今日中文堂既時候，我完成左我既閱讀報告分享。

因之前有幾個同學都好低分，而我又知道Miss既評分準則好嚴格，所以我都好太壓力。

前兩晚我已經完成左個PowerPoint，我所做既書係之前係三聯買既一本“希特勒與納粹主義”

中文堂前既小息Miss上黎問我本書而家係邊，好似唔信我真係睇過-.-

但我拎出黎，Miss就話：「估唔到你睇d禁high既書喎。」我心諗：「你咩意思呀？」

雖然我對個PowerPoint既內容同我對本書既認知好有信心，個到中文堂向全班做報告時，

我都有d驚，腳有少少振﹏

我一口氣講講講，講有十機分鐘，完。到我最怕既老師同同學既發問時間。

同學既問題都ok易應負，家舜問左一條：「如果你係希特勒，你會唔會組織納粹黨？」

我答：「呢個問答都好假設性。我相信如果我係希特勒，我都未必清楚自己會唔會，因為我都唔知我既際遇會唔會同佢一樣。」

我既讀後感提及過：「 希特勒在世人眼中是一位獨裁者、殺人狂魔。但我就不會給他任何評價。因為我相信當他作出這些行為之前，一定理已經給了自己一個莫大的理由。如果當日他沒有自殺，在軍事法庭上，他一定有滔滔雄辯。不竟他曾經也是個堅持自己理想的人。我們忘記他的惡行，他還有很多方面值得我們學習，如治國方法、管理企業方法、戰略、重振國家的方法。這些都對我們對祖國作出貢獻的良好方法。」

 Miss問：「你話你唔會比佢任何評價，但你又話佢有野價得你學習，如果而家有一個同希特勒差唔多既獨裁者出現，你會唔會支持佢？」

難答到我自己都唔知自己答咩-.-

我答：「我應該會。」

之後我都唔記得佢問過我咩，總之係好難答！

但最後Miss都讚我做得好，有真正準備過，似一個中四學生，止限今日。

十分滿分，Miss比我九分。

隔左成個禮拜。終於到陸運會Day2。

今日亦係大鼻既生日，祝生日快樂，早d搵到另一半。

因今朝落過雨，所以上午既比賽間中都有d PK場面出現。

如常繼續攝影，盧sir借左佢部機比我玩左陣，真係幾好玩。

學盧sir既方法，見到有人就影，影底佢地既小動態。

陸運會完左後，同大鼻一眾人係運動場看台食蛋糕慶祝。

再係運動場跑左幾個圈，跟住我就番屋企，佢地繼續去玩。

今日朝早番到學校如常衝功課。

如常上堂。

如常食飯。

如常放學。

但放學既時候，有一個人係我面前同另一個人講左一句野令我無言.......

今日係陸運會。今年既陸運會係元朗運動場舉行。

朝早同莫no、呂梓食早餐，然後再行過去。

今年我如常做攝影工作人員，周圍去攝下景攝下人。

年年陸運會都有兩日，但今年分開兩個禮拜舉行，到下個禮拜一又黎過。

最無奈既係陸運會後冇補假。

今日返飛機工程課程，因琴晚練完拳，今朝已經感覺到全身肌肉疲勞。

返到學校，聽左兩個幾鐘既金屬物料知識。我自問平時上飛機工程都好留心，

但今次真係頂唔順訓著左。

之後阿sir帶我地過隔黎DT工場，用果幾部超級電腦上網搵資料。

落堂後同老簡and其他同學去食野，係餐廳撞到牛屎、倫。

我同老簡就行埋去搭抬。同牛屎、倫傾軍事及政治。

真係估唔到倫都係一個軍事迷。我對佢另眼相看。