今日係星期一,放多一個禮拜假就番學喇!今日都係差唔多時間起身,食完飯就打咗一陣電腦...

5:15約咗一個朋友,去咗旺角睇衫同埋褲,但係我同Ivan傾到唔知時候,最後又係遲到,我真係好對佢唔住呀!唔好嬲喇...

我一路行傾咗好多以前ga嘢!真係好開心呀!!我睇啱咗一條褲同埋好多件衫,但係都係諗住吓次再去先買,有d鋪頭都無開,行咗一陣就走咗lu...都冇乜特咋

番到屋企仲有最後ga一場煙花睇,但係都唔係好吸引我咋喎!以前睇得好清楚架,但係宜加比d樓'咗住'哂,所以唔係睇得好清楚...唔知點解仲有咁多人咁鍾意迫係尖沙咀到睇煙花架...

雖然唔係第一張製成品,但係係第一張post出嚟ga作品,唔知你哋覺得點呢?

雖然今日係年初一,但係我都係12:30先起身...一起身就開電腦聽歌...then食飯,就去咗婆婆到喇!

去到婆婆到,姨媽佢哋仲未嚟...但係我一見到婆婆就好好笑喇!婆婆講潮州話,得媽咪,姨媽同埋舅父先識聽,婆婆講得好好笑,同埋佢個樣都好可愛呀!我真係越嚟越鍾意婆婆喇!

但係亦都好悶,我真係寧願留係屋企玩電腦,舅父又成日問埋人哋d超難答ga問題...我表哥只不過係大我三日,一見到舅父又成日用lee個嚟做話題,搞到我唔知點答佢好呀!表哥同我讀埋同一級,舅父又話,如果你哋讀埋同一間學校,係學校見到會點呢?佢咁問又搞到我唔知點答佢好呀!

食飯個陣,個個都食哂,得番婆婆一個未食完,但係到到最後佢都係食唔唒佢碗飯,但係仲剩番好多雞,我only話食隻雞腿,姨媽就將有肉ga雞都比哂我,又係搞到我唔知點好....唉!我實肥死喇!

都唔知點解舅父咁鍾意將我同表哥嚟比架....佢又係好鍾意我同佢比高度架,同表妹比完,又同我比!

講番琴晚喇!樂天真係好活躍呀....整爛咗我ga一份生日禮物,佢整爛咗我都未鬧佢,佢吖爸就好惡咁講,樂天你搞咩呀?唔準再搞?....then樂天個無奈樣又出嚟喇!真係笑死我喇,搞到我嬲ga感覺都冇哂呀!但係見到樂天比人鬧個樣真係好可憐呀,所以樂天好鍾意我媽咪抱架,因為媽咪唔鬧佢吖ma...

我仲學緊整閃字吖...希望快d整多d靚嘢喇!!

今日係星期六,成12點半先起身,真係好懷念以往有人morning call ga日子呀!唔知...

一起身就出咗去食嘢!今日又係我自己一個人食嘢喇!我真係好憎自己一個去食嘢!食完嘢,就幫媽咪買禮物,then就番屋企喇!

係行番屋企ga路上,我直係到諗嘢,諗得好入神,跟住要過一條無紅綠燈ga馬路,個到好少人,可以話係冇人行架...我過緊個條馬路個陣,我冇留意有冇車,點知有架巴士駛緊埋嚟,差d撞到我,可以話係差1-2cm架咋,我從來未試過咁近望一架巴士架!真係嚇死我喇,但係個師機又唔響"安"喎!

番到屋企,一路寫信比穎怡,一路唱歌...寫咗一個鐘到,就去咗沖涼...今晚個餐好豐富呀,家姐又可能上嚟食飯,我諗好內都冇試過咁多人係我屋企食嘢喇!聽日又要去婆婆到...唉!又比媽咪爆哂我d瘀嘢出嚟架喇!都唔知點解d大人咁鍾意講自己d仔女ga嘢ga,仲要係衰嘢添呀!

今晚又有頒獎禮喇!好緊張呀!我特登唔聽收音機架,希望Janice又係攞金獎喇!我實支持佢架....^^"
古巨基ga一首國語歌:
好想好想
好想好想和你在一起  和你一起數天上的星星
收集春天的細雨
好想好想和你在一起  聽你訴說古老的故事
細數你眼中的情意
好想好想和你在一起  並肩看天邊的落日
並肩聽林間的鳥語
好想  好想  好想  好想  好想好想和你在一起
踏遍萬水千山  走遍海角天涯  讓每一個日子
都串連成我們最美麗  最美麗的回憶

今日係星期五,係放新年假ga第一日,好多人都番咗大陸呀!都冇乜人online...

今日成12點幾先起,琴晚諗住唔瞓架喇,但係比人強迫之下,先瞓咋!我又諗起有一次,夜晚我好想佢陪我,而個陣都好夜喇,我係msn同佢傾計,我哋傾到5點幾,就嚟天光,但係比我媽咪發現咗,所以我唯有話我眼瞓,要去瞓喇!個晚我真係傾得好開心呀,真係好唔想瞓添呀!但係可能佢都可能都好眼瞓,係為咗陪我傾,所以...佢真係好好人呀!

lunch去咗家姐到,買咗m記上去食,樂天成日都要食,佢真係好好笑呀!都冇乜特別吖...

未試過失去,是不會珍惜的.                          愛你的笑,愛你的話語,愛你的心,愛你的所有

當嘗試過失戀,亦嘗試過熱戀.                       你快樂所以我快樂,你傷心所以我傷心

也許相愛很難,但也盡力去投入                     愛是一種挑戰,要誇越所有障礙,才永遠在一起

從未試過失去你的滋味,也未試過擁有你的滋味  你是我的唯一,也是她的唯一...

有過你,因你愛過我;失去你,因你放棄我           和你一起很自由,很有安全感

曾嘗試忘掉你的所有,卻越來越深刻...             你與她相好,我會妒忌;你與她吵架,我會擔心

很享往與你一起的日子,即使失去了,也是我每日飯後的甜品,永遠留在我心�堛熔`處....