哇哇...我無啦啦多左個呀哥囉,就係正哥哥同朗哥哥啦...係咪好想知點解佢地會做左我呀哥呢?不過我都答唔到= =我都唔知點解佢地會變左我呀哥...

之前剪左頭髮,而家變左唔齊既齊陰,識我既見到我唔該唔好問長問短...-,-

丫,你地都應該唔知我有養寵物架啦,隻貓叫毛毛,隻倉鼠叫泡泡,係咪覺得d名好熟呢,係飛天小女警呀...至於點解會冇花花呢,係因為呀媽唔肯買隻龍貓或者狗比我= =下面有毛毛既相呀...大家睇下啦

 今日要番學做pbl既presentation,計考試分架,我地都練得七七八八lu.我地係度作最後衝刺既時候,有陣強風吹埋黎,見到係好遠既地方有張紙係度「飛」,我地三組既人就唔知做咩係咁笑...笑到肚都痛埋就快到我地present既時候,有個用英文講既annoucement話:現正懸掛8號風球,所有f.1的pbl presentation立即取消,請各同學離校回家.....我地個個都好唔開心,練左咁耐就等呢一刻,唉,又要搵個星期六專登番去present...真係麻煩

臨走既時候,琪琪佢地講起果條友,佢地同我講果條友話我好衰喎,係呀,我好衰架,大家記住唔好理我呢個衰人呀!!!!

我去到屋企門口落左車,一落車就已經淋到濕唒,變左落湯雞,有傘同冇傘冇分別可憐!

 喂喂~大家!好耐冇見啦...有冇掛住我呀?(講笑炸!)sor呀....之前我要common test,所以冇打到blog...而家完左common test,仲知道左d成績...都唔錯既....但係,winkie lam(我果班果個tb),竟然爆冷..3科高分過我!!!哼!

common test既最後一日,我同3個fd去行街...我地首先去左呀珍屋企,叫左KFC,食到頂住個肚...我地出發去左天后既蘋果商場,買左二百幾蚊野...之後我地番左去銅鑼灣行,竟然比我地見到侯靜宜(我地學校一個好多人都識既tb)同一個女仔拖住手一齊行!哇,好采佢唔認得我地姐...我地之後去影貼紙相...影完之後,我地其中兩個人(琪琪+gil gil)走左,淨番我同呀珍,我地去左東角,又撞到人...今次係winkie lam...我地見到佢既第一個反應係--走+避....咁就冇左一日= =

最近,我係我細佬同琪琪口中得知,我一個男既fd竟然忽然唔要佢一直鐘意既呀珍,走去搶佢個fd既女友...佢份人最鐘意口甜舌滑,個樣又唔係特別靚仔,(係我既字典入面,唔係特別靚仔=樣衰)成日都好似想show off咁,佢仲要話想比個true love kiss果個女仔,true love??true咩love吖,我就話佢想要個所謂既"女友"用黎show off之嘛,哼!我越黎越憎佢,好賤!果個女仔又係既,自己有男友,就唔好無端端應承果條cheap lay啦,仲要即甩langston(個女仔既舊男友)攪到佢好傷心,好慘...

好憎果兩條友!

 今日又係訓到一點幾先至起身...但係都仲覺得好眼訓..

一起身同一個童軍既fd煲粥...煲左個半鐘...佢介紹左隻game比我,叫做熱舞街,同勁舞差唔多,不過唔係online game-3-都幾好玩丫

係我玩玩下跳舞街既時候,部手提係咁震震震震震震震,震到跌左落地,都仲震緊...我冇理佢,繼續玩.玩完之後拾番部手提, {一個未接來電}我揭開望下..又係我細佬=3=打番比佢之後又煲粥...

哎..要熱跳舞街啦...聽日再講啦

 又係無無聊既一日...又係溫書同做功課....唉...命苦呀....

今日一點幾先起身....午飯淨係得一份三文治..搞到好肚餓

之前同我細佬(掛名細佬,其實佢大過我,無聊得濟認佢做我細佬)煲粥..由凌晨十二點傾到兩點鐘...我同佢講我驚甲曱,佢竟然話比我聽佢都驚甲曱!

我仲以為男仔唔會驚昆蟲既添!睇黎我要改下我既諗法啦

男仔都可以係膽小鬼!

最近我受我一個friend既影響,竟然愛上左棒棒堂既王子...真係覺得佢越睇越靚仔!我想見下佢真人呀~~~

呢幾日病病地...有d傷風咳...前幾日去ocean park,係架巴士度係咁咳咳咳咳咳咳咳,d人就啤住我,搞到好似比人歧視咁...不過咁又唔怪得人地既,呢排流感勁丫嘛...大家都要小心身體呀...

唉......就快放完假,之後番學番多幾日又要common test,諗起都覺得煩,成個假期都冇乜點玩過...唔係做功課就係溫書,悶到就快心臟病發.... 

呢幾日要番香港舞蹈團排舞,由1:00跳到6:00...就快跳死我啦,日日咁跳法,搞到隻腳好痛...好慘呀

最近成日睇書,睇青桐社叛逆歲月,又睇山邊飛躍青春系列d書,越睇越開心,忽然興起,想作書!我呢個作書大計正在進行中,作緊一半...唔知係咪真係作到呢?要加油努力啦...