人生就係一條路，即使係偉人都會有迷路，唔知點做既一日，而我迷路就係正常之極既事。人到左某一個年齡，就要開始獨立，有好多既野都要由自己決定。
　　今朝成１１點先至起身，之後開ｉｃｑ同某人傾左一陣，我一直都覺得自己今次既考試考得差個上次好多，原來只係個份卷難左，同呢位小姐傾完之後，原來我都考得幾好，但係我就因而迷路。我一直念住今次考得好差，是是但但考到入文科就算，但係依家我估到自己大約考到５∼６０名，唔上唔落，我文理其實都唔係差好多，我真係唔知點算好，但係我又覺得理科出身會好ｄ，都唔知邊科先好．．．．．．
　　打日記個陣得我自己一個係屋企，突然後面既大門比風吹開左，比佢嚇死．．．．

　　有幾日冇寫到日記，原因都無他既，只不過係星期六係海洋公園玩得太累所以冇寫到，之後就咁多日唔寫，唉∼∼
　　今朝一早就起身玩象棋，戰績都唔錯，跟住本身會同衛佢地打牌，點知有人上左佢屋企，所以我就同何捉棋，點知輸左．．．．．．

　　我今朝起身就自己燒水食杯面．．．．．．．跟住就打機啦∼打變形俠醫∼超好笑∼可以捉個人，跟住走上ｄ高樓大廈到，ｄ人會係咁叫ｏｈ！ｍｙ　ｇｏｄ∼笑死我呀

　　我今朝又要同屋企人去飲茶，飲完之後佢地去泰國玩，冇人理∼正。之後我係度執書包啦∼無啦啦走份ｍａｔｈｓ閱讀走黎∼我都唔記得左佢∼正仆街黎嫁∼∼∼∼∼∼∼

　　今朝一早比老豆叫我同呀媽出鋪頭拜神，話我行好運，等佢好ｄ野做，不過我都唔係好信呢ｄ野，所以死都唔肯去，留係屋企做功課。做落先知原來唔係好多∼∼好彩∼