今日去元朗學車...仲要上九百幾堂~好攰呀...

上完堂諗住去大尾督架,但落雨我個頭又痛,所以我話不如係大埔行街食飯算啦~

食完飯上左清河邨,今次我m到無飲呀...我淨係負責倒酒~

原來淨係倒酒都好好玩架~

點知尋日出到旺角之後,小如先醒起佢呀媽生日,要返去食飯...

所以我地無行街就走喇~=.="加上落雨,我地個個都無傘...濕晒  

之後落pcp ... 飲嘉士伯>.<早知唔落啦~我話飲百威佢地又唔肯...

攪到我一上呀武架車就嘔...=.=...頂~但返屋企沖完個涼就醒晒~

5點幾我又出左去同佢地遊車河,好驚險呀...行錯路去左關口呀~

後尾又誤打誤撞出返黎...本身我地諗住落黃金架,但呀武超眼訓~

所以我地行返轉頭回程喇~結果...我就今朝7:00先訓喇~ ^^

早兩日係旺角買左幅1000塊既切圖...終於都大功告成喇~ ^^ ~

但出黎個效果麻麻 >.< 所以我諗住唔要 ... 陣間又出旺角 ~

等我簡過另一幅先得...

係10年前~我養果隻狗係西施,又係2個月大買返黎,但佢好強壯...

基本上我唔洗點打理佢~果時屋企地下污糟到我地個個都著拖鞋~

唔好話寵物美容,連指甲我都無同佢剪過一隻~我鎖佢入個籠,

佢仲可以自己咬爛個籠走出黎~但而家養呢隻狗,

開左個籠門佢都吠住要出黎~真搞笑~我自己對bb付出左我自己最大既努力,

每日拖兩次地,梳3次毛,定期出去剪指甲,有咩事第一時間同佢睇醫生,

咁都會生廯...唉...心灰意冷,尢其是有個朋友同我講...

"我養左咁多隻狗都無事,點解你果隻狗咁多野架,你比左啲咩佢食呀"

冤枉呀...佢食既全部都係寵物店既貴价貨,從來都無食過人既食物~

最多都係生果同面包,連我自己都開始懷疑究竟係咪我做錯野...

後尾獸醫話原來唔應該同佢抺身,佢有狗味唔係因為污糟,係因為食得肉多...

我成日都同bb講"我好愛你架,你乖啲啦"呢個時候,佢仲噬左我一啖...

後尾我拎左氣球下面果支野做滕條~~haha~~而家乖左好多~

原來滕條唔洗打佢,只係打落地下佢就已經好乖...^^...

我仲睇左好多寵物書,我諗佢皮膚好返之後,我就識得點照顧佢喇~

而家我仲愈黎愈愛佢添呀...錫晒佢呀...

今日帶BB去太子非牟利獸醫診所睇醫生,超多人呀~約左5:15,

等到7:00都未有得睇,真係好嬲呀~如果佢唔係非牟利,實鬧到佢傻~

等緊期間有好多狗呀,但BB都唔敢同其他狗玩,只係呢埋係一二角訓覺覺豬...

其他主人見到佢都話"嘩...佢好乖呀"哈哈~比佢呃晒,平時係屋企摸下都比佢咬,

但因為今日佢好驚,又暈車浪,所以先任摸唔嬲~~連醫生都話

"好少松鼠狗咁乖"HAHA~我即刻話"假象黎架炸,平時好惡架"

醫生話我唔可以比佢惡過我,要由細細個比佢知邊個係莊邊個係閒,

連食飯都要我食完佢先有得食。同埋話佢偏肥,唔可以再食零食,

呵呵...慘喔~悽涼囉~仲要食3星期藥添...好心UP呀~睇完都8:00,

今日爺爺生日,約左7:00係彩園邨食飯,唉...又比人鬧~

返到屋企之後,呀爸話8號風球打麻雀WO......

輸左20蚊添,不過之後呀爸比返我WO~HAHA~

仲諗住贏返D幫浦下D醫藥費添...^^