聽好多人講話魔法奇緣好好睇,我好有期望咁入去,

ok啦~童話故事...又係好似迪士尼既其他作品咁,唱歌跳舞...

但我真係好唔明,點解d人入戲院唔較震機呢,唔尊重人都尊重下自己啦~

睇戲係要成個人既精神都入晒部戲度咁先會好睇,唔係洗乜去戲院呀~租碟得啦,

睇睇下比條粉腸個mp3鈴聲拉返出黎,真係咩隱都無晒啦~唉...

今日既晚餐去左意粉屋,唉~早知去pizza黑啦...不過d千層寬條麵又真係唔錯既...

但d雞翼無乜味,我個人比較鍾意食pizza黑d野囉~

今日去完北區醫院探病之後,去左屯門睇戲。起初話睇魔法奇緣既,

但...無位~所以睇左長江7號。之前聽好多人講話套戲麻麻,

但我又覺得ok既,唔知係唔係因為無乜期望所以先覺得好睇,

如果套戲唔當係一套笑片黎睇...其實都幾好睇既~我都幾鍾意個故事!

今日呀met話以前識我時好靚,隻眼水汪汪無黑眼圈,但而家個黑眼圈好大~

haha~人大左就係咁架la~隔左咁多年,有少少走樣一d都唔出奇丫~

加上佢識我時我仲讀緊書...唔洗做又有錢洗,梗係靚d架啦~講到我而家咁差~

真係丫...好想去360呀~連盈盈都去埋,我都仲未去~呀...唔制呀~

我要係我返工之前去一次先息~

呢幾日真係好忙好多野做呀~so都好多日無打日記喇~

呢幾日又影左好多相呀~但有好多都唔係我自己度~等佢地將d相入落電腦~

我再post埋果ｄ出黎比你地睇啦~年30晚去左遊車河,跟住去左打麻雀~贏左$呀~

年初一就去左翠麗拜年,之後再去彩園邨,再去天平邨~之後呀武楂車接我~

再落沙田搵埋呀met~再去馬鞍山接小如~諗住去旺角睇戲~但...

我地唔識係沙田點去馬鞍山,so我地係沙田遊左3個圈,再去左火炭~

之後又去左大學~後尾...谷鬼氣落大埔上返吐路港再落馬鞍山~接完小如之後~

我地諗住好順利出旺角啦~點知~有人炒車所以封左路~搞到我地又落返沙田~

結果...我地去左加州紅唱k...haha~本身話飲blacklabel架~但之後~

我又想飲百威...平好多丫麻~haha~玩到5點幾~

今日...去左睇煙花~嘩~d煙花有字架~好靚靚...好浪漫呀~

我同vivan不停係咁大叫~~嘩~~哈哈~好好玩呀~睇完之後~

我地10幾個人一齊去左kfc食野~超熱鬧呀~

食完之後~佢地去蘭桂芳飲野~我唔去啦~連續玩左幾日~超攰呀...

加上之前晚晚都有飲...呀...雖然~我都好想飲~但~年初二老蘭咁多人~

怕怕...加上我對鞋又著到隻腳好痛~我唔想再行喇~so返左屋企lu~

返到屋企真舒服

尋晚9點零...呀武楂車係球場等我~之後...我地就去買酒~

但間士多關左門呀~~之後返去架車度一路傾計一路等呀耀!

跟住佢地就去我屋企樓下買酒~我就返屋企拎左支Black Label~

同埋拎埋d架橕...就落返去搵佢地~呀耀仲買左我至愛既Ballantines~

加一支白酒~接埋呀met我地就殺上呀武度~我好勁呀~猜partner~

我一打3~~尋晚D 15~20好堅呀...跟住玩keroro~又贏呀~

呀豪先攪笑~我地玩生果...明星...節日枚~叫親呀豪都輸~

之後我地玩返自己個全名先攪笑~我係=冼x耀...呀met係=張x敏

呀文係=駱x豪...呀耀係=吳x林...呀豪係=簡x文...呀武係=王x如...

小如係=簡x武...呢個遊戲真係玩親都好高興~上次就係我舊屋燒野食~

一句純生暫停我地都笑足幾個月~而家~仲頂隱~"超低能~勁搞笑"

但我地比人投訴左兩次,so無心機玩喇~又見5點幾差唔多6點喇~咪返去囉~

落到樓下...又~又無的士~又拎住成袋架橕~仲要好冷凍...真狼狽~

訓醒之後就係屋企洗野..大掃除,洗完屋企d野呀耀同文傑約我去行樂軒打邊爐~

一路打邊爐一路傾計,傾左好多我一直都唔知既野呀~~

之後去左行花市...嘩...靜到丫~我直情唔覺得自己行緊花市呀~

之後我終於買左隻史迪仔返黎喇~尋日問佢時$138架~而家講價講到$100~

~叻女呀~之後係新都行左陣~嘩~都係超靜呀~之後又係慣性...

呀耀搭車~文傑送我返屋企~ ~

尋日去左neway唱k,我飲左2罐嘉士伯,3罐百威...之後我地都係唔夠喉,

再落左呀耀間吧O2度飲 BLACK LABEL ...其實佢間吧搞緊芝華士之夜,

但我唔鍾意呀,吹咩...因為表姐夫係外國人~SO 我地轉晒英文台~

連玩都要用英文玩~HAHA~有個拳手埋黎同我地一齊玩~都要佢用英文~

超搞笑...之後隔離台,仲出黎唱超人迪加,仲要跳埋舞添,勁呀......

之前我生日通常都去唱K,我決定11月我生日時,今年要落吧呀...(9世之後既事)

飲飲吓停一停,點知一停就WingWing地...不過~我當然繼續玩啦~

咁難得佢地返香港~捨命陪君子都要啦~呀全第日返7點都陪我地玩,

我飲多兩杯又有咩所謂呢~之後走時,我同佢地講我唔得喇~

佢地竟然唔信wo...雖然我仲清醒,但我企唔穩丫麻大佬呀~

我一路飲,呀耀一路問我得唔得~haha~我仲頂得住既~

之後同呀耀傾左陣就返去喇~呀全同呀jan同我一架的士返上水~

vivan...ann同表姐夫一架的士返大埔...我係架的士度~真係好辛苦呀~

跟住我都死頂爛頂同佢地傾計~其實...我超想~haha~

之後都成功返到屋企~但一鎖完門就即刻衝入廁所...好辛苦呀~

今晚可能又出去飲喇~希望個胃頂得住啦~而家個頭都wingwing地~