今日上英文堂個陣，無啦啦有個測驗，我唔好話溫，連睇都冇，得個２３分，最好笑係３４坤無啦啦比尹志安睇佢份卷，之後比ｍｉｓｓ見到，佢竟然話佢同尹交換，唔知佢係唔係溫書溫到傻左呢？個個都高過我，無計啦∼我最差就係英文．．．．．．．之後就做ｄｉｓｃｕｓｓｉｏｎ，我出奇地係我個組到有最高分∼７+，衛同武者都有７分，本身既大熱門波子得７-，佢出都去咩都唔講∼．∼冇人幫到佢．．．．．．
　　之後上音樂堂，我好後悔點解我唔唱你怎麼捨得我難過，走去唱憑著愛（一日都係衛唔幫我伴奏唔好，唔係我既問題），搞到唱得鬼死咁難聽．．．．．．．
　　唉∼要開始溫書啦，聽日就要考試啦∼好緊張∼唔知我會唔會步方天後塵呢？

　　今朝７點起身開著左部電視睇下新聞，一開就見到得１５度，我估都唔係好凍，所以我就只係著左２件杉就出左門口。但係番學校個陣，一ｄ風都冇，一ｄ都唔凍，都唔知點解ｄ人，仲要著５件杉咁多，有病？？
　　唉∼我今日又要當值，非常之慘，要係到食風，得自己一個係度行，無奈．．．．．．但係到左下一個學期，我就可以有更好既待遇啦∼！
　　今日放左學之後，竟然要留係度做ｍａｔｈｓ測驗，做左大約一個鐘到，就已經到左５點，我今日唔知點解好想踼波，於是仲有３題未做就交左比呀ｓｉｒ，同班同學去踼波。
　　我地去完５人場之後，點知個度又有人，所以去左７人場跟隊。果度ｄ人真係好勁，佢地有一次進攻個陣，有條友超高速咁衝過黎，於是我一個箭步去左佢前方，想出腳踼走佢個波，點知佢介加速，我怕佢仆係度所以就手下留情，點知比佢射入左∼．∼我一句∼仆ｘ∼快要出口，我就想起ｐ．ｅ．堂阿ｓｉｒ話講粗口會紅牌，於是我就硬收番入去－．－。
　　之後有一次人地開波，條友超勁，個波有如子彈般飛過，但係佢明知冇可能入都用頭頂個波出界．．．．．．．仲勇個神鷹．．．．．．．仲有一次我地開死球時，神鷹無啦啦帶個波出黎，之後無啦啦唔帶走開去，叫我一聲話比我，當我知道發生咩事既時候已經遲左，人地已經去左我地中間帶左個波走，原來佢地係冇咩人知道個陣已經開左波（連我都唔知）。有一次我地全力反攻個陣，我地４∼５個人走左出去，點知個波比人搶左，最後蜜蜂大俠比４個人圍．．．．．．．
　　今次踼波雖然係幾好笑，但係成場人地都係玩玩下咁，所以有ｄ唔開心，不過技不如人冇辦法啦∼！
　　番歸之後，我覺得好熱，所以只係著一件短袖，但係沖完涼又覺得凍，要著外套，唔通咁快天氣又凍番？？

　　今朝番到學校有ｄ擔心，因為我仲未做完我既ｂｉｏ作業．．．．．．好後悔，原來係咁易做∼．∼
　　今日上英文堂果陣有果ｄｉｓｃｕｓｓｉｏｎ，我地果組仲係度講緊邊個開頭，佢已經夠鍾落堂，好無奈，要聽日先有得做∼．∼
　　午膳個陣，衛君係都要我陪佢去２樓當值，落到２樓之後，我地見到有人係到送生日蛋糕∼有ｄ不可思意。之後出現左１個身形龐大既人物，佢同衛講我今日等左你好耐啦∼！次後佢二話不說就同衛來一個熊抱，再用雙練掌攻擊衛既胸部，衛就大叫∼強姦呀∼，原振俠我睇到都要洗睇啦∼邊得閒救佢呀∼我一個箭步飛奔番去課室，下文我就唔知河∼！事後衛話佢係大床木子，所以我走係對既，萬一連我都失身既話點算呀。
　　放左學之後，明明話要說話訓練嫁，女黑俠木蘭花無啦啦又話要遲ｄ先．．．．．．．．．．．．超無奈∼準備左既野都冇得用．．．．．．．．．
　　最後放左學黃堂冇交中史作業，於是佢舌戰木蘭花，最後不敵比人罵，但係唔駛記名．．．．．．知道我都唔交住啦∼

　　今日又係冇咩好講既一日，上電腦堂個陣，林ｓｉｒ話要測試，驚鬼死我呀，我明明係電腦白痴黎嫁嗎。點知條友派左卷之後，我１０條有９條都唔識，但係佢跟手派埋答案，呢ｄ點叫測驗呀，真係比佢玩死。
　　次後係食飯個陣，條仆街戈壁又先食左一半飯，之後走去當值，番黎再食，都唔知佢係ｄ咩人，唔知佢係唔係傳說中既３０００年死屍呢？？
　　之後就輪到我做最唔鍾意既野．．．．．當值∼∼∼∼∼∼∼冇命寫落去啦∼！今日收筆於此

　　一切都完結了，唔單只０５年，假期都完左。今日我７點先起身番學，唔知點解我覺得今日既心情好好，好有可能係因為我已經唔駛再過一ｄ悶到發傻既期假。
　　今日番到學校，ｄ位唔同哂呀∼超正，唔駛再同恆仔坐，可以自己一個坐，不過上堂個陣點睇書，點偷做功課呢，一切都係一個迷，仲見番ｄ好朋友∼正∼！
　　上音樂堂個測驗，衛斯理第一個登場，佢仲話要唱愛情陷阱，但係最後都唱左良師，一切既期待都冇哂．．．．．．．．好無奈。
　　之後上化學堂，悶得濟差ｄ走左去搵周公．．．．．．．
　　放左學之後，我想再去偷波子錢，不過得三千幾，所以偷其他人，點知２次都唔得
　　不過成日加埋都幾開心。