放學番到屋企，一online就收到Kenny既通知。

我地Blazed樂隊將會參加“全港青年原創歌曲灌錄大碟計劃”

贏左就有機會出碟，登上大舞台。

問題係，參加就要交最多三首既demo去主辦單位，主辦單位會提供錄音室。

• 每隊限定每首歌要係一個鐘內完成，明顯係唔包mix。
• 三首歌要係三個鐘內搞掂。
• 5月10號前一個禮拜交比主辦單位。

即係我地要係今個禮拜內錄好，唔係就咩都唔洗諗。

所以我地決定今個禮拜日去搞掂d demo。

加油加油！努力努力！

今日放學後，一班同學買晒野食黎我屋企打機。

我既技術真係勁左，但偶然仍會輪比莫no同家舜。

偶然一班同學打下機，將一日上課既悶氣踢走，係唔錯既減壓方法。

但絕對唔可以沉迷。

• 今日六點鐘起身，七點鐘出發去鑽石山地鐵站同阿sir會合，再坐的士上體育館。
• 去到未放人入會場，有個工作人員突然行出黎問：「有無精英係度？」(佢其實想問有無精英跆拳道館既選手係度)
• 之後全部人都望度佢，個工作人員自己都笑左^^，有條友話：「我地應該答佢呢度全部都係精英！」
• 我由九點，坐到十點幾過磅，再坐到12點lunch出去食飯，返到去再坐到4點幾先有得打。=.=
• 途中都訓左幾鑊。
• 今次一如以往都係輸，一開始比人踢到重要部位，就開始無力出腳><
• 好踩頂到最後都係輸1:0，好過某d人。
• 某個人同我、某人賭，邊個比人贏得最多分就請飲野。哈哈，唔洗我請。
• 雖然今次又係輸，但感受到館內互相幫助同團結精神，都好開心。

琴晚晚訓又訓得唔好，所以今朝仲好眼訓。

今日要返飛機工程，差少少遲到。

落堂後同d課程同學去左食lunch。

比個新黎阿姐笑死。

之後返到屋企準備下聽日比賽d野。

突然老盛打比我，話還番上次借比佢件外套同借枝冬青藥膏比我。

佢黎到就傾下計、睇下軍事記錄片。

我地係二戰德軍既狙擊手教學片段發現好多熟悉既臉孔，例如：涼衫竹、蜘蛛俠^^

突然天色轉暗，老盛就踩車趕番屋企。

禮拜日就比賽，禮拜二黎整傷腳。Holy Shit！

右腳腳腕腫左，一蹬直掌就痛。咁既情況，近乎係打唔到跆拳比賽。

而家勁擦藥油，希望快d散腫。