中文科小組討論考試於放學進行。

我又同中指一組。感覺良好。

佢係一個好好既競爭對手，同佢一組，令我地在競爭中進步。

我同佢既表現都到達水準。但離開時無問監考阿sir幾多分。

之後我等埋中指一齊走。同佢好奈無傾過計，都傾計得好暢快。

佢好好人，落雨"姐"埋我，出到學校門口就有的士，坐的士番屋企。

上到的士，又遇到一個好好傾既司機，佢話我講野好有見地。同佢傾左一d學校好少比外界知既問題。真係希望下次坐的士都會遇到佢。^^

就快又考試，平常心啦。

近日各科都趕係考試前教晒d課題。好趕、好忙。

有d科目老師為求教晒d課題就求求其其，又唔深入講解，搞到我要再睇d參考書先明白。

今日放學後要考中文朗讀。

監考阿sir.....shit！鬚根明！

雖然對左佢三年，都知佢咩料，但我一見到佢個樣就想笑，叫我點朗讀呀？><

到正式朗讀既時候，我行埋佢，佢就黎一句：「同學，報上名來。」頂！武俠片咩？

我全程望住張試題讀，都算讀得唔錯，咬字尚算清楚。

我初中既朗誦全部都係鬚根明教，都有番咁上下功力嫁。

希望佢高抬貴手，比鬆d分。

今日又濕又熱既天氣真係令人煩躁。

落雨仲要上PE，最大鑊既係PE後既會計堂要測驗。

測驗都無咩大問題，到lunch，我同家盛踏入課室既一刻，被一個死人妖用抹黑板條毛巾拍中。

我即嗒著左火。真係好火，無啦啦比個死乸型整到成身粉，真係想動粗。

放學又要留底做番個中文鈴聽測驗。

又多功課做，真係忙。

但忙裡都要偷閒。練bass一個鐘

四指於指板上飛舞，爽

今日放學與大鼻、老盛、老簡陪燒鵝雄去配眼鏡。

因為佢係第一次配眼鏡，所以極需要好似我、老盛、老簡有經驗既人幫佢。

經過我地一番討論，燒鵝雄最後配左副深藍色鐵架眼鏡。

因為佢第一次帶眼鏡，我怕佢帶d膠架會太重，會引致頭暈頭痛，所以建議佢配輕d既鐵架。

講開又講，個女視光師都ok喎。個樣ok純^^

今日練band，本應好好feel，因為好奈無夾。

但唔知點解個feel好怪，無咩交流，好似交功課一樣，搞掂就算。

何解？

定還是係我既水平同佢地脫節？