我今日都係冇咩做，都係溫書．．．．．．．

我從開始寫日記到依家，我都未寫過隔夜日記，不過尋日既野都幾精彩，所以我先肯寫番。
尋日我一早起身我就覺得凍左，不過都唔係好凍，於是我就同平時一樣咁番學，今日考既係電腦，係我成日都唔合格既一科，不過我都係睇左一次就算，因為好多野都係講天份，唔係你肯就得既。考試個陣都唔係好難，不過對我黎講合格都應該冇咩問題。我地考完之後本身係立刻考埋中說之後去踢波，不過因為中二要考ｒｅａｄｅｒ，所以要等成個鍾先開始。於是衛同武者就上左我屋企打陣機啦∼！原本我對佢地既信心都幾大嫁，點知佢２個玩ｇｕｎｄａｍ　ｓｅｅｄ第一機就有一死，仲屎個我自己一個打，極度無奈。番左學校中說，有好多人都超賤格，中說個陣係度講笑，咩小輝，野戰呀，超淫賤∼！
中說之後我地去左踢波啦，我地首先有７個人同１０個到既小夥子踢。實話實說，佢地超廢，係我前面玩腳法，玩玩下去左自己後面都有，唔得就好心佢唔好法啦∼仲要係我面前玩，笑死我啦∼！唔駛一陣我地就入左佢一球，之後後面ｄ人都上埋黎玩，因為佢地係後面冇野做．．．．．．．之後我地同班靚仔慢慢玩啦，我都唔係好想阻佢個我，因為佢地其在太廢啦∼要留番ｄ自尊比人，跟住有２次我尊登比佢過，跟住條友仔仲連過２個，真係唔知佢好彩呀定係．．．．．．
之後我地去左５人場踢，某ｄ人好撚賤格，又唔係有料，之不過係佢地好彩有歐明師同蜜蜂係度，加上向風位同落不利我地進攻同防守，佢地先有咁勁。佢地入左幾球又係度勁講我地廢，又唔想下自己個ｄ賤招，又渣波呀，批人心口呀，連我都差ｄ小命不保呀。佢地成日講自己有幾勁，老實講，我係唔夠快同因為落雨先唔夠佢黎，佢ｄ動作好多都冇咩必要，仲比機會人拿佢個波．．．．．．．我其實打邊個位都係冇咩問題，不過由依家起，我要努力做好後衛，因為封人地位先係我既強項。因為落雨，我地成班都早走左．．．．．．．．．．
晚上我走左九龍個邊同老豆ｄ伙記食年飯，番到黎已經好夜，所以第２日先寫日記。

　　今朝我專登早ｄ起身溫生物，點知我努力溫個ｄ佢又唔出，冇咩點溫個ｄ佢又出到足哂，比佢玩撚死。
　　後左學之後我就同班友仔去踢波，點知我尋日病完體力大不如前，唔駛一陣就冇氣跑，跟住仲比人話我成日都唔肯追個波　＞．＜。次後超搞野，衛斯理踏波車，跟住仲波及余仔，２條友仆左係度．．．．．．．

　　尋晚成晚都胃痛到訓唔著，好難得先等到６點幾起身，之後我就去番學。點知我就痛到冇心機做，而且２份卷都係我上次考得最差既，今次真係死硬啦∼！
　　一放學我就番左屋企坐，點知坐到個胃痛到去個心到。原來係胃酸攻心，真係比佢玩死．．．．．．不過飲左盒牛奶依家就好左好多，希望聽日可以踢波啦∼！

　　今日係痛苦既一日，考試有好撚多唔識，中作同地理皆是。考地理個陣唔記得拿紅筆出黎，冇左２分，慘。
　　番到屋企溫中史，只不過係細心咁睇左一次書，就冇左一個鍾，又要溫書啦∼今日收筆於此。