫他「傻瓜」，也偶爾感受一下自己變成他口中的「傻瓜」時的樂趣   

14 你們可以忽略過去，但不可以否定未來   

15 相信一句話「你是我的全部，我是你的唯一」   

16 試著在過馬路的時候調皮地閉上眼，然後感受他小心翼翼地牽著你安全地走到對面   

17 跟他去海邊，有生之年一定要跟他看一次日出、日落   

18 沒事就對他撒嬌，等他受不了的時候就會反過來對你撒嬌   

19 去你常去的論壇告訴所有的朋友你愛他   

20 讓他多睡一會不吵他是為他著想，但如果睡覺的人是我，我真的寧願他早點來吵醒我（愛情的力量，想不通……）   

究竟呢個世界上有無唔講大話既男人呢 ?

我知道我既性格比任何一個女人都容易呃 , 所以我好嬲人地呃我 ,

但偏偏 ... 個個男人都呃我 !

我好執著承諾 , 我覺得應承左既野就一定要做 ,

但偏偏男人將承諾當做甜言蜜語 , 有咁既必要咩 ??

我知所以輸 , 係因為我唔夠自私 ...

我知所以比人呃 , 係因為我唔夠奸 ...

我知所以咁容易信人 , 係因為我唔夠虛偽 !!

如果愛情係一場角力既話 , 對唔住 ... 我棄權 ~

我唔想再因為愛情而流淚 , 因為我既眼淚係好值錢 ...

如果話係愛情入面 , 你有幾多快樂 , 就有幾多痛苦 ,

咁我諗我唔需要愛情 ~ 因為人既快樂 , 其他地方都搵得到 !

愛情 ... 係需要時間去經營 , 需要相處 , 需要忍耐 ...

但 ... ... ... 我已經有心無力 !!

信心 ... 無左就係無左 , 如果要勉強 , 咁又何必呢 !!

為何連一次都不再願探訪
為何鄰居也可多慰問境況
捱過多少天傷心處方
淚水如何能做血糖

為何連一句都不再願講
只有電視的盛況　能陪伴沮喪
今後我　沒法比從前的堅壯
然後你更不願看

岩岩call左寵物美容帥上門幫呀b扮靚靚 , 平時呀b教極都唔聽 ,

今日又好乖wo , 証明個美容帥真係好有經驗 ~ 平時呀b唔肯比陌生人抱架 ,

但今日唔洗 1 分鐘就已經要人地同佢玩喇 ~ 而今次亦無之前咁驚水喇 ~

雖然吹毛時都有發神經 , 但已經進步左好多 , 好叻仔 ~

希望下個禮拜我自己同佢沖既時候都好似今日咁順利啦 ~

呀B 今日要打瘋狗針 , 一入到診所 , 就見到隻超超超巨型既惡狗 ,

我好驚驚呀 ...  ... 但呀B一啲都唔怕 , 仲衝出去吠人 , 嚇死我呀 ,

人地一啖就咬得死佢喇 ~ 之後又有隻超細隻既芝華華入黎 ,

人地又 ""胡"" 呀B , 呀B又 "胡" 返人地 , 結果 ... ... 呀B勝 ,

呀B吠到人地隻芝華華頭耷耷 ... 之後又有隻老虎狗入黎 ,

搞笑到丫 , 隻芝華華同呀B一齊對付隻老虎狗 , 但隻老虎狗又就得佢地吠先搞笑 ...

終於到呀B打針針喇 , 醫生同佢檢查時呀B都仲好定 , 但當醫生一打枝針落去 ...

呀B發顛吠個姑娘 , 仲飛撲過去咬佢 , 好彩個姑娘走得切 !!

之後個姑娘仲話 "咁細個就咁大脾氣 , 大個時仲厲害呀 ,一定要教呀"

唉 ...  ...鬼唔知要教咩 , 但好多方法我都試過 , 佢都唔聽教 ,

咁又有乜計 ~ 呀爸攞個遙控好似拍薑咁拍佢 , 佢都未驚過 ,

仲 "胡" 呀爸添 , 真係愈睇佢啲脾氣愈覺得似我 ,

以前呀爸打我鬧我 , 我仲打返呀爸 ... 鬧返呀爸 ... 仲惡過呀爸 !

而家隻狗咁對返我 ... 真係冤孽 ~ 報應呀

因為我唔放心呀b一個留係屋企 , 所以dady 同媽咪 .. 細佬 一齊去左旅行 ,

我留返係屋企 ! 發達Lu , 叫晒D fd上黎屋企玩返晚先 ~

我係街市買左好多餱 , 6 個fd一齊食飯感覺真係好正 ,

不過我就辛苦 d 囉 ... 我煮左 ~ { 蒸石斑 ...   清蒸扇貝 ... 肉碎煮豆腐  ...

蝦仁炒蛋 ... 西蘭花炒牛肉 } 雖然煮得好辛苦 , 但見到碟碟清 ,

真係好開心 ! 之後呀彭飲貓左不停發顛講野 , 呀b一見佢就吠 , 真搞笑 ~

叫左呀彭返歸之後 , 同呀老傾左陣 , 之後佢就同呀文一齊做廳長喇~

估唔到呀老咁鍾意狗 , 仲話想同呀b一齊訓添 ... 可惜 ...

呀b只會跟住我訓 ... haha ~ 佢地幾點走我都唔知 , 因為我已經係房訓死左 !

haha