今日，學校一名我認為做人做得最瀟灑既老師要離開。

佢返學從來唔帶工文袋，永遠只會見到佢兩手空空。

返學、放學，只會係衫袋袋枝筆(有時連筆都無)，褲袋袋銀包。日日如是。

我地問佢點解，佢話：「我完成晒學校既工作，無必要帶番屋企做。」

佢從來唔會OT，每日四點鐘準時放工，佢既學生亦準時放學。

佢講過：「我唔洗留校工作，代表我既工作能力強，其他老師要OT，係佢地工作能力有問題，

更甚既係，好多老師留校都唔係做學校野，係做私人野，浪費燈油火蠟。(引用左好多事例)」

雖然佢無教過我，但近日幾次強制回校溫習，佢都係監堂老師，所以同佢傾過幾次。

佢係學校從來無遲交過任何工作，無失職。

校長一句：「你教既班別成績一般，你不如唔好教喇。」就炒左佢。

學校，又少一個好老師。係你！校長！係你令我地無左一個好老師！