唔知係唔係深受日本文化影響, 唔鐘意用con, 鐘意用live~~希望會明啦~~

5點半整埋電話d野去左市中心, 搵埋靜靜一齊have dinner~~ 食kfc, 印象中好似冇食過....香港將速食文化發揚光大真好~~

6點半就上到960, 7點就過左海= ='''超快= =''''

一落車即去搵toliet~~ 好急好急...

地圖真係昆人, 睇落鬼死禁遠, 實質好近....= ='''一陣就行到去壽臣~~

去到門口見到有張Zarahn, 冇影到...之後行入門口去就見到好多punk仔女...

之後大堂果到, 真係有goods賣...有T-shirt[有兩款,一黑一白, 一個有Zarahn個"校徽", 一個係唔記得左...^^''']有80蚊一隻ge CD[當然係十二優啦~]重有10蚊一張, 隨機有簽名ge海報~~

我買左CD+POSTER[本身係諗住去到先買...]poster有冇簽名...容後再說~~

原來我地係坐樓上...

等到差唔多8點先有得入= ='''同靜靜係禁響到吹水...

我今次呢個位真係簡得唔錯!!好中中間呀~~><

坐低左就見到有個芒...係show左Zarahn個"校徽"~~閃左3次, 會放大左右旭..之後又會好似兩條行禁轉黎轉去...


3次之後就見到後面d人影...endy hi台下d飯呀~~><

聽到OP, 真係比我估中, 真係用"舉"呀...

佢地5個都好型!! endy果句"企起身"好man啊~~

goro[Zarahn guitar]個髮型我覺得好似Kaz響Countdown果期呀...
仔細睇真係好似..= ='''呢個係傳說中HYDE BAND ge Kaz...

我原來一直以黎都可能係錯, bass唔係企左手邊, 右手邊...但係點解tetsu企左邊ge??

第一眼見到joey[Zarahn bass]唔知點解諗起tetsu= ='''[睇Zarahn就咪諗laruku啦~~雖然endy會聽hyde姐, 但係妳五行欠打呀...]

舉到左一半, 唔知點解諗到FAITH TOUR...= =''''[又黎啦, 係唔係真係想打呀??]

第3首歌之前就除衫....全場尖叫=口=我冇份...

member介紹之後又唱歌...之後又mc..講左話佢地mama響場內, 比我估中邊堆係...之後有個男仔叫出去"仔仔"golo就話佢禁早搞事..

唱完幾首就走左, 開始播帶, 佢地唱d歌超好笑~~果然搞band都係小孩..[我都識一隊小孩軍團....下刪千字]

再出黎佢地完全變曬裝= =唔知點解諗起P'UNK~EN~CIEL.....[唔該, 拖佢出去打..自動消音]

endy果副眼鏡好似朱古力獎門人王卡偉白色果副...好得意呀!!><

之後endy見到少爺占....

唱夠就mc一下...係禁搞事, 超好笑!!!不過一mc就笑死...

joey 幫endy抹汗, 超恩愛!!><

之後就endy solo一下..唱番"周仔"d歌...正!!

唱七14天之後話唔夠慢, 再整首再慢d...個個都一個霧水, 原來忘記了告一段落..= ='''

感覺上溫室氣球ge唱得最多...

solo完重整多首萬世巨星, 意外收穫呀!!

唱完又響到搞頭, 話亂左wo~~= =''Zarahn每個也愛漂亮~~^^'''

之後就響到派糖....派完就講點解派糖[樓上冇T.T golo有努力"派"上黎, 奈何糖太輕= =''']candy..

講講下就變左唱歌[我唔係好記得點唱...]"c.a.n.d.y, c.a.n.d.y, 好易記得....."[真係唔記得= ='']呀.......

嘉賓係candy盧巧音呀><睇左前段少少已經覺得今次睇live好抵, 果moment覺得更抵!!><

唱之前唔知點解candy支結他駁唔到, 之後又響到彈多次之前果首c.a.n.d.y~~

candy起初只係唱一首, 之後比我地叫下叫下就唱多左首..><

第2首歌之前mc, endy講番起之前拍半醉人間果時識candy點點點...講完就唱歌, 貌似candy唔係好熟首歌, 之後endy就好genterman禁問candy"手羅"支結他, endy,candy淨唱~~香港男仔真係好好~~

之後就唱左幾首十二優ge歌...中間joey有solo....超好聽!!!><之後又到周仔...

唔記得咩歌之前, endy彈錯野...彈左3粒音姐....hyde之前好似都試過...重要係入錯XDDD不過hyde成日忘詞, brabra好過小豆....

唱完唔知兩首果時, 我突然好想叫日文...就叫左"好帥"ge日文...unbelieveable ge事發生左...endy望左上黎呀....><佢聽到呀~~

唱too much porno makes me sick...全場都叫呢句, 唱完之後有人叫話"病左啦~"XDDDD

最後果兩首都好dark風....d燈打得好正, 但係我對眼就....

最後果首唔記得左係咩, 之後Zarahn十二優3部曲禁就完左...

encore大家叫得超齊, 起初叫encore!encore!encore!, 之後就"啪啪啪zarahn"之後就由我果到叫起"zarahn encore"~~

之後最先出黎ge唔係Zarahn, 係個大芒...播目黑呀.....合唱版呀..

Zarahn四子出黎, 跳住出黎, 好好笑, 但係又好好睇~~

drum果個唱fiona果part...Zarahn真係個個都唱得, suo ge!!

唱唱下就變左飯唱fiona part~~

最好笑係4個分成兩對, 響到跳舞...跳果d係唔係叫社交舞?? 超好笑..唱完就瞓曬響個台到...飯叫起身啦, 都唔肯起= ='''

之後就話係佢地3場以黎, 個頭最亂, 出錯得最多ge一場...

貌似wyman都有到...

叫下叫下, drum話其實自己好想唱, 之後就真係唱, 好似係唱搖滾小學....之後又話已經overrun, 樓上即刻有個女仔叫"overrun我比"樓上即刻為佢鼓掌, 搞事搞得真係好正, 不過好似真係全部都係樓上ge搞..

好似又話有4首歌係臨時唱, 藍雪糕[endy問唱咩好,有飯叫藍雪糕, endy就話"好!就藍雪糕"],drum版搖滾小學,萬世巨星,同埋好似係不敵...

最最後一首係地下街....好聽!!!><

謝幕爆笑...佢地5個手"q"手, 對腳向左踢向右踢, 超好笑!! 之後又拉左去第二到, 第一下亂第二下已經整齊, 這就是默契??

live完畢[10點半..]...對手掌好似唔係自己ge禁...超熱超痛..對腳超攰...我同靜差唔多企足全場, 淨係坐左一首半歌同中間播帶果到...但係真係感覺一流~~

壽臣果到感覺真係好似live house~~><

完左我有短暫性失聰...因為真係開到好大聲...Zarahn佢地都話大聲, 冇戴耳機真係會feel到好應...[靜去睇之前重話我知佢地第一場好似比樓下果d古典投訴Zarahn開得太大聲..XDDD]

150蚊係絕對值, Zarahn再有live, 最平ge 300蚊我都會去呀!!

我同靜都話Zarahn好過S.H.E, 因為箱子細??

坐我前兩行有條友超high, 差唔多全程都響到fing...我就唔得啦...

學左好多野, 起碼知咩叫dark...dark咩類型音樂~~

見d staff行黎行去, 係唔係睇有冇人影相, 好忙呀..但係場細先得姐~~good!!我鐘意!!

行左出去我搵toliet...去toliet係岩ge!!!

見到有堆人響之前賣goods果到...我同靜估到咩事...以拖字決行落一樓, d staff趕人..但係我同靜拖呀拖, 拖到Zarahn行左出黎...
呀!!!!!!超近距離呀!!相距一米左右, 佢地5個個妝都好濃, 特別係對眼..不過正常~~

endy渣部相機出黎, 我同靜好似比佢影到[唔好擺上blog, 我唔想上鏡!!拜託!!]endy大約高我一個一頭左右, koro唔洗講有幾高啦~~
影緊相之endy...奇蒙無比= ='''

影到goro~~

一樓睇好輕鬆~~見到有記者...睇落似有線..又可能係無記, 唔知呀..唔理呀~~聽到endy講野把聲, 好sexy呀!!><

做完訪問就開始賣goods, 難得一見場面...之後靜話endy找比飯果張20蚊紙, 果個飯一定唔會用啦XDDD

賣goods ing ge Zarahn~~

響樓上睇到d staff叫人退後, 我就無聊禁講"迫扁啦~"靜就響到笑..

過左兩分鐘之後[賣左5分鐘左右..], Zarahn眾人返上一樓...endy又響到影...= ='''佢地返左入休息室我同靜都慢慢返落去走佬..

最終都有影到門口張poster...
奇蒙無比= =''''

送埋靜去坐車我就返呀公到~~

期間打左比CSM, 原來佢都想去...對唔住....下次有類似我同靜都係ge話一定會問你!!![我冇搵佢係因為佢果期冇野做, 米錢...]

個live一定要出碟呀!!我一定會買嫁~~窮死都好..

好似話遲d yahoo到有得睇片段...留意!!

有簽名ge poster呀!!

【明報專訊】周國賢前晚與Zarahn樂隊成員於藝術中心舉行《十二優音樂會》，周國賢塗上藍色眼影，與成員們狂野演出。事後有指他們演出聲浪太大，影響樓下播放的電影。

前晚前來捧場的有他們的父母，圈中好友則有鄧麗欣、森美等。周國賢與Zarahn成員均表示父母初期不喜歡他們夾Band，覺得似很壞，但慢慢也接受。不過周國賢說如果將來女兒想夾Band，他要做領隊，而且要全女班。他又大讚女兒有音樂天分。

聽晚就去睇Zarahn啦~~同之前睇S.H.E一樣, 冇乜真實感覺, 可能因為我連Zarahn d歌都未聽熟..= =''''

今日睇左14才之母第2集, 感覺上節奏冇第一集禁快[可能係因為希望d會睇落去...]難聽講句, 有少少悶...

睇14才之母果時見志田未來d衣著....十足我地香港冬天唔係好凍果時禁....秋天已經著成禁, 日本d天氣真係好極端[夏天熱起上黎成38,39度= =熱死呀!!!]....不過唔知東京會唔會落雪嫁呢~

難怪琴日hyde留言[死人頭琴日又online啦~~我唔知係第n次錯過啦..= =''']佢呢期成日都食野[平日都食得多, 秋天食得更多...]諗下諗下, 我係舊年秋天真真正正鐘意hyde, 而舊年秋天係third solo project ge岩岩開始..= ='''

日本人講秋天係食指大動ge季節果然冇錯, 我最近都好似食多左野...= ='''

鬼d一公升一集都未睇...比係我已經睇左一半啦~~

努力聽熟d歌預熱...

就這樣~~

今日終於睇曬積存ge file....

睇左星期二果集ms, teppi真係好可愛!! 而且Hava Rava個歌詞同pv完全同符.....

靜靜話見到呢張周國賢諗起hyde....我係..=口=我淨係諗起laruku.....可能因為我日日夜夜都諗係hyde掛....

睇左水手服與機關槍, 暫時總結, 今季我會睇3套....一,14才之母;二,水手服與機關槍;三,鐵板少女小茜....唔知點解, 戀係覺得好我自己好鐘意水手服與機關槍~~

聽日差唔多上足成日堂, 忙死....

就這樣~~

今日係星期三, 周國賢隻碟應該係琴日出左, 但係到而家重未見有...orz................

星期六話早唔早, 話遲唔遲......但係冇聽過隻CD都唔知點去睇con..= =''''

今日去左華納果到睇, 話zarahn隻碟係cd+dvd....好唔好禁早敗好呢~~ 靜靜, 妳會點呀???

3個鐘空堂....有d無聊..= ='''''去左youtube睇hyde...= =''''終於睇到kinki節目果條片, 笑到肚痛~~XDDDD

下個月ge今日一定會過得好慢姐~~

今日再睇多次今期cool, 再睇tetsu果篇....tete鐘意banana, 新世紀福音戰士[我都like~屋企曾經一度全部都係evan ge野...], 明日香[新世紀福音戰士入面其中一個女主角, 我都好like~], 高樓大廈, 高達[我都幾like, 不過係SEDD之後ge...]........我好似真係鐘意好多日本事物...我就響到諗, 如果我操得一口流利日語, 可唔可以扮日本人, 答案係唔得!!因為我冇日本女仔ge可愛樣, 唔似日本人禁樣乜都諗得出.......我真係proud of 我係中國人, 以上只係今日忽然狂想姐~[冇辦法, 去廁所果時無聊...]

今日見到Yahoo! Search果到第一位係澤尻繪里香....真係呆左....唔明點解香港會係電視台播乜就興搵乜ge料...= =''''之前播女王之係禁......唉...算啦~~香港係禁嫁啦, 唔係個個都係會個個星期去追最新一季日劇, 況且今季好似冇乜邊套真係特別好睇~~ 舊年夏季同秋季真係好精彩!!!一套女王一套一公升響夏季, 一套野豬大改造響秋季....

就這樣~~

笑就真係幾好笑~~個級就............[忽然消聲]

Zarahn隻碟究竟幾時先有, 我要預熱呀!!!!

響市中心到遇番中學的同學真係唔難~~琴日見到石頭, 今日就見到文x..= ='''''幾時會比我見到敏呀??

今日一口氣睇埋淨低ge5集一公升眼淚...睇到亞也離開東高果到開始, 集集都響到喊.....唔係喊到成面都係果種, 但係要ko d鼻水....

mama搵我去市中心食飯..[睇一公升睇冇乜心情...]之後見有van仔就坐van過去, 之後到左置樂另一個站冇位, 個司機叫冇比錢ge細路坐入d= ='''之後坐後面果個講電話賓賓迫個細路坐入d, 但係依然坐左張雙人位ge 2/3= ='''[我係禁啤住個賓賓]坐隔離ge係一個抱住個小妹妹ge mama...我見到佢禁都覺辛苦[我知有個細路坐大比有幾辛苦, 而且佢禁樣坐得唔穩會好危險...]之後後面個站有人落車, 我就走左去前面坐...[我係熱血青年XDDD]讓左我個單人位比果個mama同小妹妹坐...之後落車之前望左個mama同小妹妹一眼, 個mama唔知響到同佢小妹妹講咩..[可能話我呢個姐姐多事啦~~]果個賓賓都係響市中心落, 唔記得左繼續老啤佢= ='''

買左cool輕音樂....張poster點算...比區好定比kitty好....

睇cool....話hyde faith tour最後響沖繩果場又唱glamorous sky而且可以見到浴衣hyde同唔插電live....羨慕ING果千幾人....

就這樣~~

響虹盞到, 之後仆去Sony到睇....都唔知開心好定唔開心好...= ='''

2006.12.13（wed） 同時リリース決定！

『ark』15th Anniversary Expanded Edition
『ray』15th Anniversary Expanded Edition

※発売日が変更になりました。

仕様：CD+DVD　価格：¥3,360（tax in）
DVD: PV収録時メイキング映像+秘蔵映像収録

雖然遲左推出, 我有機買到FAITH TOUR DVD日版.....到時先算啦~~不過好似話遲左推出都好多人米錢敗...

今日派番上星期五份quiz卷[13詛咒..= =''']成績果然......肥左~~ 雖然預左, 但係都好shock, 因為真係低得好緊要, 我要努力k書了~~ 咪mkt都死法, 我唔洗諗升班嫁啦~~

今上acc我完全響到發呆同埋同芷欣傾計~~我覺得自己真係好好好好好好好好好好幸福呀~~ 我要好好珍惜呀!!!><

放左學返到屋企即刻響到睇1公升....連睇3集[而家睇到第6啦~].....睇第6集睇到喊左出黎~~上次女王又係第6集喊, 今次又係...= ='''

今季龜梨果套諗住唔睇, 但係個故仔吸引....上季睇係因為伊東美咲, 今季睇故仔, 我真忙!!

今日見到有my boss my hero ge dvd賣lo~~ wincy話一定會買...但係我真係要睇下銀包有幾多銀兩....

同wincy約左去睇忽然7鴨.....希望好笑!!!

比個HDTV laruku檔玩謝..= ='''

就這樣~~

今日睇左兩集一公升.....睇到第3集...果然係第2集黎料...但係第2集我冇野, 第3集睇完眼濕濕...我一定唔可以一口氣睇曬11集, 咪我會喊死!!!

中間睇左彩雲國物語, 愈黎愈好睇!!!

ms果3個鐘我今日分兩次睇曬, hyde到第3個鐘好鬼死多小動作...最好笑係最尾過場音樂拍手果時, 佢"q"左腳...之後又唔拍手wo, 淨係響到拍隻腳= ='''[雖然唔係第一次, season's call果時都係...]但係佢係交叉手放響大比到, 左手指右腳, 右手拍左腳, 見到個動作, 即時笑左出黎....好似.....一隻蝴蝶響到飛[形容緊拍果下手勢...]靜靜想像到都笑左出黎...

wincy都睇左ms, 之後問我laruku op果首係咩名...我即sd左比佢....做得鋼鍊ge歌果然唔同~~ 不過link真係好聽ge~~ tetsu作ge輕鬆歌真係好好聽, driver's high已經係一個好好ge例子, 細佬一聽到driver's high即癲呀..= ='''

發覺秋季好多劇想睇....忙死...

前日睇左14才母親....劇情推得好快....尾果到已經講志田未來有左...

聽日返10點, 瞓教...

就這樣~~