哇.
唔知幾耐冇入過qooza- -"
因為我有左xg同fb..已經唔記得左有qooza既存在
今日一時興起所以入黎qooza打下野xd
呢排考試.v.超煩
Exam好辛苦..唉-__________-"
聽日考中文
..................................唔想考試!
好似好耐冇up過相啦喎..
其實唔係好似...根本就係xd
遲d啦

 唉..悶死人啦悶死人啦
點解呢個世界上會有功課呢樣野既存在...
究竟係邊個發明功課...
我唔想番學住呀...都冇好好地正式玩過下,,,
咁就過左個幾月...唔開心呀唔開心呀...
點解我要入2c...點解唔係入番2a..
得6個1a入2c..仲要得一個我係比較熟..
係比較!
唉唉唉唉...唔開心呀唔開心呀..

呢幾日見到新聞有工人連吊船係國金跌落去..
後來知道左原來係我scout既一個呀sir..
我知道左之後嚇左一大跳...
新聞仲要話佢重傷昏迷..
我今日就同左一個scout[cleo]去左瑪麗探佢
仲撞到佢個仔[都係scout]
好彩見佢都好精神..冇乜事..
多謝上天保佑...
見到佢個身有d腫腫地..
佢話大約1個月後就會出院...
XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
呢幾日好努力咁自學日文..
都學識左好多.
睇動話都易明左>v<好開心
呢排胃炎,,
又痾又嘔
又噁心喎
食野又冇胃口好唔舒服..
去左養和睇醫生
同佢講要藥水,佢叫我食藥丸!
我唔識食藥丸...佢又話我咁大個應該要學下食藥丸喎..
結果番到屋企對左粒藥丸成半個鐘先食到..
好恐怖呀..我以後都唔食藥丸呀

考完final之後,我發覺仲更加忙..
要inter-class competition
要係香港舞蹈團跳比賽舞
要考古箏既 lv3試
要rainbow connection...
仲忙過考試
再加上平時d practices
簡直想死呀~!
講起rainbow connection,,
我原本有個主角位
但係比個有姿勢冇實際既人搶走左
唔係話佢跳得唔好
只不過係佢向一個教跳舞既姐姐扮cute
之後個姐姐好中意佢
咁就比左個主角位佢...
好唔開心,見到佢扮哂冇野咁,
其實佢好驕傲.我唔甘心,仲爭d喊埋出黎
但係我唔可以咁容易喊
我唔可以輸比佢!
唔可以輸比d咁衰格既人!!!

又係溫書...
點解成日都係考試?
可唔可以搵一個學期唔考試?
成日話「 求學不是求分數」
咁係咪即係可以唔考試呀?!
又成日要補習,,
呀媽話想我成績好d,
咁咪即係求分數囉
我就話啦:求學?不!是求分數!
好慘= =
前一排比果隻羊個呀媽鬧,話未見過d咁厚面皮既女仔好,我忍你.又話我影響佢個仔d學業喎.好,我忍你.
我夠未見過d咁不可理喻,蠻不講理,咁唔知醜既呀媽,我幾時有無啦啦主動打比佢個仔丫?一係佢叫我打比佢,一係人地叫我打比佢,一係我幫人打比佢,一係佢自己打比我..個死變態亂講野不突止,仲要講比果個對我有偏見既scout madam聽.好,我忍你.之後個madam又話比個團長聽好,我忍你.之後又再打比我呀媽講比佢聽.好,我忍你.我呀媽都話佢痴線呀!
佢根本唔了解自己個仔,唔明佢既諗法,成日以為自己一定啱,仲一口咬定係我錯,唔比係佢自己搞錯架?都未查清楚件事亂咁鬧d無辜既人,乜唔覺得自己仲厚面皮咩?我忍唔到你啦!自以為是,不可理喻,蠻不講理,黑白不分,為非作歹,為所欲為,以偏概全,以怨報德,胡說八道,胡思亂想,胡言亂語,胡作非為,胡...唔講啦,呢d人講都冇用呀!!!哼!!!

 好似好耐冇上黎打blog lu...好多野要講~> v <"

前日係langston生日,都係第一次同佢傾電話既日子...- v -佢打比我先既...原本仲以為係呀媽打黎...聽左電話之後,發現唔係呀媽...但係覺得把聲好熟...諗諗下先知原來係佢...^^"

琴日係我個"細佬"生日..(係咪好搞笑呢..呀哥細佬既生日相差一日)因為要跳舞,所以淨係sd左sms比佢講生日快樂,都冇打比佢添...

我琴日去跳舞同人對nds既mario kart,我諗住我一定輸架啦,點知嬴到超哂班...同後面果個同我相差好遠....d fd 仲話我勁!圍住我地果班細路仲話:呢個姐姐好勁呀,,,- v -但係我d mario kart的確係勁左,下次同黃偉杰對機,一定要嬴佢!!!!

前日做jh個prject做到成4點先訓...點知番到學校,個死dora au竟然話佢講過唔可以用香港囉!我地都冇人聽到佢有講過唔比用香港,佢唔比我地present我地做左果個project不突只,仲要我地redo,又話我地因為遲交要扣分囉唔該!!!我地同佢講佢冇講到,佢死口唔認,仲要話:我冇理由冇講過囉,,,擺到明同我地作對囉,佢以為大肚就大哂牙?話係就係架拿?最憎呢d自以為是既人!!

唉,麻煩事都係唔好提啦...

呢排成日上上下堂見到有舊棉花係我面前飄過...原來木棉花已經開完...結左d棉花啦...好可愛~!

而家潮流又興番扭計骰,間間學校既學生都係度玩扭計骰,而我呢,淨係扭到一面,一層都玩唔到...有冇人識玩既可以教我玩呀??我想學下點玩,,見到人地玩得好勁囉!一分鐘都唔駛就扭哂三層,超勁!

今日又要去跳舞,去到就係度玩nds既超執刀,玩到chapter3既第二個operation,勁麻煩囉,點麻煩我就唔講啦,自己玩下就知架啦...

聽日要表演啦,希望我可以演出成功啦~不過表演完左又要學古箏,星期一又要補習,真係慘呀...

 今日係我地學校既foundress day,唔駛上堂...\(> v <)y番到去係hall度聽d廢話,之後人人都有免費雪糕食,仲要係Hargan-daz,(唔係年年既foundress day 都係食Hargan-daz架,我地好好采呀!)foundress day完左4樓同五樓有d攤位,我地係4樓周圍走玩左好多野,之後聽到有人話五樓有鬼屋,就諗都唔諗跑左上去...玩完之後走左出個班房,有個人走埋黎同我地三個講:'你地玩埋呢度就去5a 玩,我去接你地!'佢一口氣講完之後,tracy就話:'你係校車黎架?'跟住我地就係咁笑...我地玩完啱啱果個真係去左5a,原來係無聊野

 前幾日買左一大堆衫褲鞋襪,又買左條白色既belt,勁開心,好有滿足感呀~!

因為我地要做project,所以琴日要跟學校去參觀沙田果個文化博物館,小學已經去過一次架啦,又要再去多次...超悶囉,就快企係度都訓得著啦,不過我地成group人係咁影相,影左一大堆...都ok開心既...到我地番到學校既時候已經係五點幾lu,同左呀珍同琪琪去置富商場間m記食野...食食下野既時候,隔離抬果位「小姐」竟然比左佢包fries我地...仲話:我一個人食唔哂...我唔會亂咁請陌生人食野架,都要睇下係邊個啦...[聽完超無奈-,-唔知應該比咩反應]推左好多次,佢係都要比我地...冇計就惟有收左-________-"

今日同catherine佢地去左戲院睇3d既concert...都幾好聽既d歌...可惜我冇ipod,如果唔係就可以入歌黎聽啦

 琴日同今日去左喜靈州既camp...首先呢,我同女仔們食左m記,食完去左碼頭等齊人就出發lu...我地到左喜靈州之後,去左我地訓教既地方啦,王sir同我地講話我地係全香港首批入喜靈州既童軍...我地放低左行李之後去左一個動物園...果度有山羊架!超得意呀~!我地仲餵左佢地食草,雖然好臭,但係佢地咁得意,冇所謂啦~我地之後又去左BBQ做dinner,跟住去左釣魚,我釣左咁多次都係第一次釣到魚咋,仲要釣到三條,勁開心,女仔入面我釣得最多,果個死變態都係得兩條...我地番左房之後,madam叫我入佢地間房,我入左去之後,就比stella同joanna話左成粒鐘-,-隻羊同死變態都比佢地話囉...好煩呀佢地!!

到左第二日,我地係度玩水彈,分左兩team人,我果team我負責掟水彈,另外果team盧俊亨負責掟水彈,比果個死變態搞到我條褲前面濕哂囉,跟住果個game係咁既,每個人都有一個number,兩team人一字排開,leader放左個水彈係兩team人中間,leader會叫一個number,咁係果number既兩個人就出去差包剪鎚,蠃果個要攞起個水彈掟輸果個...我個number係7,而另外果team既number7竟然又係果個死變態,我差輸左...佢就即刻掟我...搞到我條褲前後左右全方位濕哂,真係多得你呀死變態!!

我玩完就要自己一個早走...因為我要番香港舞蹈團...-,-好慘呀