今朝起身，已經感到腸胃不適。見唔係大厲害，無理佢。

返到去練拳，突然又痛，去左解決，之後無事，又無理。

番到屋企，本來諗住去睇莫no沙排比賽，突然又痛，所以去唔到。sorry..

食左兩粒好腥既釣魚牌整腸丸。Oh God！

今朝一開眼，個天花板點解會轉既？

暈...........

好暈..........

我諗應該係近日天氣突然又轉涼，所以中招。

今日去左將軍澳拜祭家駒。

“清明時節雨紛紛”全日都落住微微細雨。

墳場已經開始封路，連巴士都上唔到，要行路上去。

路又斜，天氣又潮濕，頭段真係好辛苦，但行到上高d既路段，開始有d風，

仲要係寒寒地果隻。

上到去墳場，一望上去，有藍色作背景既就係家駒 - 十五段六台二十五

行上去放底扎花，望住佢，心入面同佢講左d野，然後就走。

今日大鼻、KK、老簡、老盛黎左我屋企玩。

打ps2同戰地2。

“鐵拳”不斷輸=.=

“高達”巨大機體高手

夜晚call KFC送野入黎，但唔係好夠食。

阿媽煮自製湯丸，正！

九點鐘，散水。

岩岩去完表哥既結婚飲宴。

佢地真係勵害囉！接新娘、註冊、擺酒都係同一日。

最勵害既，係佢地既愛情長跑已經跑左十三年。十三年，係呢個年代黎講算係好長。

試問有幾多對情侶可以圍持到超過十年？

婚宴上，播放佢地二人既童年照片、結婚相同今朝接新娘、註冊既片段。(剪片果位人兄都好快手)

表哥註冊時竟然流淚。><好少人會係註冊時流淚，反而表嫂就笑到見牙唔見眼^^

婚宴上有個MC搞氣氛，講真，氣氛就無喇，爛gap就好多=.=

上兩樣菜，又玩下遊戲。d菜份量又少。到而家仲有d肚餓。

全晚姑媽同姑丈就開心，人稱“黑柴”既姑丈，全晚只見佢“爬”白色既牙^^

佢仲不斷介紹表姐比人識=.=有少少似賣女

整晚全場有漓漫住甜蜜氣氛。

祝表哥表嫂：

              白頭到老，連生貴子

TO表哥：今晚努力呀！早d生番個肥肥白白既BB^^