今日要默書，我初初都仲有ｄ唔識，不過溫溫下就唔成問題啦∼∼今日要上禮堂做崇拜，不過轉左做頒獎，我地班都有幾位同學有分，當然包括波子啦∼佢拿歷史，唔知佢係唔係好緊張呢，面都好哂∼．∼個樣好撚怪。之後我食完飯就拿本原振俠既魂飛魄散出黎睇啦∼個封面都幾淫下，衛仲話係今日默書之中既一句，兒含乳啼∼比佢玩死∼．∼
　　上英文堂個陣，ｍｉｓｓ話遲ｄ有個選科討論，之前唔記得左講我想入理科，於是後學就去搵呀ｓｉｒ改啦∼點知佢又唔係度，要聽日再搵過佢∼真係陰公∼！

　　昨日個網站要升級，所以冇打到日記，只好今日打番。尋日我８點３先起身，去到７人埸個陣，仲差少少先到９點，我以經見到武者，佢又係最早既一個。我同佢係到睇人地學校係度打波，等左一陣，我地走起叫班友仔一齊玩，點知佢地唔肯，仲串到仆街。等齊人之後，我地去５人場踢波，係個度我地分左３隊黎踢，之後有個阿伯又黎左，佢話我地踢呾耐一球都未入過，不如唔好踢波，去渣波，唉∼∼過左一陣，佢又走入黎叫我地睇佢表現，低能嫁∼最後我當然踢ｗｉｎ左啦∼好正常。
　　之後畢∼武同衛又上左我屋企打機∼又係玩ｇｕｎｄｏｍ∼幾好玩呀∼當然又係我ｗｉｎ哂啦∼仲洗講哈哈哈∼∼一直打到３點，大家都好餓，落左去食ｍ∼．∼點知又唔記得羅杉，凍到飛街∼∼∼∼∼

　　今日終於重新執筆打日記啦∼！今日係家長日，大約十點三左右，我同媽媽一齊去到學校，一去到就入得去見啦∼！成個過程我都好無奈，２個老師加埋呀媽一齊轟炸我，狂話我普通話唔合格，係屋企自己又唔敢講，我根本就唔識講，點樣係屋企講呀∼跟住又係咁講我上堂有唔識又唔問，頂∼我都冇唔識，點問呀∼我上堂都可以做定ｄ功課啦∼點樣唔識∼冇唔識又點樣問呀∼廢話∼真係令我十分之無奈，之後又係咁講升學ｄ野．．．．．．一直如此，每當講到我既時候，我都只好點頭或以啍來作一個回應∼∼一陣講多錯多，再來多一次攻勢既話，我真係唔方唔仆街。
　　番到屋企之後就一定係打番陣機先啦∼我終於用到ｋｏｎｇ　ｋｏｎｇ，隻大猩猩超勁，一隻大戰２隻霸王龍都得，ｄ細細隻既仲一下打到佢地飛街∼．∼
　　係我開ｉｃｑ個陣，某人同我講唔好玩啦∼我一時錯愕，唔知發生左ｄ咩事，但係唔駛一陣，我終於記得原來係２條仆街上我屋企亂咁係我ｉｃｑ度同ｄ女仔講ｉ　ｌｏｖｅ　ｙｏｕ，真係比２條仆街吹叉漲，我只好同佢解釋啦∼．∼之後某人又問我昨天發生咩事，頂∼條仆街唔係同佢講番清楚咩，我只好再解釋多一次。佢又同我講佢話佢一見到個陣好無奈，仲話莫同學見到個陣以為我講真，都係十分之無奈，真係比林樹仁條死仆街吹撚漲。

　　今日第一日用新書包番學，番到學校都冇咩野好做∼．∼今日又要當值啦∼唉∼．∼
上ｍａｔｈｓ堂個陣呀ｓｉｒ畫左一個倒轉既三角形，之後我就問波子似唔似一條三角底，點知比佢聽到 仲笑得咁大聲，都唔知佢係唔係有問題∼．∼

　　見到呢一個題目就唔好想埋一邊
　　我個書包爛左∼所以我今朝就同媽媽食早餐啦∼我見佢送個書包比我，我就請佢食早餐（我就來真係一個乖仔黎嫁）之後就去圖書館借書啦∼點知借左３本都係用裸女做封面∼．∼