今日都幾涼下......

朝頭早比我可以瞓到成十點~~

之後去補k.ko, 超趕!!! 不過都overrun幾耐下...... 其一ko sir over啦~~ 之後個助教又多野講, 唉.......

返到屋企睇埋pop jam, hyde超型!!!! 不過佢髮型好似有少少唔同~~ 好似冇禁碎~~

之後又要出街, 去買野~~拎到我嘔~~

返到屋企又feel到好凍......

睇左k ko本野, o曬~~

成日都響到聽hyde~ 比我睇報紙果時睇到本書叫Dr Jekyll and Mr Hyde, 有少少興趣睇, 因為本書係講個Dr成日都玩個Mr~ 好似幾過癮禁~~

好想又睇鬥魚~~

season's call暫時止住左跌勢~~

今日真係暖d~~ 不過隻手都係有段時間好凍~~

今日搞謝師宴果d同學唔知搞咩, 不過到而家都唔知佢地想點= =

成日上堂都幾無聊~~ 不過教曬書, 冇計~~

原來唔覺唔覺, 得番唔夠5日就last day~~時間過得真快~~

中文背默....不過我冇背曬~~ >w<希望合格~~

maths依然係最多gag ge一堂~~ 不過2進制同16進制真係幾易, 淨係係禁禁機~~

週會係辯論比賽, 諗起舊年我上去常識問答比賽~~ 真係唔知點解~~ 不過今年我冇得睇啦~~唉.....

放左學鼓起勇氣去約呀英食飯, 不過可惜佢要下星期三先得閒, 不過我預左~~

之前去補習, 超眼瞓~~ 不過個助教似係眼瞓過我囉~~ 係禁響到釣魚~~ 我記得佢上次係禁響到唔知睇咩, 將份note舉到勁高~~唉.....

睇埋八大豪俠, 終於大結局, 唔洗追~~

好似好多野未做, 不過唔係幾想做~~唉......

hyde又跌一級, 唉........停呀唔該!!!!

HIGH and MIGHTY COLOR真係好厲害!!! 原來佢地跟住會out果隻album ge其中一首歌"罪"係霍元甲響日本ge主題曲~~ 不過宣傳片未係用佢地首歌~~ 不過講真, jay chow果首好聽d~~ 應該話係match d~~

今日好凍!! 不過冇琴日禁凍~~聽日應該暖少少~~

一出左門口就發覺冇帶手冊& maths classwork~~ 以為今日一定好黑仔~~

一朝早就早讀, 冇乜心機睇~~ 因為econ溫得唔熟~~

第一堂已經空堂, 不過我未做wp, 唔做唔得, 不過都係做先acc先做wp~~[估唔到抄功課係禁爽~~]

之後上堂一直都冇乜心機~~ 係呀英堂果時醒少少~~ 呀英堂果時爆左好多gag~~

我地係禁請呀英去謝師宴, 結果我雖然一早估到, 不過依然想作出最後努力~~ gag來了~~ 呀英話講番書, 就一下問m生, "m弟, 則點解呀??"(果時教緊始得西山宴遊記~~文言文啊~~)m生第一下就講"側田"~ 之後呀英講左幾句野之後, 爆左句野"其實果個側田邊到"捐"出黎??"即時有人講"如果冇估錯應該係佢呀媽個肚~~"XD之後d人又講咩側英, 好多側乜側乜, 最後亦係最好笑係"側羅"~~XDDDDDDDD

lunch果時昅區區昅左一個lunch, 不過佢好似唔知~~

英文堂果時男班長比人用佢條頸巾包住個頭, 好好笑~~

放左學就"ha"多陣先返歸~~ 返到去就開腦, 睇last quater~~[真係幾悶, 我差唔多淨係有hyde ge部分~]之後去左oricon睇野, 見到yuna ito, 睇埋佢條片, 講英文多過日文~~ 第一日就第4~~ 瞳小姐亦都出左album, 第8, 兩位都okay啦~~不過到左今日兩位都跌左一位~~ hyde就再跌一位, 16名~~

就這樣~~

早幾日呢到個唔知咩up grade緊~~ 搞到我三日打埋一日~~

原來好多野我都唔記得左~~

比我搵到個好正ge網, 好多live show可以down~~正!!!!

睇埋成集ge ms同mf~~ hyde真係好鬼死cool!!! 睇ms果時最覺!!

比區區話我中左hyde毒~~ 我諗我係.......

我真係要考完會考去學日文!!

聽日好多新碟會出, 又要睇啦~~

hyde keep左幾日top3, 終於跌落第5, 星期三重係14 tm~~不過weekly可以第1, 好好嫁啦~~ 73669張呀~~ t.m.果時第一係14萬幾張~~ 差距真大!!! mika第8, 冇乜感覺~~

我係唔係真係禁忙, 兩日先打一次~~

講左星期六先~~

一早返學校補課~~b班果幾個差唔多全部冇番~~ 不過家寶響之前果晚同我講左, 預左~~

補課果時做paper~~ 我成日都好興奮, 差d想大叫~~ 忍得勁辛苦!!

之後去補k.ko~~補補下傻笑~~因為羅賽同我講ge野~~

補完習, 食埋lunch~~ 就去左攞我隻season's call~~ kind左!!!

返到屋企就係禁聽season's call啦~~ 全層都差唔多聽到~~

我攞左single, 返屋企一上網, 佢同我講話佢4月16號出album~~ 冇病呀?! 不過我諗我會買ge~~ 反正禁"q"有$$~~

夜晚都幾涼下....

區區話佢地個english課程某d淺我地好多~~ 不過有d就難d~~ 話淨考vocab多唔多, 夠唔夠~~ 不過我覺得禁樣考法唔係禁好~~

season's call依然係第2, 希望唔跌得禁快~~

星期日啦~~

一早起身就睇ms~~ hyde勁型!!! 不過好似唱得幾辛苦下...唔知係唔係因為首歌難唱, 定係好似區區話頭, 佢飲酒飲得多, 搞成禁~~

之後重比我睇埋mika同music fighter~~ 多麼happy & 興奮ge早上!!

諗緊幾時去訂hyde隻album - faith~~

yuna ito首新歌faith[又係faith= =]唔錯~~

今日補英文, 計下計下, regular差唔多補曬~~ 屋企可以輕鬆d啦~~

區區佢.......^^區區妳放心啦~~我講過ge野我會做到ge!!!!

season's call又跌啦~~ 第3呀而家~~T.T   cry no more而家響第11 tm~~ 看來人們都是like nana ge mika多d~~ 雖則我都係~~

我又兩日打埋一日啦~~ 我真懶!!

@23.Feb.2006~~睇左oricon, hyde san兩日第一啦~~ >w< w-inds, mika都冇變,依然係第4同第7~~ mika真係唔抵!!! T_T

改英文作文改左我差唔多成個鐘, 搞到我冇時間溫中文~~ 好驚唔掂!!!

星期五有兩個live show有hyde, 有排搵啦~~ 唉.....

睇左mika響countdown tv果個live~~ 又係有人和音, 頭髮又"長"番~~ 我始終都係like NANA feel ge mika~~

好似呢期好少諗到t.m.~~ 不過冇計啦, 佢淨係掛住佢個tour, 男子限定, 點會有得睇~~ 唉.......

@24.Feb.2006~~睇左oricon, hyde唔係第一啦~~ 跌左落第二......唉....T.T 不過mika同w-inds一齊跌一級~~

中文quiz, 份卷好長, 有成十分冇做到~~ 唉.......

今日做sir鬧我地班, 我覺得佢鬧得好有道理, 不過未必個個都禁諗~~

聽講話愛殺17好好睇~~ down緊.....

搵到好多令令hyde圖, 正!!!!

唔知點解成日都冇乜心機~~

琴日去左沖擊sony japan果到, 點都睇唔到hyde同mika條片, 氣死我!!!!

聽左season's call不下五十次, 一日之內呀~~

copy左成堆圖, 未得閒cut~~ 唉.....

睇到靜個msn icon, 嚇到我死~~

我地班個board有呀英有漫畫版, cute暈!! 不過呀英叫拆, 我諗我地班應該冇人會理佢~~ 不過區區話想同"佢"影相~~ 雖則我而家係用緊黎做wallpaper~~

差唔多九點上oricon, 諗住睇下有hyde個interview未, 點知........

我一上就見single單日銷量top3, 第3宇多田, 第2倖田未來[前t.m.女友~~], 第1.........HYDE - SEASON'S CALL~~差d大叫!!! 我以為唔可以一上就no.1, 因為有mika, 宇多田, w-inds在.....但係真係好驚喜!!! hyde san, 加油啊!!!! 順手報埋, 第4w-inds, mika就響第7.....

而家有d想留長, 之後剪到好似hyde san禁~~ 唔知會點呢???

講番hyde個interview~~ 果到有張圖, 係新發出黎ge~~ 超令仔!! 遲d cut左之後就upload上黎~~

所有hyde網站熱烈賀hyde登oricon第1=口=

聽日測acc, 唉.......溫極都唔入腦~~

呢幾日ge, 一次過打曬~~

星期6&日都要補習, 真係好攰~~

essay補到尾二, 太好了~~

星期日補eng, 抄到我想死~~~

星期日果日係禁搵hyde ge野~~ 比我搵到幾張wallpaper~~ yeah~~~ ^_^

星期一唔洗返學, 出左mk~~

同靜出左mk, 佢著到勁女仔~~ 相比我......唉.........

我同佢去左旺中, 之後去左朗豪, 之後又番去旺中, 之後去信和, 又番去旺中~~

我響miji買野差4蚊就50蚊, 我buget係50蚊, why???

響信和buy左四隻cd, 兩隻laruku, 一隻瞳小姐, 一隻HandMC~~

我居然響旺中buy左件衫, 我自己都估唔到~~~ 

今朝一起身就覺得好凍~~

一早就派左econ quiz, 3尾, 唔多滿意!!! 不過有d錯得好低b~~ 諗就諗累退, 點知寫左比例, 真係勁低b~~ ce果時禁錯就死囉~~

我終於了解遲到理論啦~~ 冇計啦~~ 我差唔多有八年返學冇遲過到啦~~

maths係禁做past paper, 做到有少少煩~~ 不過好過響到聽老鄧吹水~~ 如果唔係我一定瞓著得更快~~

午食飯果時, d風係禁對住對腳黎吹, 冷到不得了~~ 不過講真, 真係唔算係特別凍~~

上英文堂果時唔知點解好精神, acc都係~~ 不過放學就好眼瞓~~

上補中文~~ 講竹林講左半個鐘~~佩服!!! 不過上到得番四個字左右果時我已經係瞓左八成半, 好攰...........

好想買junon [唔知係唔係禁串= =] 考慮中......

今日個星期淨到30蚊, happy!!!!

下個星期我開始發癲啦~~ 勁多hyde san ge live~~ 有排搵~~

剛剛睇左下集music station有邊個 [晨早知有hyde~~ >o<] 點知.......hyde同mika同場.....唔知ms會玩咩呢~~

		CRY NO MORE				中島美嘉
		SEASONS CALL				HYDE

我又懶啦~~ 又兩日打埋一日啦~~

maths要補課~~ 附近好多人都kind左, 就隔離果度牛已經kind左~~ 重要kind得好"混秦"~~

試左果d"老"面~~ 唔錯~~ 都幾平, 唔錯!!

亞sir話掉位, 重有十幾日重掉, 好似有d煩~~

睇左好多集keroro~~ 發覺唔淨係得gundam源素~~

今日見到大頭, 好想打爆佢!!

今日p.e.堂考跳舞, 好好玩~~

之後返課室, 4a重響到~~之後就有人諗到d好野玩~~ 4a同呀英講再見, 我地跟住叫~~ 超好玩!!! 入左課室, 有d繼續玩呀英~~ 好好笑!!!

禁玩法, last day都唔會玩乜~~