今日，學校一名我認為做人做得最瀟灑既老師要離開。

佢返學從來唔帶工文袋，永遠只會見到佢兩手空空。

返學、放學，只會係衫袋袋枝筆(有時連筆都無)，褲袋袋銀包。日日如是。

我地問佢點解，佢話：「我完成晒學校既工作，無必要帶番屋企做。」

佢從來唔會OT，每日四點鐘準時放工，佢既學生亦準時放學。

佢講過：「我唔洗留校工作，代表我既工作能力強，其他老師要OT，係佢地工作能力有問題，

更甚既係，好多老師留校都唔係做學校野，係做私人野，浪費燈油火蠟。(引用左好多事例)」

雖然佢無教過我，但近日幾次強制回校溫習，佢都係監堂老師，所以同佢傾過幾次。

佢係學校從來無遲交過任何工作，無失職。

校長一句：「你教既班別成績一般，你不如唔好教喇。」就炒左佢。

學校，又少一個好老師。係你！校長！係你令我地無左一個好老師！

每天三小時嘈吵環境溫習，耐力、集中力訓練

訓練持續一周，就會練出比常人強既耐力、集中力。

學校正是日日如常咁樣訓練我地，我真係好X感激學校。

安排—個樓上正正裝修既課室比我地。

今日仲黎左一個勁似醬爆既阿sir黎加強對我地既集中力訓練，

有時仲會無啦啦鬧下你，真係好有挑戰性呀！

大家快d黎參加啦！

今日下午出旺角夾band。

第一次同新鼓手夾。

唔錯，順利。

kenny同阿文比左好多參考書我，好多，真係好多，好重。

由旺角揪番屋企，真係好甘。

好“支力”

今日要返學校交成績表、到可道上飛機工程。

兩樣都係九點開始，所以我“本來”諗住預早少少八點幾返到學校將轉往可道。

七點半開電視，紅雨、上午所有學校停課。以經開始不斷打電話聯絡同學。

學校電話又唔通，所以都係訓多陣等消息。

訓著一陣，電話響，訓著一陣，電話又響。終於呂梓打黎，佢話以經返到學校，要交成績表。

學校之前所講既開放時間係九點至十點。我接到電話時以經九點幾。

拿拿聲起身換衫出門口。上到車，又同琴日一樣塞車，塞到爆。

落車又同琴日一樣趕番學校。上到禮堂一交低d野，個書記就入黎話停，野唔再收。

好彩趕到。

之後老簡陪我去食早餐，之後去圖書館睇一d我地睇唔明既書，打發時間。

差唔多夠鐘就坐車去可道，老簡話可道果邊有間餐廳唔錯，就去試下。

食完早餐唔夠一個鐘就食午餐。老簡無介紹錯，真係唔錯，又底食。

上左兩個幾鐘堂，聽好多資料性既野。落堂。

今日要返學補課，旅遊。

朝早坐車返學，塞車。九點上堂，落車時以經八點四十，仲要走幾個字。

一落車，急步衝返學校。差唔多行到學校門口，見到前面有條友仲雙手插袋慢慢行。

機會以經比左你，唔想讀既就早d走，唔好阻住晒。（>□<）Ｏ））））–o–）